تتلاعب بِنا الاقدار

المشهد ...

الساعه ٨ المغرب كاعده وايدي ؏ خدي صافنه بـ الي يصير والي مسويته اني ..!
تنهدت وكلت بس يجي تُراب انهي ويا كُلشي ..

اني تعبت صدك عمري صغير واحس مشاعري مو يم عمري مشاعر وحب ومشاكل وكلشي صار اكبر من عمري الدنيا دارت بيه وكلشي احسه صار اكبر مني ..
والخلاني بهيج تفكير .. هوه انو اكثر من مشكله تصير وما عرف هوه يسويلها حل ويجي ويتقدم يكول ريم رايدها اليه يعني جنت رايدتهَ كدام اخوتي يجي جنت رايده هلشي رغم عمري صغير .. نفضت ايدي وكلت هاهيه يجي تُراب واحاجي وينتهي كلشي احسن ..

هوه جان مخابر ؏ أحمد وگايله نروح اني وياك نجيب فلوس الايجار فـ ندك الباب وجان محد بالبيت خالتي جانت بيت خالي الي هوه بيت تُراب واخوتي طالعين فـ طلعت اني فتحت الباب شفت تُراب بالباب رفعت عيني بعينه كتله فوت جوه بالغرفه عندي حچي وياك عفته وطبيت وسمعت طبكه الباب واجه اسمع خطواته وراي كعدت ؏ الچربايه بالطرف وهوه اجه وكعد كلي ليش هيج بعيده تعاي يمي اسمعه يحجي وياي واني مدنكه افرك اصابعي بقلق وحيره رفعت راسي اله وگتله ..

_ خلي ننهي كلشي بينه ..! باوعلي مصدوم رفع حاجبه وكال ليشش كتله تُراب تعبت من المشاكل
وانت مجاي تسوي حل واني ادري مراح يصيرلها حل اريد اعوفك وننهي كلشي ..
تُراب : انتي رايده تعوفين اني شنو ذنبي ذنب گلبي الـ حبچ ..
رجعت باوعتله واني القهر تارس گلبي ..

_ واني هم شنو ذنبي اعيش بهيج مشاكل اني داكُلك تعبت والله تعبت
لزم ايدييي كلي بس هاي الفتره وكلشي يتغير وعد ..!
نفضت ايدي وكتله ميتغير شي بالعكس هاي المشاكل راح تزيد متنقص اذا ما سويت حل
كلشي بيدك تسوي تحاجي أخوتي تخلي خالو يحاجيهم وتسوي حل

بهل اثناء واسمع الباب نطبك وصوت احمد بالبيت احس كلبي ارتعش ورجليه بادن اريد اوكف ماكدر نداريت لـ تُراب كتله فدوه فوت جوه الچربايه بسرعه ولتحجي شي بالبدايه ما قبل وكال اوكف بوجه واحاجي اني مقبلت ما ردت يشووفنه واني ادري حقه كل اخ من يشوف اخته بهيج و بالغرفه راح يفكر وتجي الف فكره اباله ..

طب تُراب جوه الجربايه بسرعه وكمت فتحت باب الغرفه وصار بوجهي أحمد باوعتله والخوف تارس گلبي من دون الايام دخل لهايه الغرفه لان جانت شتاء وبارده الدنيا باوعلي كلي جيبيلي الشاحنه من الاستقبال رحت ركض للاستقبال داجيب الشاحنه واسمع صرخه أحمد بـ أسمي رررررررريييييم ..........!

خليت ايدي ع راسي اريد اتحرك اريد امشي ماكدر احس كلشي نطفه بعيني واذني صوفرت بحيث كمت اسمع بس صياح واسمي يرن باذني من الخوف مشيت خطوات واحس رجليه اطكطك وحده بالثانيه حسيت كلشي راح ينتهى بهاي الخطوات حته الهوى كمت كوه اخذه مشيت وچان اشوف احمد لازم تُراب من تشيرته وواكف بالهول ويگله ..
_ ووووولك احجييييي ششعندككك وياهاااا ..
.
.
.
.
.
.
.
.
.
.
.
.
مشهد من قصتنا الواقعيه ( تتلاعب بِنا الاقَدار ) انتضرونا بالبارتات القادمه 🤍.