روايه تمسك بيدي ياسيد الصدف ولآتجعل الزمان يظهر لحبنا تجاعيد 🔗🖤🥀 (بقلمي)

البارت الاربعون

"البارت40"

سامحت..لين العذر مايقبله راي
خطاك في وادي..وعذرك ب وادي
علمني كيف يجازي الحب فرقاي
واروح راضي عن فراقك..وهادي
يـ مزعّل عيوني على دمع رجواي
بكرا يسلّلك الرضا..من فؤادي
من يوم ما شفت الوصل خاصم رضاي
وانت أتعمّد شوف وصلي رمادي
عادي وإذا يعني تغيرت وياي؟
أنا اتغيّر بين نفسي..وعادي:)🥀

______________
بعد مرور سنه

فـي روح السعوديه

في الفلة جناح تالا
فاطمه قاعده ع السرير جنب تالا وحاضنه ولدها الي عمره اربعه شهور وهو يبكي وفاطمه تهز فيه يسكت وتكلم تالا

فاطمه:يله توته حبيبتي عن الدلع

تالا وهي مغطيه وجهها ب الفراش:بعدي من عندي انتي وولدك ذا المزعج وخروووا من هنا

تولين الي قدمت لجنب تالا وهي خايفه:سمعييني راح اقعد جنبك زين لاتسوي حركه كذا ولاكذا بعدين توجعيني ترا لو حصل شي لولدي راح أقتلك

تالا بصراخ من تحت فراشها:وخرووووووووا عنننييييييي

"نايف وتولين قعدوا خمس شهور وهم يتعالجون في إيطاليا "طول مدت قعدتهم هناك" لحتئ ثبث الحمل وسافروا والحمدالله صارت تولين حالً حامل بشهرها السابع ومعاها توأم ..

مرام ومشاري تزوجوا واشتروا فلة صغيره تكفيهم هم وريم واولادهم لان مرام حامل وبشهرها الأول بعد

منيف وفاطمه صار عندهم ولد سموه محمد وطاير عقلهم فيه

تركي ولميس تزوجوا وهم الحين في تركيا يبوا يخلصون دراستهم

سديم تزوجت غسان بعد مارفضته بس ابوها كان عاطيه كلمه لانه قال راح يسوي له كل شي دامه وقف معاهم وعرض نفسه للخطر حتى ينجي نايف ومارضى بنته تكسر كلمته امام الرجال وحياتهم مب مستقره كلها عتاب ومشاكل ومكابره..

_________________
في شقة سديم وغسان

سديم لابسه عبايتها وحاطه طرحتها ع كتوفها وقفت امام غسان الي يطالع التلفزيون:يله

غسان طالعها ب إستغراب:يله وين

سديم بدلع وهي تلعب بطرف طرحتها:لبيت عمي عبدالله مرام رايحه وقلنا نلتقى

غسان وهو صافن فيها:لاا بالله

سديم:أي والله

وقف غسان ومشى لعندها ومسكها من كتوفها وبحنان وعتاب بنفس الوقت :لين متى تبينا نكون كذا انتي راضيه ع حالنا كم لنا متزوجين اربعه شعور وم حنيتي ارجعي سديم الاولى يلي عرفتها انتي مب سديم يلي احبها وتحبني