قعر البحر

الحـلقـه الثانيـه

"يحتاج الحديث مع الآخرين جُهدًا لم أعد أملكه."

~~~~~~~~~~~~~~~~~~~~~~~~♡♕

حطّام&&

وتمر هالايام بحر حالتها دتسوء اكثر وغموضها كل ماله يحيرني بعد اكثر

فد مره چنه كاعدين اني وياها وامي
وامي كالعاده فتحت موضوع اهلها وعادتلها يوم الحترك البيت شصار بوقتها

اباوعلها صافن بيها امي تحاجيها وهي نضراتها جانت غررريبه وغغاامضه

:-دخل مرهوب يايمه وهو يدك على راسه وعيونه مالياتها الدموع

:-ها ييمه شصاار بشرني

:-وججج يمة كولي شنو المااصاار تخيلي طبيت ادور ع الطفله بحر اللي كالوا مالكيناها وي الضحايا، طبيت وعفت اختها تفرفححح من اطلع مالكه سماااء مالكيتها والسمعتهه وجج يمةة موو عااادي كاررثه كااارثه

:-شلووون؟؟؟؟ سماااء عااايشهههه؟؟؟؟

:-ااااي ومن اطلع الناس تكلي فجئه عمت بعد ماتشوف شي وبكل بساطه كالوا اجت سياره بيها مسلحين اخذوها وراحوا واحنه خفنه ماكدرنه نسوي شيييييي، شتتحملللل بعددددد كوليليييي طفللهه بعدهاااا اربطعششش سنهههه ومن جههه بحررر الللي مالكينالها اثررر

قاطعه حطّام بحزن:-هنا بحر هنا اني جبتها قبل لايصير الحريق وهذيج نايمه بالغرفه مابيها شي

باوعله بصدمههه جبيرره بدون ميحجييي شي وركض للغرفه وركضنه ورا وكف وصفن بوجهج الملائكي، نايمه مثل الملاك والابتسامه ؏ وجهج

كعد مرهوب بالكاع كام يدك على راسه وينحب ويبجي بصووت عالي ويا واني من كعدتي واخذناج لحظنه وحلفنه منعوفج

واختج سماء مرهوب ماعافها كام كليوم يدور عليها الى ان.......

بعدها امي ماخلصت كلامها ونسمع هالكلامات من بحر ، جانن كلمات مامفهوومات

:- سماء ، زرقاء ، عَمياء ، وصيه ، تَعب ، خوف ، فقدان ، غموض ، اخُت ، اخُت .

كامت من يمنه وفتحت الباب مال الشارع ، امي اشرتلي اطلع وراها كمت وراها واشوفها كاعده بالباب وتبجي

:-شبيها صاحبة اجمل عيون ، تبجي؟

التفتت عليه تنفست بعمق مدت ايدها الصغيره الناعمه والبيضه ، وخربطت شعرها التمري وتهز براسها كأنها تمنع نفسها من التفكير

واشرت على بيتهم اللي احترك قبل اربع سنوات واردفت بنبره مبين بيها الخوف والغموض بنفس الوقت

:-أرواح هنا اكو اني شفتهم !!

:-شبيج بحر ارواح شنو؟

بحر:- يباوعولي ويضحكون هواي

:-منو هالارواح تعرَفيهم شلون شفتيهم

بحر:- هذوله كبالي تلاثتهم ديباوعون عليه ويضحكون