تتلاعب بِنا الاقدار

الحلقه الثالثه ..

#تتلاعب بِنا الاقدار
" التصويت بنات " 🤍.
( "مشكلتي هي التفاصيل، أنا لا أُجيد تجاهل التفاصيل، كلمة واحدة في حديثٍ طويل تجعلني حزينًا، ذكرى قاتلة تعبر في بالي تغيّر مزاجي لعدة أيام، التفاصيل الصغيرة تقتلني بشدة." )
_•_•_•_•_•_•_•_•_•_•_•_•_•_•_•_•_

هوايه امور تصيرلنا ونگول العوض بـ اقرب شي النه ...
زين واذا چان سبب قلقكم وخوفكم هوَ اقرب شي الكم والي من دمكم والي لازم يكون سَندكم ويخاف عليكم من الهوى ...

بعد وفاه بابا ورجعنا لبيتنا وعشنا ايام كُلش صعبه من ناحيه مكانه الفارغ .. وامي الي لازم تاخذ دور الاب علينه .. بس من تباوعلها تشوفها هيه مكسوره اكثر وحده بينه ..

ايام تحولت من العز والدلال الـ ايام منلگه الاكل ناكلها بيها ...

اني من صغري ما احب اكل التفاحه الي نكول عليها معضوضه او مأكول منها شويه ..
بهل ايام گمت اكعد يم ماما واگللها :

_ ماما اريد تفاحه حته لو معضوضه عادي
أباوع ؏ امي باوعتلي ودنكتت شهكت ودموعها تجري ..

راحت ماما ثاني يوم باعت گلادتها وتسوگت واشترت كُلشي محتاجين وبمرور الايام الحاله ضاگت كُلش ..
ماما أجرت المشتمل الكاعدين بي وانتقلنا البيتنه الچبير چان ؏ مسافه قليله من المشتمل ..

گعدنا بي وگامت تمر ايام نخاف وحدنا والتهديدات معافتنه يوميه تهديد جاينه من طرف علمود ورث بابا ..