البارت الثاني 🤸♂️✏️
قال إبراهيم بقلق: فيه اي يا عمر اخوك فيه حاجة
رد عمر: لا يا بابا اطم (وقبل ان ينهي حديثه سمعو صوت مجيدة وهيا تصرخ وعلي الفور صعد ابراهيم وعمر بهلع ودلفو غرفه محمد وقعت عينهم علي مجيدة وهيا جالسه بجانب محمد وممسكه به وتبكي بإنهيار)
عمر بقلق: في اي يا امي اي اللي حصل
ردت مجيدة ببكاء: مش عارفه ياعمر طلعت لقيته واقع علي الارض كده وبفوق فيه مش بيفوق
رد ابراهيم: طب يلا يا عمر نا خدو للدكتور
رد عمر بقلق وهوا يحمل اخيه: حالآ يا بابا
ثم اخذ اخيه واستلقوا السيارة جميعهم متجهين إلي المستشفي وبعد مسافه الطريق وصل إلي المستشفي ودلف ثم قال بصوت عالي وعصبيه: انا عاوز ترولي بسرعه
وعلي الفور اخذو محمد ودلفوا به لغرفه الفحص ثم بعد قليل جاء الطبيب ودلف يفحص محمد ووالد محمد ووالدته واخيه يجلسون بالخارج بخوف وهلع
بعد فترة قصيرة خرج الطبيب من غرفه الفحص
عمر بخوف: طمنا يا دكتور
رد الطبيب بحزن: للأسف دخل في غيبوبه نتيجه صدمه عصبيه شديدة
عمريحدث نفسه بحزن: انا السبب كانت تتقطع ايدي يا محمد
مجيدة ببكاء وانهيار شديد: ياااررب ملناش غيرك يارب
ابراهيم بحزن: طب واي الحل يا دكتور
رد الطبيب: الحل ان حد فيكو يقعد معاه ويتكلم ويحاول يحببه تاني في حياته ويحسسه إنو لسه محبوب ومحدش بيكره هوا هيبقي سامعكوا ويمكن يفوق من الغيبوبه دي ويرجع لحياته تاني
رد ابراهيم بإمتنان: متشكرين جدا يا دكتور
رد الطبيب بإبتسامه: العفو دة واجبي ثم تركهم وذهب لعمله
مجيدة ببكاء: يا حبيبي يا ابني يارب اشفيه يارب
رد ابراهيم وهوا يعانقها ويهدأ من روعها: اهدي يا مجيدة وهوا إن شاء الله هيقوم بالسلامه
ردت مجيدة وهيا تتشبث به: ياررب قومه بالسلامه يارب انا قلبي واجعني اووي عليه
رد ابراهيم بحنان: ربنا كريم يا حببتي
عمر: يلا عشان اروحكوا البيت الوقت إتأخر اوي عليكم
ردت مجيدة بحزن: مش هقدر ياعمر انا هفضل معاه مش ممكن اسيبه
رد ابراهيم بإصرار: متقلقيش يا امي انا هبقي معاه وهخليكم تيجو بكرة تشوفوه
ردت مجيدة: لا يا عمر انا هفض. قاطعها ابراهيم وقال: يلا يا حببتي عمر عندو حق الوقت اتأخر وانتي مخدتيش علاجك ومتقلقيش احنا هنيجي نشوفه بكرة اطمني
( وبعد فترة قصيرة بعدما دلفو إلي غرفه محمد يقبلوه من جبينته ويبكون عليه ويطلبو ان يسامحهم بعدها ذهب عمر لكي يوصلهما إلي المنزل ثم عاد إلي المستشفي ثم دلف إلي غرفه اخيه قبل يداه وظل يبكي بإنيهار عليه) ثم قال: حقك عليا يا محمد سامحني انا السبب في اللي حصلك دة بس ولله كنت خايف عليك وعاوزك احسن إنسان في الدنيا سامحني ارجوك (وظل يبكي إلي إن غلبه النوم فنام والدموع علي وجنتيه)
.. في صباح اليوم التالي
في منزل حسين
ا(ستيقظت نور ثم ادت فريضتها وقرأت وردها ثم خرجت لغرفه الطعام)
نور: صباح الخير عليكم
رد حسين وسعاد: صباح الفل حببتي
ثم جاء علي وقال لهم بمناغشه: صباح الخير يا جدعان
اقتربت منه سعاد بغيظ ثم امسكت اذنه وقالت: يا ولد انا مش قولت تبطل الكلمه دي ولا انت عاوزني اعاقبك زي زمان
رد علي بألم: اي اي حاضر حاضر بس سيبي ودني
وضحك الاب والأم علي ابنهما
جلسوا علي المقعد وبدأو بتناول الطعام
بدأت نور الحديث ثم قالت: بابا حضرتك هتكلم صاحب الشغل علي موضوعي
رد حسين: اه يا نور امري لله طالما انتي حبه كده
ردت نور بحب: ربنا يباركلي فيكو يارب
ثم قام حسين من مجلسه وقال: يلا عن اذنكوا بقا انا رايح الشغل سلام
في المستشفي
ا(ستيقظ عمر مبكرآ ثم تذكر انه نام بملابسه ثم استلقي سيارته وذهب إلي المنزل بعد فترة قصيرة وصل إلي المنزل ثم دلف يبدل ملابسه بأخري ثم خرج من الغرفه ونزل من علي الدرج تفاجأ بوالده ووالدته)
عمر: صباح الخير عليكم
رد ابراهيم ومجيدة: صباح النور
ثم قالت مجيدة: يلا ياعمر عشان تودينا لأخوك
رد عمر: حاضر يا امي بس حضرتك فطرتي وخدتي علاجك الاول
ردت مجيدة بغضب: مش عاوزة حاجة انا عاوزة اروح لأخوك
رد عمر بهدوء: طب بصي يا حببتي افطري بس الاول عشان تاخدي علاجك يا امي وانا ولله هوديكي تشوفيه
رد إبراهيم: ايوة صح يا مجيدة عشان متتعبيش يا حببتي
استسلمت مجيدة لحديثهم لكي لا تمرض
وبعد ان تناولوا الطعام ذهبو إلي المستشفي
في المستشفي قال إبراهيم لعمر: روح شغلك انت يا عمر وسيبنا مع اخوك
رد عمر بنفي: لا يابابا انا هقعد معا. قاطعه إبراهيم وقال: خلاص يا عمر متقلقش احنا معاه ولما تخلص شغلك تعالي روحنا
رد عمر بحزن: حاضر يا بابا اللي تشوفه
قالت له مجيدة بحنان: خد بالك من نفسك يا حبيبي لا إله إلا الله
رد عمر: محمد رسول الله
(ثم خرج واستلقي سيارته واتجه إلي الشركه وبعد لحظات وصل إلي الشركه ثم دلف إلي المكتب وجلس علي مقعده والحزن يملأ وجه بعد ثواني دلف إليه كرم) ثم قال: صباح الخير يا عمور عامل اي
رد عمر: الحمد لله بخير يا كرم
رد كرم بقلق: مالك يا عم شكلك فيه حاجة مزعلاك
رد عمر بحزن: محمد حصلتله صدمه عصبيه ودخل في غيبوبه ربنا يقومه بالسلامه
رد كرم بقلق: لا حول ولاقوة الابا الله طب اي اللي حصل يا ابني لكل دة
رد عمر: انت عارف انو بيحب يسهر مع صحابو طول الليل وبينام طول النهار غير انه بيشرب الزفت السجاير دي وحاجات تانيه كتير وامي وابويا اتكلموا معاه كتير في الموضوع دة بس هوا مطنش كلامهم فأنا قررت اتكلم معاه حتي وانا بتكلم معاه مكنش مهتم فضربته بالقلم ويمكن لو مكنتش عملت كده مكنش دة حصله
رد كرم بحزن: متزعلش يا عمر كله مكتوب عند ربنا لعلا ربنا عمل فيه كده عشان يتغير ويصلح من حاله ويبقي كويس ادعيله كتير ياعمر
رد عمر بحزن: ولله بدعيلو يا كرم انا مش طالب من ربنا غير انو يقوم بالسلامه
رد كرم: إن شاء الله طب انت هتروح تشوفو امتي
رد عمر: لا انا روحت امبارح وقعدت معاه لحد نا غلبني النوم قومت الصبح روحت البيت غيرت وجيبت امي وابويا يقعدوا معاه إنهاردة وانا هخلص شغل وارجع اروحهم البيت
رد كرم بحب: ولله يا صاحبي كل اللي اقدر اقولهولك ربنا يعينك ويقويك يارب
رد عمر: اللهم امين يارب
قال كرم بعدما تذكر شيئ: معلش يا عمر انا عارف انو مش وقته خالص بس حقك عليا ولله
رد عمر: لا يا كرم متقولش كده احنا اخوات مفيش بينا الكلام دة
رد كرم: بص وانا جايلك المكتب قابلني عم حسين بيقول ان بنته قرأت الإعلان وعاوزة تيجي تقدم فأنا قولت اقولك عشان البنت تيجي
رد عمر بإستسلام: اوكي يا كرم مع اني مش حابب الموضوع دة بس وافقت عليه عشانك ولله المهم قول لعم حسين اني موافق انها تيجي
رد كرم: تسلم يا صديقي الصدوق
(ثم خرج وقال لحسين اللذي فرح كثيرآ وذهب ليشكر عمر) الذي قال له: ولا شكر ولا حاجة يا عم حسين كفايه إن حضرتك شغال معايا بقالك 8 سنين ومشفتش منك غير كل طيب
رد حسين بحب وامتنان: ربنا يبارك فيك يارب يا عمر بيه عن اذنك
(بعد فترة العمل عاد عمر إلي المستشفي واصطحب والداه إلي المنزل ثم دلف لتبديل ملابسه ثم ادي فريضته وخرج عائدآ لينام مع اخيه في المستشفي
.. في منزل حسين
حسين بإبتسامه: عندي ليكي خبر هيفرحك يا نور
ردت نور بإبتسامه: قول يا حبيبي بس الاول صليت المغرب ولا لسه
رد حسين بإبتسامه وحب: اه يا حببتي صليت الحمد لله
ردت نور: وعملت اي في الشغل بقا
ردت سعاد: اي يا نور كل دي اسئله سيبي ابوكي يرتاح من ضغط الشغل دة
رد علي: ايوة كده يا ماما قوللها بدل دور ام العيال اللي عملاه دة
ردت سعاد: ملكش دعوه انت يا ولد
ردت سعاد بضحك هستيري: وهيا تقلد فيلم الباشا تلميذ
(يالهوي علي الكسفه اللي انت فيها يا حازم 😂)
رد علي بغيظ: ماشي يانور عشان انتي اختي الكبيرة بس
ردت نور بضحك: ماكان من الاول يا استاذ
ردت سعاد بغيظ علي ابنائها: ياربي عليكم القط والفار نسيتو ابوكو كان هيقول اي
ردت نور بتذكر وهيا تضرب بيديها علي رأسها: يالهوي علي ذاكرة السمكه اللي انا فيها دي قول يا بابا انا متشوقه جداا
رد حسين: انا كلمت المهندس عمر ووافق انك تشتغلي سكرتيرة
ردت نور بسعادة: هييييييه ربنا يسعد قلبك يابابا زي ما بتسعدني ياررب انت وماما وعلي
رد حسين بحب: ويسعدك ياحببتي ويرزقك بالزوج الصالح والذريه الصالحه يارب
وبعد فترة انتهاء الطعام دلفت نور غرفتها وهيا في قمه سعادتها ثا ادت فريضتها وظلت تشكر ربها ثم جلست تقرأ وردها ثم قامت علي الفراش وذهبت في سبات عميق
.. اشرقت الشمس بضوئها الساطع علي يوم جميل لأبطال الروايه
قام عمر من نومه في المستشفي ثم ذهب للمنزل واخذ حمام دافئ لعله يهدأ من نفسه ثم ابدل ملابسه ثم ذهب لغرفه والداه نظر لهم شاهد انهم ما زالو نائمين خرج من المنزل ثم ذهب متجه لعمله
.. في منزل حسين
نور: يلا يا بابا انا جاهزة عشان نروح الشغل (وكانت نور ترتدي فستان باللون النبيتي ومرتديه خمار باللون الأسود فكانت في غايه الجمال)
رد حسين بإبتسامه: يلا يا حببتي
علي بعدما استيقظ: اي دة هتمشي من غير ما تقوليلي صباح الخير
ردت نور: لا ازاي صباح الخير يا صغنن
علي بغيظ: تصدقي انا غلطان امشي يا نور
ردت نور بضحك لإغاظه اخيها وهيا تخرج مع ابيها: انا ماشيه اهو يصغنن
.. في شركه عمر
دلف إلي المكتب فوجد بعض الاوراق ليست منظمه فقال في نفسه: لا دة كده فعلا مضطر اجيب سكرتيرة
دلف كرم بعد لحظات فقال له عمروهوا يشير إلي الاوراق : شفت الورق مش متنظم ازاي
رد كرم: منا قولتلك لازم سكرتيرة تظبط كل دة والمفروض انها هتيجي انهاردة بقا
ثم خرج من مكتب عمر فقابل حسين ونور
كرم: اهلا يا عم حسين ثم اشار علي نور ومد يده لمصافحتها وقال دي بنت حضرتك اهلا وسهلا انسه....
ردت نور بخجل: اسمي نور بس بعتذر مبسلمش
تعجب كرم جدا من ردة فعلها ثم انزل يده بإبتسامه وقال: نورتينا انسه نور
ردت نوربخجل: شكر
حسين: كنت عاوز اكلم عمر بيه بخصوص شغل نور معاه يا مهندس كرم
رد كرم: اه طبعا ثواني بس ثم تركهم وعاد لمكتب عمر
كرم: عمر عم حسين جه هوا وبنته وعاوزين يقابلوك
رد عمر: تمام يا كرم دخلها وخلي عم حسين يكمل شغله
رد كرم وهوا يذهب: تمام
خرج كرم وقال لهم اللذي قاله عمر
رد حسين: تمام روحي مع استاذ كرم يا نور وانا هروح اكمل شغلي
ردت نور: ربنا يقويك يابابا
ثم دلفت هيا وكرم إلي مكتب عمر
عمر: تمام يا كرم روح انت شوف شغلك
(فخرج كرم ثم إغلق الباب خلفه نور شعرت بالرهبه ثم عادت لتفتح الباب)
عمر بتعجب: انتي فتحتي الباب ليه روحي اقفليه
ردت نور بخجل: متأسفه بس لا مينفعش
رد عمر: بإستهزاء: ليه إن شاء الله حد قالك اني هاكلك
ردت نور بدهشه: لا بس مينفعش انا وحضرتك نبقا لوحدنا والباب مقفول
عمر وهوا يحدث نفسه: اه كلكوا كده عاملين فيها ولاد ناس (ثم نظر لها من الاعلي للأسفل) ثم قال: امممم طب بصي بقا لو لابسه الخمار دة عشان تمثلي انك محترمه فبلاه احسن خليكي من غيرة وبلاش تمثيل
ردت نور بعدما امتلأت الدموع في عينيها: انت ازي بتكلمني بالطريقه دي وبعدين انا لابسه الخمار دة عشان دة اللي ربنا امرنا بيه مش عشان تمثيل يا عمر بيه وعمومآ شكرآ لذوقك (وكانت سوف تخرج إلا ان اوقفها) ثم قال: استني يا انسه انا مقولتلكيش تمشي علفكرة
ردت نور بنفاد صبر: وانا مش مستنيه الامر من حضرتك
رد عمر: استني انا عاوز اقولك حاجة
نور التفت له ثم قالت بغضب: لو بخصوص الشغل الشغل انا مستغنيه عنه
عمر: اقفي هوا انا هفضل انادي عليكي كتير
نور شعرت بالرهبه الشديدة من صوته العالي والغاضب
فقررت ان تقف وتسمع حديثه ثم قالت: نعم اديني وقفت
رد عمر: كنت عاوز اقولك اني بعتذر علي الكلام اللي قولتهولك
تفاجأت نور من ردة فعله المريبه وتغيرة المفاجأ ثم قالت: تمام والمطلوب
رد عمر: انا موافق انك تشتغلي وهتبدأي من انهاردة
ردت نور: لا مهو انا مش تحت امرك انت موافق بس انا مش مواف
وقبل ان تنهي حديثها قال لها بصوت عالي: انا قولت كلمه تتنفذ احسنلك
ردت نور بخوف بعدما احست بالرهبه الشديدة بسبب عينه الحادة اللتي تلونت باللون الاحمر من شدة الغضب ثم قالت: ماشي طب والسي في بتاعي
رد عمر: اهم حاجة عندي الثقه والأمانه والتركيز في الشغل انا ميهمنيش السي في بتاعك واتفضلي عشان تتدربي علي شغلك
نور لنفسها: انت شايف نفسك اوي بس انا هخليك تحترمني بعد كده فاقت علي صوته وهوا يقول: بتكلمي نفسك اتفضلي تعالي عشان تشوفي مكتبك فدلفت ثم جلست علي المقعد
ثم قال لها: مش عاوز حد يدخل عشان انا مشغول ومش عاوز عطله مفهوم
ردت نور: مفهوم
ثم دلف مكتبه واغلق الباب
نور لنفسها: ينهار ابيض اي الجنان دة وانا هستحمل دة ازاي انا اللي غلطانه كنت قعدت في البيت وريحت نفسي شغل اي اللي انا بدور عليه بس الحمد لله كله خير اكيد اما نشوف بقا اخرتها معاه اي
وفي ظل حديثها مع نفسها
دلف شاب وكان سوف يفتح باب مكتب عمر إلا إن قالت له نور بسرعه: استني من فضلك استاذ عمر مانع دخول حد عشان مشغول
رد الشاب: انا عاوزة ضروري مش هقدر استني ثم دلف مكتبه بدون إذن منها فدلفت نور معه بغضب وقالت لعمر: انا بعتذر جدا بس حاولت امنع .. قاطع حديثها عمر ثم قال: اتفضلي علي مكتبك وحسابك معايا بعدين
ردت نور: بس يا
رد عمر مقاطع حديثها: قولت علي مكتبك
شعرت نور بالرهبه من حديثه ثم خرجت واغلقت الباب خلفها
في مكتب عمر
عمر: اي يا استاذ طارق مش فيه سكرتيرة بره
رد طارق: معلش يا استاذ عمر بس في مشكله
رد عمر: اتفضل بس بسرعه عشان عندي شغل
(بعد فترة خرج عمر من مكتبه متوجهآ لنور ليعاقبها علي فعلتها فتفاجأ بها تبكي بشدة)
عمر بقلق: انتي بتعيطي ليه
ردت نور وهيا تجفف دموعها مثل الاطفال: لا ابدا
رد عمر: انتي غلطانه برضو لأني قايلك متدخليش حد عشان مشغول اتفاجأ بيه داخل المكتب وانتي موقفتيهوش
ردت نور بنفي: لا ولله انا وقفته بس هوا كان مصمم يقابلك
رد عمر بعدما تدارك الموقف: عموما الحمد لله انو دخل لان كان فيه ناس هتموت بس شركه.....ادويه الصلاحيه بتاعتها منتهيه وهما لحقو الكارثه قبل ما تحصل وطلبوا مني شحنه جديدة
ردت نور بحزن: لا حول ولاقوة الابالله
رد عمر: يلا الحمد لله حصل خير
ثم تركها وذهب
نور وهيا تحدث نفسها وتقول: سبحان الله إنسان شخصيته بتتقلب في ثواني ثم اخذت زجاجه مياه وهمت لترتشف الماء
خرج عمر من المكتب وعاد إليها ووقف امامها وظل ينظر إليها وعلي هيئتها لكن نور لم تشعر بوجوده ولم تراه من شده التفكير
عمر اندهش بشده كيف لا تراه ثم قال بصوت عالي ليوقظها من تفكيرها: انسه نوور
نور القت بزجاجه المياه علي ملابس عمر وهيا لم تقصد ذلك لكنها تفاجأت بوجودة ثم وضعت يدها علي فمها بسبب فعلتها تلك
عمر بغضب وهوا ينظر إلي ملابسه: بذمتك ينفع اللي عملتيه دة انا اتغرقت بسببك وبعدين بتصرخي ليه شفتي عفريت
ردت نور وهيا في حاله صدمه ورهبه: انا اسفه جدا ولله بس برضو حضرتك غلطان انت زعقت بصوت عالي وانا بشرب عشان كده انا اتخضيت ودة اللي حصل بقا
رد عمر بغيظ وغضب شديد وقال....
تابع... ✏️🤸♂️
