رياح هائجة

3

#رياح الهائجه
#للكاتبه: الخفاجيه
#بارت 3
★★★★★★

اريج:طلعت اركض وابجي دموعي تنزل بغزارة شفت الشخص لي دمر حياتي شفت الشخص لي بعدني عن بنتي شفت الشخص لي حرمني من طفولتي شفت الشخص لي عذبني وخلاني مجنونه
مها:يمه بنتي شبيج ولج شصاير ليش تبجين احجي
أريج:صعدت لغرفتي اركض طبيت وقفلت الباب شمرت الملازم والجنطه على الارض وكعدت اشهك اذكر كلشي مر عليه قبل 6 سنين

الماضي
أريج:جان حياتي هادئه كلش بيوم من الايام واني راجعه من المدرسه وميته حر وجهي احمر وصلت للبيت سمعت صياح عالي جاي من الصاله رحت ركضت دخلت اشوف شكو جان ابوي واكف وعمامي وجدي هم شافني ابوي اجه جرني وضربني راشدي
ابو أريج:صح لي سمعته ولج شوهتي سمعتي
أريج ببجي:شكوو بابا شسمعت
ابو أريج:عندج علاقه ويا ابن ابو احمد
أريج:لا والله وحق الله لا ما عندي اي علاقه
الجد:ولج شهل جذب بنت عمج شهدت عليج واجه ابو احمد لبوج كاله خل بنتك تبتعد عن ابني
أريج:والله جذب ما عندي اي علاقه ما سمعو مني كامو يكتلوني بكل دم بارد الحد ما جتي امي ركضت عليه جرتني وشمرتني بلغرفه
مها:ماما احجي صدك عندي علاقه ويا احمد
أريج:وحق الله ما عندي علاقه ويا واصلن ما شايفته بس مرتين
مها:لعد ليش ابو اجه لبوج
أريج:ما ادري ما ادري
مها:حتى بنت عمج شهدت وكالت من تروح للدوام تلتقي بي
أريج:والله جذب
مها:اووف يا امي اووف
أريج بخوف:ماما شراح يصير وياي
مها:الله اليستر من عقاب عمامج وجدج
أريج:بلعت ريكي بخوف سبوعين واني محبوسه بلغرفه وبدون اكل ومحد يطبلي بس امي تجي اشوفني وتطلع بسرعه الحد ما قررو يزوجوني حتى يغطون على الفضيحه لي سببتها الهم
مها:كومي غسلي وبدلي بسرعه
أريج بخوف:ليش
مها:راح يجي السيد يعقد الج ولبن عمج
أريج:شنو يا ابن عم شكاعد تحجين
مها بعصبيه:ايي جدج قرر يزوجج لبن عمج دلهام
أريج:شنوووو مستحيل ازوجه مستحيل
مها:اشش نصي صوتج وامشي ولي غسلي يله
أريج:نزلت ادموعي وكمت ارجف بخوف مستحيل ازوج دلهام مستحيل ازوج هل معقد
مها:شكاعد تنتظرين امشي ولي
أريج:طبيت غسلت وطلعت لبستني امي فستان  ابيض مطرز ولبستني شال وطلعتني واني صافنه بغير عالم لسه اكول حلم واكعد منه كعدوني على كرسي قريب من الصاله وبده الشيخ يعقدنه من رديت الموافقه نزلت دموعي هاهيه انتهيت لسه محتفظه بتاريخ هل يوم 6/6
من هل تاريخ بده عذابي النفسي ويا ابن عمي

الحاضر

مسحت دموعي وكمت من الارض طبيت للمغاسل غسلت وجهي وطلعت جريت علاجي اخذته ومددت بفراشي
سمعت صوت الباب تندك ما هتميت ضلت تندك الباب وما اجاوب الحد ما انفتحت الباب ودخلو اهلي عليه
مها بخوف:ماما حبيبتي بنتي شو باعي خل نحجي
أريج بخنكه:طلعو ما اريد اشوف احد ولا احجي
علي:أريج بويا كومي خلي نفهمج
اريج بصياح:شتفهموني ها شتفهموني كافي تعبت خطيتي بركبتكم كلكم ضلمتوني وجذبتوني وهسه جيتو بكل برود تريدون تفهموني طلعوووو
مها:خل نطلع بعدين نجي من تهدأ
أريج:طلعو الكل كمت قفلت الباب ووكفت يم الشباك اباوع وهدي نفسي من التوتر انتبهت على بيت جدي هوسه بلخارج وكله زلم هه مبين مسوين عزيمه على رجعة ابنهم وحفيدهم اندك الباب وسمعت صوت اسيل
اسيل:فتحي يولو خل نحجي
أريج:فتحت الباب وطبت تكمز مثل القرد
اسيل:صدك لي سمعته
أريج:اممم
اسيل:مبين ابالج شي احجي
أريج:بنتيي
اسيل:شفتها
أريج:هئ ما شفتها لسه
اسيل:ليش ما شفتها مو هاي لي جنتي منتظرتها
أريج ببتسامه:عن قريب يمي هيه نشالله
اسيل:شنو لو بالج أريج
أريج :اخذ بنتي الي
اسيل:لا تندكين ويا أريج انتي مو كدها انتي وين وهوا وين ماطول عنده عرف بدوله من سابع المستحيل تكدرين تاخذيها منه
أريج:شيسوي خل يسوي بعد ما يهمني اهم شي بنتي
اسيل:اني كتلج بعد ما عليه
أريج:عافتني وطلعت ضليت افكر بكلامها كله صح بس ما اعرف شسوي لازم اخذها منه
مها:كومي يله بدلي جدج يريدج هناك
أريج:يريدني شيريد مني
مها:كومي يا يمه كومي لا تخلين الكل يشمت ويكولون ضعيفه ما تكدر تواجها بعد لي صار
أريج:هزيت راسي وكمت اخذت صايه وشال لبستهن وطلعت لكيت الكل مجهز ويريدون يطلعون مشينه لبيت جدي اول ما وصلنه اخذت نفس عميق وطبيت البيت هوسه والكل موجود همست اسيل بذني
اسيل:ملتمات العكارب
أريج:بتسمت بهدوء وطبيت سلمت عليهن كلهن
ام أريج:لعد الحجيه وين
هاجر:عمه الكل موجود بلصاله
أم أريج:اها ماشي
أريج:راحت امي واني رحت وراها وقلبي يدك بقوه اريد اشوفها اريد اكحل عيني بشوفتها بعد هل سنين بلعت ريكي من شفت الكل كاعد يسولفون وهوا من ضمنهم من شافوني سكتو باوعت اريد المحها ماكو الحد حجيت
وينها اريد اشوفها
الكل دنكو روسهم ومبين الحزن عليهم اجه بابا حضني بقوه
علي:بنتج صارت طير من طيور الجنه
أريج:شنو يعني بنتي

يتبع

اسفه على التأخير
بس جان عندي دراسه فا قررت اغيب وابتعد عن الواتباد
نهائي بس هسه عندي عطله وهم رجعلي الواهس بلكتابه ورجعت الكم ❤️ واسفه مره ثانيه