سلاح الارواح

بارت 1

"ورب المستحيل
على المستحيل قادر .

_________________________

الدنيا تمطر وناس تمشي والسماعات مشتغلة بأعلى صوتة والقصايد ترن والمواكب والطبخ وبس يردونك تاخذ شي ينحسد علية كلة للاجل ابو عبدالله الحسين (علية السلام)

اخذت نفس بقوة وزفرتة غمضت عيوني وردتت دخيلك يا ابو عبدالله اعني يا حسين  وفتحت عيني باوعت شكد حلوة الاجواء هسه امي لو تخلينة نعيش هناية الله حلم عمري يارب جنت كاعدة على مصطبة محسيت الة احد يكلي يابنية يابنية درت وجهي واشوف طفل يمه فدوه مدبدب وبشعره شون عصبه ومكتوب ياحسين فدوه كتلة

:-ها ها عيني

:-هاج هذا توزيع لفة وببسي

:-شكرا وتسلمون

اخذتة من عنده وراح يركض اووي فدوه ربي يحفظه يارب
باوعت ببسي ولفة كلت انعم الله فتحتة وسميت وبديت اكل واباوع على ناس تمشي....
كمت مشيت وصافنه على صار وياي وعيوني دمع امشي ومادري بروحي وين وشكد مشيت باوعت يمه هاي شنو هسه امي ضل تحجي يمه باوعت منا ومنا ناس تمشي مواكب ياحسين اريد مساعده
ك

مت اسئل الناس وكله دليني صفح شفت موكب رحتلة لكيت شاب

:-السلام عليكم عمو بلا زحمه ماتندل ****

:-وعليكم السلام ليش بويه تايههه

هزيت راسي وكتلة اي حجه..

:-اكعدي هنا بويه اكعدي

هزيت راسي وكعدت واباوع على ناس تمشي وره شويه اجه رجال وكال

:-حافظه رقم امج اخوج اي واحد

هزيت راسي:-ماما
شفته ابتسم وكال دكي عليه

اخذت تليفون واني خايفه دكيت رقم كبل رد كلت

:-الوو ماما واجاني صوته يلعلعلع

:-ولج وينج موتيني وينننج وين رحتي كلبت دنيا ولج شون تروحين وتدرين احنه اجينه زياره هااا

:-مادري تهت جاي امشي وتهت والله

:-تهتي مو اصبريلي اني اعلمج وين انتي بيا مكان ولج

:-هذا رجال حيدليج
نطيته اله وحجه وهز راسه حجه وياي كال

:-تعاي كعدي جوه بجادر بويه هسه امج حتجين ومره ثانيه لاتمشين وحدج تهين وناس مترحم خوش بنيتي

دمعت والغصه بلعومي:-اي عمو طبيت لجادر وانتضر  واباوع بنص ساعه تمام اباوع لكيت امي وتمشي طايره اول ما اجتني طكتني راجدي ضليت ابجي

:-ولج وينج ليش ليش هيج سوين بيه تردين تموتيني تردين شلعين كلبي تالس وكت هااا ليش ليش

:-ماما والله مقصدي والله

حجه رجال وياه

:-ميصير هيج سوين بيه ميصير بتفاهم  ومنا ناس لاتضربينه بويه

:-يمشي وياهم تفاهم
كومي كومي طيحتي حضي كومي

كمت وياها وهيه شكرت من الحجي ومشيت وياها بس خانسه اذا احجي يمكن تلطني على حلكي مشيت ورجعنه نفس جادر وطبينه كالت

:-اكعدي هنا هسه اجي وديري بالج طلعين

هزيت راسي هيه طلعت وشوي واجت وجايبه.......

يتبع #

لكل قصه لها بدايه 🤍