سلاح الارواح

بارت 2

انتَ رَشّة حنِيَة عَلى ايامي المُرة ♥️✨

:-اجت وجايبة واكل اباوع علية كعدت يمي حجت.

:-هاج اكلي هبطي ضغطي من امداج يلغمة

:-يمه

:-وغمه ها

:-اباوعلة كتله يمه اسفة والله مجنت قصدي امشي مدري شون مشيت هيج اخذني واهس ومشيت اعذريني اسفه ماعيده اباوعلة هزت راسة وسكتتت مديت ايدي واكلت وياها كملنه كالت كومي نغسل هم يلا نمسي ونوصل ازدحام هسه هزيت راسي غسلنه وطلعنه نمشي اباوع ناس تمشي ومواكب توزع ويرشون مي والدمامات اجه موكب يلطم وضلينه نلطم وياها اباوع عليهم لعد شكد شي عظيم تشوف هيج الله شكد حلو لمن تشوف هيج كلة لاجل ابو عبدالله (علية السلام) دخيلة ودخيل اسمه  مشينه مشي طويل حجت امي

:-تعبت مبيه مفاصلي اذتني  خن نشوف سياره نركب كوستر اي شي  كمزت بسرعه

:-لايمه شنو سالفه جا احنه المن اجينه غير نمشي حجت

:-ولج وين اكدر ماكدر وحق الحسين ماكدر

:-يمه

:-امشييي

جرتني من ايدي واني برطمت هيه شنيه يمه شنيه

:-امشي موتيني

وكفنه يم شارع يم منشئات وكلساع صارت هوسة طبكت زلم ونسوان وصار طخ وهاي ضليت صافنه حجيت

:-ترديني اركب بوسط هاي هوسه شكو يمه سالمين

:-انجبي جا شنسوي هاااا

:-يمة

:-وغمة امشيييي يلا

جرتتني وصارت هوسه صرنه جوة انطبكنه جوه مدري شون صرنه بل منشئة حجت امي

:-تعاي هنا نكعد

باوعت علية ورفعت حاجبي وين؟؟؟

:- وين يعني هنا

اباوع علية اشرت على كاع رفعت وجهي

:- صدك يمه تحجين...

:-اي يلا

جرتني وكعدنه واني ميته بدمي  كعدت واباوع على ناس راكبين جذبوني ناس ايرانين من خلال حجيهم واشارتهم انو فلوسهم مابدلينه وشلون يدفعون ميرضون فجاة كام واحد عراقي من عندنه كال شنو سالفه ابو وليد تره هذول زوار ابو عبدالله

:-شسوي واني هم زاير وهم رزقي

:-عمي اني ادفع بعد وهاك هاي كروه

شكد جذبني موقف بينهم ونطبع بعقلي
اي موقف واي مقولة واي شي يجذب نضري ينطبع بالي وميروح واني من النوع اذكر كولشي من صغري لحد كبري  هسه معرف يعني واغلب الاشياء يلي اذكرها اكولة لامي وتكلي شوكت وشوكت ف كمت اسكتتت حجيت

:-يمة وين توصل هاي؟

:-لتقاطع وتنزل وين يعني 

:-يعني بعد

:-اي ماما بعد

ضليت اباوع على الطريق حدما وكفت وحجه ولد وصلنه عيني كل كام ينزل ندهت امي

:-يلا يمه كومي

:-جا شبسرعه نزلنه

:-شنو شبسرعه مشوفين وصلنه دكومي يمه

:-نجبي انتي

هزيت راسي ونزلنة حجت امي

:-تعاي خن نعبر على شارع ونشوف سياره بلكت

:-ماشي

عبرنه على شارع وطكتنه شمس حاره تموت وساعه تجي سياره وساعه لا وهم لو فارغه تلكينه لو لا مشينه شوي امي تعبت كالت

:-بعد ماكدر راح اكعد

:-تمام اني حشوف سياره

:-نجبي تعاي كعدي يمي لا نوب مثل بارحه ورحتي

:-يمه

:-وغمه انجبي

:-ماشي
كعدت يمه وصافنين بضبط جو حار حيل وشمس نازله وناس تروح وتجي ومواكب اصواته عاليه لميت رجليه وخليت وجهي على اديه  للحظه سمعت صوت باوعت  ...

يتبع#

لحكايه بقاية...