روايه تمسك بيدي ياسيد الصدف ولآتجعل الزمان يظهر لحبنا تجاعيد 🔗🖤🥀 (بقلمي)

البارت الثامن والعشرون

"البارت28"

س:
طالمـا سنفترق فمـاذا كان مـراد الله مِن أن
أصـادفك؟
ج:
غادرتـگ رغمـاً عنـي أبتـعدت لأجلگ ولأجلي
ولأجـل ضروف أراددت أن لا تجــمعنا أبداً..💔
__________
بعد مارجعوا البنات للقصر
الدور الي فوق في صاله مليانه اثاث ملكي والحيط الامامي كله شباك زجاجي ع الحيط كامل
براءه مافيها حيل تسوي شي من بعد الي صار بس لازم تخلص كذبتها وماسوت غير انها طلبت جاتو وبيتزا وكرواسون وحطتهم ف الطاوله واخذت بخاخ حتى لمن تدخل فاطمه تسويه لها
براءه رتبت الطاوله وراحت قعدت بتعب فوق القنفه سديم الي مرميه نفس الشي
براءه:موو حلو
سديم:سكتي بس خلنا نمشي اليوم بسرعه لاني مو قادره اتكلم حتى
مرت ام نايف من عندهم وشافت الجاتو والاكل المحطوط فوق طاوله ذهبيه ع شكل عربة في زاوية الصاله
ام نايف:لمين سويتوا ذا
براءه وهي تعدل جلستها وببتساامه: ابشرك خاالتي فاطمه حامل وحبينا نسوي لها
ام نايف قاطعتها  بفرحه:متتى وليه ماحد قالي كللللللللللووووووش والله واخيراً سمعت اخبار حلوه
طالعت سديم الموجوده بنص عين:نورتي
سديم:بنورك عمتي
ام نايف تطالع اشكالهم:شفيكم كنكم جيتو من حرب
جت براءه بترد بس تكلمت ام نايف كالعاده:مو مهم المهم الحين نستانس بولدي نايف رماه حظه بوحده عقيم لكـ ـ
لسى بتلف وهي تخلص حكيها الي تبي ترميه ع سديم بس كانو البنات وصلوا وكانت تولين امامها وتسمع حكيها
تولين وعيونها مدمعات:اناا موعقييم كل شي بيد الله وان كتب الله بيرزقنا
حطت الاغراض من إيدها وركضت لجناحها
براءه:توليين
مشت وراها وتالا طالعت امها بلوم ومشت وراهم
سديم تكلم عمتها:الحين انتي بدال ماتفرحي بحمل فاطمه وان بيجيك حفيد رحتتتي لعند اختي وتنهي سعادتها
ام نايف تطالع سديم بنظرات دهشه:يااويلي منك ي بنت نجلاء الحين لسانك طلع هالطول
سديم وهي توقف كانت بترد بس تذكرت ان مرت عمها بتطولها طالعتها بنظره ومشت لعند اختها
فاطمه وهي ماسكه الاغراض وتمشي لعند عمتها:لييه تقولين كذا ترا لسى بدري
ام نايف ماردت ع فاطمه وكنها ماتكلمت:هلا هلا بالي حامله اول حفيد لي ليييه حامله الاغراض"تاخذهم من ايد فاطمه وتحطهك ع الارض وتمشيها وتقعدها"انتي من اليوووم ماتسوين شي زين
فاطمه ماحبت تتكلم لانها تدري في مرت عمها وشلون تكبر المواضيع تنهدت وطالعت الجاتو المحطوطه والي مكتوب عليها
"مبرووك حملك فوفو"
مشت لعند الطاوله وابتسمت ومشت طالعتها عمتها:انا رايحه
ام نايف:زين وانا اخلي الشغالات يجيبون لك الاغراض
___________________
في جناح تولين
منزله راسهاوتبكي براءه وهي جنبها ف السرير ولامه رجولها وسديم وتالا قدام تولين ومرام واقفه ومسنده نفسها ع الكومدينا
تالا:تولييين يله خلاص انا اسفه عن امي
سديم تطالع تالا:وهي الصادقه وش ذا الكلام الي قالته امك
تالا ماعجبتها طريقة سديم:لاا حبيبتي قربي اكثر وعطيني كف شرايك
براءه بطفش:بسس بناااات مو وقتكم ابد
فاطمه دخلت عليهم واخذت البخاخ الثلجي الي كانت سديم وبراءه مجهزينه لها وبدت تبخ فيه البنات
سديم وهي تنقز من فوق السرير تبي تهرب وتالا تسحبها عشان تغطي نفسها وراء سديم
سديم وهي مسكره وجهها:تاللللللوووه وجععع ان شاالله
براءه وهي مغطيه وجهها ب المخده:يالللليييييل فااااطمههههه
والجناح انقلب صراخ وضحك بعد ماخلص البخاخ فاطمه وهي تهزه تتاكد ان خلص ولا لسى
تالا وهي تمشي ع السرير وتطالع فاطمه:هاااه وين بتروحين منا
سديم ع نفس حركة تالا:ع وييين
فاطمه وهي خايفه منهم وصارت ملاصقه للحيط:بناات لاتنسوو تراني حامل
تالا وهي تقلد صوت فاطمه:بناات تراني حامل"ترجع ل صوتها الطبيعي"الحين بتصيري تخوفينا بحملك ذا
مرام:خلاص بنات يله نبدا نجهز قبل لايجي منيف
لفو البنات ع تولين طالعوها سرحاانه ماهي معاهم مشت فاطمه لعندها وحضنتها:توتو حبيبتي لاتكدرين خاطرك
تولين صحت من سرحانها طالعتهم ومسحت وجهها:لا لا مافي شي يلله قبل لايجي منيف ويخرب كل تخطيطنا
وقامت من السرير
البنات يله
فاطمه طالعت براءه ورمتها ب المخده:شكراً للجاتو "وقالتها ب دلع "ي برنسيسه
براءه وهي تقلد حركات فاطمه وتغير صوتها وتسوي بايدها حركات"ي برنسيسه
اقول روحي روحي وانا لاحقتكم
______________________
فلة عبد العزيز
مجتمعين ف الصاله
رعد ف الارض والالعاب مفروشه ويلعب ودينا ونسرين قاعدين يتكلمون نزلت ام فهد من الدرج وهي لابسه جلابيه كشخه وتطالعهم بنص عين:ماشالله لسى ماخلص اليوم الي جو فيه وقاعدين كنه لهم سنين
نسرين طالعت دينا وباين عليها خجلانه من كلام خالتها
دينا طالعتها وابتسمت لها بخفه:ماعلييك ماازعل متعوده اماشي مثل ذي الاشكال تراني مو مسكينه راح اعاملها ب المثل
وقفت دينا ومشت:رعوود حبيبي خذ راحتك البيت بيت ابوك
طالعت ام فهد من فوق لتحت وقلبت عيونها ومشت
ام فهد مصدوومه لفت وطالعتها:ماالت ع هالوجه ياللي ماتستحين "تلف ع نسرين وتكلمها بتفاجاه"شفتي شفتي
نسرين هزت راسها بنعم انها شافت
دينا وصلت لفوق وطالعت نسرين وغمزت لها
نسرين ضحكت ع حركتها:والله مانتي هينه
دخلوا الثلاثي
سامي والجاكت مرمي فوقه وراسه مبلل ولابس شورت
أيمن والشنطه بيده:ي بطييح تعال خذها من ايدي
سامي وهو يمشي ويطالع ايمن وراه سوا له حركه بلسانه يغيضه
نسرين وهي تصرخ عليهم:وقف هنا انت ويااه
سامي يسوي نفسه متفاجا ويرفع يدينه لفوق:استسلاااام
نسرين وهي حاطه يدها ع راسها :يي ويل حاالي انتم تبون تجلطووني صح شيبتوفيني انت ويااه متى راح تعقلوا
سامى :تووك شباب يمه ي زيينك وي حظ ابوي فيك يوم اختاارك صح يمه كيف شافك ابوي وتزوجتو عن حب ولالا
نسرين بخجل:  وش حب وش خربيط راح تبردو بسرعه روحو غيرو ملابسكم
ايمن :طيب ليش وقفتيناا وبخبث حلو التصريفه
نسرين وهي توقف وتمشي لهم مستمره تصرفهم :هه ظريف وين رايح تبي تبلل البيت
ايمن:زين وكيف بنمشي
نطير مثلاً
نسرين:لا والله ذكي اطلعوا برا يله تنشفوا ب المجلس الخارجي وارجعوا
رامي:زين والملابس
سامي:وش زين وش زين يمه انا مااحب
نسرين:مااالي علاقه تحب ماتحب يله قدامي
ايمن يسحب سامي من ياقة شميزه:امش يله
سامي يوخر ايد ايمن ويمشون
ونسرين تطالعهم ومبتسمه لهم وتعتبر ايمن مثل عيالها
______________________
قصر فؤاد
ف السياره سام راح بيت عمه واخذ سديم معاه يروحها:يله نزلي
سديم:طيب
سام:لحظه سديم
انتي بخير
سديم ابتسمت له:اي بخيير وبخير كثير كمان
ابتسم لها سام بحنان:اذا فيك شي قولي لي لاتخبي شي علي
سديم:ابشرر
رجعت لفت عليه:مو نازل
سام :لاشوي وانزل
سديم:ولو سالتني امي عليك وش اقولها
سام:قولي لها رايح عنده شغل
سكت شوي بعدين طالعها:قولي لها مااتدري
سديم:اوكي ونزلت
وسام مشى بسيارته ع الحوش للمكان المخصص فيه الي يروح له دايم المكان الي حبس براءه فيه
دخل من بين الشجر وفتح الغرفه شغل الضوء وتذكر هنا يوم ضربها واخذ جوالها
قعد ع الارض وحط يدينه فوق ركبه ورجع راسها للحيط جت بباله فكره طلع جواله الثاني وسوا مسج ل براءه ع انه سام الي تحبه يبي يشوف هي ايش حاسه يبي يتطمن عليها
(سلام شلونك كيف ايامك ووينك الحين)
سكر جواله وحطه بجنبه وسكر عيونه وكان التعب كله مرهق جسده المنهك
__________________
قصر عبدالله
خلصوا البنات وهم يجهزون فاطمه
قاعدين ف البلكونه وكل وحده ف جوالها ومعاها افكار توديها وتجيبها
وصل مسج لبراءه وقطع اندماجها وافكارها فتحت المسج وهنا وين براءه ماتدري ب الشعور الي حسته حست نفسها ف السمااء استاانست اطمأنت انه يحبها لو مايحبها ماسوا لها مسج كان انه نسيها
جت بترد بس تذكرت انها سوت له اكثر من رساله قبل ومارد عليها كانت تحكي له الامها واحزانها بس هو مايرد ابتسمت بسخريه وكتبت"شكلك فاضي ومافي حد مونسك قلت تكلمني تضيع وقت"
انتظرت بس مافي رد ماقدرت تصبر سوت رساله ثانيه وحكت كل الي بقلبها من عتاب وكل شي
_____________________
في جناح منيف
الجناح كله تحول ل لون احمر والارض كلها ورد احمر
وصل منيف والقصر فاضي مافي صوت توقع ان الكل يكون نايم كان يبي اي حد يتكلم معاه مايبي يطلع جناحه ويلاقي فاطمه بس مافي حد يسهر معاه
فتح جناحه وطالع الضوء الخفييف جاء بيشغل الضوء
فاطمه بصوت وااطي:لا لاتشغله
منيف وهو يطالع فاطمه ب استغراب ومن نبرة صوتها والورد الي محطوط ع الارض
فاطمه بنفس درجة الصوت:موو عشااني عشان ولدك منزعج من الضوء
منيف مااستوعب شوي استوعب كلمة ولدك مشى لعند فاطمه وطالعها مكياجها الخفيف وشعرها المنسدل والمغطي ع كتوفها:شقلتي
وقفت فاطمه وصارت شبه ملاصقه له:ولددك منزعج من الضوء"ومسحت بطنها
منيف وهو يضحك شوي شوي وياشر ب اصبعه ع بطنها:يعني
فاطمه:ايييي يعني انا حامل
منيف ع طول اخذ فاطمه ودورها
فاطمه وهي متشبثه فيه وتضحك فرحاانه واخيراً رجع لجناحها الضحك والفرح واخيراً منيفها رجع
__________________
اما جناح نايف
تولين نايمه بحضن نايف وماتكلمت من لما روح
نايف وهو مركز نظره لقدام ويمسح ع شعر تولين:موناويه تخبريني شفيك اليوم
تولين وهي مسكره عيونها:مابي اتكلم خليني نايمه
نايف:زين خليك نايمه بس انا زعلت
قامت تولين من حضنه وطالعته:نايف اذا انا عقيم راح تتركني
طالعها نايف بصمت ويناظر عيونها سحبها لحضنه بقوه وردها لوضعيتها الاولى:اششش مابي اسمع الكلمه ذي مره ثانيه زين
تولين وعيونها امتلوا دموع:يعني بتتركني ولا لا
نايف:اولاً انتي مو عقيم ولاقدرالله تكوني  وهذا شي بيد الله متى ماكتب لنا رح يرزقناثانياً ابيك تروحي فكرة الاطفال من باالك لانه لسى بدري ثالثاً "عدل جلسته ورفع وجه تولين ب اصبعه" في حد يخلي الجمال والحنان ذا وهو واعي
ابتسمت تولين له تحبه وتحب كل شي فيه دفنت وجهها بحضنه:انا راح اموت لو تصير لغيري فاهم
ضحك نايف بخفه:زين الحمدالله يعني مارح تموتين لاني مارح اكون لغيرك
_____________________
قصر فؤاد
ام سام ماشافت سديم من لمن رجعت لانها كانت فجناحها تصلي
مشت لجناح سديم ودقته
سديم:ادخل
ام سام فتحت الباب
سديم مسحت دموعها بسرعه ولفت ل امها ومشت لعندها وهي مبتسمه حتى امها ماينشغل بالها عليها
باست راسها:هلا ب الزين هلا ب الحلا كله باللله ابوي شلون قدر يسافر ويخلي ذا الحلا كله
ام سام ابتسمت ب اطمئنان:ماتخلي عنك السوالف ذي وين اخوك تأخر
سديم:قال رايح عنده شغل اول م يخلص منه بيرجع
ام سام:الله يحفظكم
يله نامي
سديم تمسك ايد امها:لااا لاتطلعين خليك عندي
ام سام :وشلون خليك عندي
سديم:مو ابوي مو موجود شرايك تنامين عندي ولا اقولك انا جايه انام عندك
مشت واخذت مخدتها ومسكت ايد امها:يله ي الاميره الحسناء تفضلي
ام سام ضحكت ع هبل بنتها ومشو لجناحها
___________
سام صحى و ع طول اخذ جواله
يبي يشوف براءه
طالع رسالتها
(زين اقولك كيف حالي حالي والله اني مالي حظ بذي الدنيا ابد حالي اني كل مااحب حد يكون حرام علي احبه انا ملكت ع ولد عمي الي بدايتنا كانت كلها شك وعذاب بس تغير وانفتحت لبراءه الدنيا شفت فيه حنان بس قلت لك مايدوم)
(لاتظن اني ضعفت لا انا مو بحاجتك ولا بحاجة حد انا ماعد بقلبي حب لاللي رايح ولا للي راد براءه ماتت وانتوا موتوها انت وهو ماهو اساميكم نفس بعض بس مافكرت تكونوا نفس بعض
سوري بس ماعد لي كلام معك)
سام سكر عيونه:اخخخ ياربي متى تهون متى اقدر اخذها بحضني والمها بقووه اقولها انها هي الاولى والاخيره متى اخذها واعتذر لها ع سوء ظني متى اقدر اعطيها الحب الي هي مستاهلته
اصبري ي برائتي راح تعرفين ان سام يحبك سواء كان حبيبك او ولد عمك
ابتسم لمن طالع كلمة مابينا كلام ليه مايدري وقف وراح بيدخل القصر

تقول البــراءة:
"جـازاني بـالغيب وأنا أكثـر من يـحبه"
____________________

روآيتي / خيآل × خيآل

.
.انتهئ♥️