روايه تمسك بيدي ياسيد الصدف ولآتجعل الزمان يظهر لحبنا تجاعيد 🔗🖤🥀 (بقلمي)

البارت الخامس والعشرون

"البارت25"

.
.
.

نحـن لانرتـب أماكن الأشخاص فـي قلوبنا
أفعالهم تتـولى ذلك..🕊✨

_____________
بعد مرور يومين ع ابطالنا

في قصر فؤاد جناح سديم
واقفه جنب الشباك وجوالها بيدها كنها منتظره مكالمه طالعت بطفش واخذت الجوال ورنت هي
:الوو
سديم: وييييينك من امس ماتكلمني واتصل عليك وانت مادري وش فيك
غسان يكلمها وهو مسكر ع عيونه وبحقد بس مايبي يبين:مشغووول كنت مشغول
سديم ببراءه:زين وش هالشغل الي مايسمح لك تكلمني ولو هو صعب بساعدك فيه
غسان فز من فراشه بقوه وفرح جت بباله فكره:جد راح تساعديني
سديم حست بفرحة غسان وابتسمت:اي اكيييد ليه انا كم معاي غسان
غسان بفرحة:يسلم ليي الحلو انا
غسان بتمثيل ويسوي نفسه يائس:بس مااعتقد راح تقدرين
سديم وهي حاابة انها تفرحه تبي ايامها الاولى ترجع:راااح اقدر واسوي الي تبي قولي وش تبي
غسان ابتسم بخبث:زين سمعيني
__________________
جناح سام الفخم الدال ع مهارة الي صممه

الصاله الي بلاطها ب اللون الاسود وفيها شوية خطوط ب اللون الرمادي والسرير الكبيير الي من امامه مرسوم رسمة اسد كنه حقيقي طلع من غرفة التبديل ومشى لين التسريحه الي صنعها حديث ضغط ع الزر وانفتح له درج طالع ساعته الفخمه ولبسها كان لابس شميز اسود مفتوح اول زرارين ونهاية الكم ب اللون الابيض وبنطلون جينز اخذ نظارته وبوكه وسويس سيارته وطلع

لقى امه امامه راح وباس راسها:صباح الخير ي امي
ام سام:صباح النور والسرور  وين رايح لسى مافطرت
سام:اي والله رايح بيت عمي عبدالله اخذ نايف ورانا شغله وافطر هناك
ام سام وهي تبتسم له:زين بس مااوصيك بنت عمك مر عليها وطيب خاطرها بكلمتين
سام تذكر براءه وهو اصلاً له يومين يفكر وش يسوي وكيف تنهد:إن شاء الله يمه دعواتك
ام سام:ربي يفرج همك ويصلح حالك
سام:اميين يله تبي شي
ام سام:سلامتك يمه

_______________
قصر عبد الله

جناح نايف بعد ماعدل نسف غترته ع المرايه لف يلبس الكبك تقدمت تولين واخذتهم من يده تكلمت وهي تلبسه الكبك :زين وانت ماتدري ليه سام سوا كذا
نايف سكت مارد
مشت واخذت العطر ورشت عليه:انا متاكده ان سام في شي خلاه يسوي كذا سام من زمان مايبي لميار وكلنا ندري
نايف طالعها ومسك وجهها بيدينه وباس بين عيونها :لاتضيعي نفسك بهاذي الامور كل شي بينحل بس كمان مابي منكم تضغطون ع براءه خلوها برااحتها يكفي الضغوطات الي مرت عليها
هزت تولين راسها بمعنى أي
طق الباب
مشى نايف وفتحه:هلا يمه هلا
ام نايف:هلا فيك هاا ماخلص شهر عسلك بعد وين مرتك مانشوفها
نايف وهو يأشر لامه تسكت ترجع تسمعها تولين:وش من شهر عسل يمه انتي تدري ان تولين اليومين ذي تاعبه
ام نايف:وانا الصادقه كم مر عليكم وانتوا متزوجين وللحين ماجت بشرى تسر الخاطر
مشت تولين لعندهم وباست راس عمتها:صباح الخير عمتي
ام نايف وهي ماترد عليها وردت تطالع نايف وخلصت حكيها
:اي ابي بشرى تسر الخاطر ابي اشوف عيالك
نايف طالع تولين ورد طالع امه وتكلم وهو يضحك:الله يحفظك يمه ويطول بعمرك توه الناس
ام نايف:وش تو الناس كم لك متزوج انت واخوك منيف ماشفت منكم غير المشاكل والمصايب
تولين وهي تطالع عمتها وردت تطالع نايف:انا داخله
نايف طالع امه ب لوم وهي خذت نفسها ومشت

____________

براءه وهي في المطبخ تسوي الفطور هي تبي تغير
مزاجها دخلت تالا وهي تطالعها
:لاااا لااا كذا زيااده
براءة الي يااادوب تصحى من فراشها ورواياتها ف
المطبخ ومن الصباح وتسوي فطوور كمان
براءه طالعت تالا
:اولاً ي حبيتي الساعه 11 شوي ويأذن ظهر وين الصباح ف الموضوع ثااانياً انا مو اللي(براءه وهي تقلد لهجة تالا وصوتها)يااادوب تصحى من فراشها(رجعت لصوتها الطبيعي)زيين
تالا وهي تمشي وبلامبالاه:زين ي اخت وش سويتي لنا
براءه وهي طالعه من المطبخ:مالك دخل
ضحكت وهي تسمع صوت تالا تتذمر وتتحلطم عليها

نايف وهو شايف براءه نازله وتضحك:وانا اقول ليه الجو منور اليوم القمر يضحك
براءه وهي تطالع اخوها:صباحك عسل ي المعرس
نايف:اي صباحي عسل بعد كلام امي العسل سمعيني روحي لعند تولين وغيروا مزاجها
براءه ماسألت عن السبب لانهي تدري قصد نايف بكلام امه العسل وهي اكثر وحده مجربته:لاتخاف الحين اخليها لك فراشه طايره فرح
ومشت وهي تغني
نايف ضحك ع براءه وعفويتها وطلع ينتظر سام

_______________
جناح منيف

علاقته مع فاطمه بارده بس فاطمه مستانسه اليوم وحاسه ان الشي ذا بيرجع لها منيفها الي يحبها مثل أول
منيف وهو يلبس البوت
فزت فاطمه من سريرها واخذت العطر وراحت لعنده:اعطرك حبيبي
منيف استغرب من حركة الاطفال الي سوتها فاطمه اخذ العطر من ايدها وتعطر
فاطمه باست خده بسرعه ومشت ع طول ودخلت الحمام(يكرم القارئ)وسكرت
منيف يطالعها بصدمه:شفيها ذي
ابتسم لمن تذكر حركتها وطلع
فاطمه سمعت تسكيرة الباب طلعت:انتظرني ي منيف
حطت الطرحه ع راسها اذا لاقت نايف وهي ماشيه وطلعت ل جناح براءه

________________
قصر فؤاد

سديم وهي متوتره وماتدري كيف تسوي
ام سام:شفيك ي بنيتي مالك ع بعضك
سديم وهي تطالع امها وتطقطق اصابعها بتوتر:لااا مافي شي بس تدري قربت نتايجنا تطلع وانا خايفه
ام سام وهي تطمئن سديم:لاااتخافي الله مايضيع تعبكم ي بنيتي
سديم:إنشالله يمه انا طالعه
ام سام ماعجبتها سديم ابداً وحست في شي:زين
سديم وهي طالعه وقفت ولفت ع امها:يمه ابي اروح انا وصديقاتي اليوم السوق ناخذ اغراض ونلتقي كمان
ام سام:وبنات عمك
سديم:مابيجون معاي
ام سام:مافي اذا ماهم جاين معاك
سديم ترد ع طول:تالا تالا بتجي معاي
ام سام وهي تعقد حواجبها:توك تقولين ماحد بيجي معاك
سديم بإرتباك:ا ا اي تالا راح اكلمها تجي معاي
يله انا رايحه احاكيها
وطلعت بعجل من الدرج تاركه الاصانصير

تقـول البراءة
"غـريبة مـاتشتاق لـصوتي
وتـحب تسـمع سكـوتي يـا ترى لـو مت
بتـفرح بمـوتي🥀"
__________________

.
.
.
انتهى البارت ♥️