البارت الخامس 🧚🏻♀️
خرج الطبيب إلي الخارج
فقال له عمر وكرم بقلق: طمنا يا دكتور اي اللي حصل
رد الطبيب: ازمه قلبيه
رد عمر وكرم بصدمه: اييه ازمه قلبيه
رد الطبيب: نتيجه الإجهاد الشديد ادي الي الازمه دي هوا بيشتغل؟
رد عمر: اه يا دكتور
رد الطبيب بنفي: لا غلط كده ممكن المرة الجايه تأدي الي الله اكبر موته مينفعش يشتغل تاني دة لازمه الراحه ومفيش ليه جهد خالص عشان ميتعبش
رد عمر: تمام يا دكتور طب احنا ممكن نشوفه
رد الطبيب: اه هوا فاق دلوقتي تقدروا تاخدوا معاكم الحمد لله الازمه القلبيه كانت بسيطه مش حاجة خطيرة الحمد لله عشان كده يقدر يخرج
دلف عمر وكرم غرفه العنايه
كرم: حمد الله علي سلامتك يا عم حسين كده تخضنا عليك
وقال عمر: الف سلامه عليك يا عم حسين شفاك الله وعافاك
رد حسين بإبتسامه: الله يسلمكم يارب
قال الطبيب: خلاص كده يا حج حسين تقدر تروح بس بلاش إجهاد بقا وانا فهمت استاذ كرم واستاذ عمر
رد حسين بحزن: يعني مش هينفع اشتغل يا دكتور
رد الطبيب: لا مينفعش يا حج حسين عشان متتعبش والحمد لله انها جت علي قد كده وانا كتبتلك العلاج دة بس لازم انتظام عن اذنكوا ثم غادر الطبيب وتركهم
عمر وكرم: يلا قوم معانا يا عم حسين عشان تروح
رد حسين: انا تعبتكوا معايا اوي ولله
رد عمر: متقولش كده عشان منزعلش منك دة حقك علينا
رد حسين: ربنا يسعدكوا ويوفقو يارب
ثم ذهبا إلي منزل حسين
حسين: ولله انا ماعارف اقولكوا اي علي تعبكوا معايا بجد
رد كرم: متقولش كده يا عم حسين وزي ما عمر قالك دة حقك علينا
ثم ساعدو حسين لصعود الدرج حتي وصلوا إلي البييت
في الداخل .. ساعدت نور والدتها في تجهيز الطعام ثم قالت بقلق: هوا بابا اتأخر ليه كده
ردت سعاد بقلق هيا الاخري: طب رني عليه يانور
ثم بعدها دق باب المنزل
سعاد: افتحي يانور تلاقيه ابوكي
ردت نور: حاضر يا امي بس بابا معاه مفتاح ممكن يكون حد تاني (فذهبت لإرتداء اذدالها ثم ذهبت لفتح الباب فوجأت بعمر وكرم وهم يسندون ابيها ويوضح عليه الإرهاق)
نور بقلق: بابا حبيبي مالك
ثم دلفت بهم إلي الصالون وتركوا والدها علي المقعد
نور وهيا تقبل يد والدها: بابا حبيبي اي اللي حصل
رد عمر: اطمني الحمد لله عدت علي خير ازمه قلبيه بس هوا لازم يرتاح وممنوع ليه اي مجهود
ردت نور برهبه: ازمه قلبيه ليه اي اللي حصل
رد كرم: ضغط الشغل كان كتير انهاردة فممكن يكون مقدرش يستحمل
خرجت سعاد بعدما ارتدت اذدالها علي الفور وعلي خرج خلفها
ثم قالت: مالك يا حسين اي اللي حصل
وقال علي بقلق: مالك يا بابا
رد حسين: متقلقوش انا بقيت كويس الحمد لله دي ازمه قلبيه الحمد لله انها جت علي قد كده البركه في عمر بيه وكرم بيه هما اللي لحقوني و ودوني المستشفي
رد عمر بإبتسامه: متقولش كده يا عم حسين هنزعل منك ولله
ردت سعاد بحب: متشكرين جداا ليكو تعبناكو معانا ولله كتر خيركم
رد عمر: متقوليش كده بالله عليكي دة واجب علينا والحمد لله اننا اطمنا عليه عن اذنكو
ردت سعاد وهيا توقفهم: انتو رايحين فين لا احنا لازم نتغدا مع بعض ولو اننا مش قد المقام بس لازم تاكلو معانا
رد كرم: ليه بس بتقولي كده هنزعل كده ولله احنا عشان كلنا مش اكتر عشان كده مش قادرين
رد حسين بإصرار: لا مفيش اعذار لازم نتغدا سوا
رد عمر بإبتسامه: خلاص اللي يريحكم
بعد الإنتهاء من تناول الطعام كانت نور تدلف غرفتها فأوقفتها سعاد ثم قالت لها: مينفعش تدخلي الاوضه والناس اول مرة يزورونا متنسيش دة صاحب الشركه لازم تبقي معانا عشان ميفكروش انك متكبرة عليهم
ردت نور بمضض: حاضر يا امي
كانو يجلسون في غرفه الصالون قالت سعاد: هعملكوا الشاي بقا بتحبو حلو يا استاذ كرم ولا عادي
رد كرم بإبتسامه: بصراحه انا بحبه حلو
ردت بإبتسامه: وانت يا استاذ عمر بتحبه سكر زيادة برضو صح كان سوف يرد حتي قاطعته نور وقالت لوالدتها: لا متحطيش سكر خالص يا امي
اندهش الجميع من حديث نور فقالت بتوتر: احم انا سكرتيرة استاذ عمر فعارفه الحاجات دي وكمان هوا ممنوع عنه السكر
رد حسين بتذكر: اه صح استاذ عمر عنده مرض السكر
ردت سعاد: الف سلامه عليك
رد عمر بإبتسامه: الله يسلم حضرتك يارب وتسلم ايديكي الاكل كان رائع
بعد فترة قصيرة جدا وهم يجلسون في الصالون
تحدث عمر وقال: ارتاح انت بقا يا عم حسين وإن شاء الله مرتبك هيوصلك متشلش هم
رد حسين: لا دة كتير يا استاذ عمر ولله انا الحمد لله مش محتاح حاجة كتر هيرك ولله
رد عمر: متقولش كده يا عم حسين وبعدين اعتبرة معاش مبكر حق تعبك معانا السنين اللي فاتت
رد حسين: بس يا استاذ عم. قاطعت نور حديث والدها وقالت: خلاص يا عمر بيه احنا مش محتاجين حاجة وانا كده كده راجعه الشغل
رد عمر وقال: لا يا انسه نو. قاطع حديثه جرس هاتفه رد عمر: الو
رد الطرف الاخر:....
رد عمر: حاضر يا بابا انا جي حالآ ثم اغلق الهاتف وقال لهم: انا بعتذر جدا بس والدتي تعبانه وانا مضطر امشي وإن شاء الله هنكمل كلامنا بكرة عن اذنكو ثم صافح حسين وغادر المنزل
في الطريق تحدث كرم وقال بإبتسامه: اي العيله الجميله دي انا عمري مضحكت بالطريقه دي
رد عمر بعدما تذكر ما حدث: فعلا كان شكلك مضحك اوي
رد كرم وهوا يغمز لعمر بمرح: ماشي يا عم مقبوله منك بقولك اي بقا لما كنا قاعدين علي السفرة كنت قاعد بتبص للانسه نور مش المفروض تغض بصرك يا استاذ
رد عمر بغيظ: انت كنت بتاكل ولا بتبص عليا اعوذ بالله
ضحك كرم ثم قال: عشان تعرف اني مفيش حاجة بتخفي عني وبعدين يا عم دي طلعت واخده بالها من موضوع السكر دة هيا اي الحكايه بقا
رد عمر بضحك: بكرة تعرف كل حاجة يا لمض
رد كرم: ماشي يا عم وانا مستني بكرة دة ثم تذكر وقال: ينهار ابيض انا نسيت اسألك مالها طنط مجيدة
رد عمر بضحك: مالهاش بابا بيقولي اني اتأخرت عليهم وامي مستنياني علي الغدا فأضطريت اقولهم كده عشان ارتب افكاري لبكرة
رد كرم بضحك هستيري: يخربيت سنينك دة انت طلعت مشكله
رد عمر بحزن: ربنا يسامحني انا مكنتش عاوز اعمل كده بس اضطريت ولله وبعدين يلا يا استاذ وصلنا ولا انت هتبات هنا ولا اي
رد كرم بضحك: لا ياعم نازل سلام وابقي سلملي علي طنط مجيدة وقولها الف سلامه عليكي
رد عمر بضحك: انت محدش يقولك سر بعد كده ماشي يالمض سلام (غادر كرم السيارة وعاد كرم متجهآ الي منزله)
في منزل حسين..
قال علي موجهآ حديثه لنور: نور انا كنت عاوز اقولك انك مش هتنزلي شغل تاني وانا هنزل ادور علي شغل
ردت نور: بس يا علي انا حابه الشغل دة ومصدقت لقيت قاطع حديثها علي ثم قال: لا انسي متكمليش كلامك كفايه لحد كده انا اصلا كنت ضد شغلك بس سبتك عشان متزعليش مني وتقولي بتحكم فيكي وإن شاء الله هنزل ادور علي شغل من بكرة اعتمدوا عليا
ردت نور بضحك: طب عشان خاطري هتخليني اعيط كده
ردت سعاد: خلاص سبها عشان متحسش انها محبوسه وبعدين انت كليتك هتعمل فيها اي
رد علي: عادي يا امي هشوف شغل باليل وبعدين خلاص كلها كام شهر واخلص السنه دي واتخرج
رد حسين بحزن: سامحوني يا ولاد كنت مفروض انا اللي اشت قاطعت حديثه نور وقالت: بابا متقولش كده افتكار ربنا رحمه وبعدين حضرتك بقالك سنين بتشتغل ربنا يديك الصحه يارب وبعدين انا حابه الشغل دة متزعلونيش بقا
رد حسين: خلاص يا بنتي اللي يريحك ربنا يسعدك يارب ويحفظك
رد نور بحب: حبيبي يا بابا ثم نظرت الي الوقت وقالت: ياااه دة الوقت اتأخر اوي يلا ننام لحسن انا فصلت
ذهبا كل شخص منهم الي غرفته وذهبا في سبات عميق
في غرفه نور جلست تفكر بعمر: دة انت طلعت انسان ذوق جدا شكلك كده هتغير فكرتي عنك بقا وشكلي هحب. لالا يا نور اي اللي انتي بتقوليه دة بطلي تحلمي ويلا نامي واتغطي كويس ( ثم ذهبت نور في سبات عميق)
في منزل ابراهيم ..
ذهب عمر لوالدته في غرفتها طرق الباب ثم قال: امي انتي صاحيه
ردت مجيدة من الداخل: اه يا حبيبي تعالي انا عاوزة اكلمك في موضوع مهم دلف عمر غرفه والدته وجلس بجانبها ثم قال: امال بابا فين
ردت مجيدة: قاعد مع اخوك برة
رد عمر: طب تمام
ردت مجيدة بتوتر: عمر انا كنت عاوزاك في حاجة بس مش عاوزاك تتنرفز وتتعصب ماشي
رد عمر بحب وهوا يقبل يدها: عمري ما اتعصب عليكي يا ست الكل
ردت مجيدة: انا شفتلك عروسه عشان تتجوز يا حبيبي
رد عمر: يا امي قاطعت حديثه ثم قالت: استني بس دي بنت مؤدبه ومحترمه جدا مهو مش هينفع كده يا عمر انا عاوزة افرح بيك وبأخوك
رد عمر بإبتسامه: وانا قررت انك تفرحي بيا يا ست الكل
ردت مجيدة بدهشه: يعني اي يا حبيبي
رد عمر بإبتسامه جميله: يعني انا هتجوز يا امي
ردت مجيدة بسعادة: بجد يا عمر انا مش مصدقه نفسي واخيرآ هتفرحني بيك خلاص انا هكلم العروسه بكرة
رد عمر بنفي: لا مش دي اللي هتجوزها
ردت مجيدة بتعجب: امال مين يا حبيبي بقا اللي سرقت قلبك
رد عمر بإبتسامه: نور يا امي
ردت مجيدة بدهشه: نور مين يا حبيبي لا فهمني بقا
رد عمر: نور دي اللي غيرت نظريتي في كل البنات وان مش كلهم مش محترمين زي ماكنت فاكر غيرت فكرتي بأسلوبها وادبها واحترامها ولبسها المحتشم ودينها
ردت مجيدة بسعادة: واخيرآ يا عمر جت البنت اللي عرفت توقعك
رد عمر: اه يا امي انا حاسس اني اتعلقت بيها وبفكر فيها كتير اوي
ردت مجيدة: طب وهيا بتحبك
رد عمر بحزن: مش عارف يا امي عشان كده انا هروح اتكلم مع اهلها بكرة عشان لو رفضت متتحرجوش معايا ولو وافقت هنروح كلنا نتقدملها رسمي
ردت مجيدة وهيا تقبل جبينه : إن شاء الله هتوافق هيا هتلاقي عريس زي ابني فين بقا
رد عمر بضحك: لا العرسان كتير مش للدرجه يعني مفيش غيري بس بقولك اي يا ميجو الكلام دة يفضل سر بينا متقوليش لحد دلوقتي لحد ما اتقدم ويوافقوا
ردت مجيدة بهمس: حاضر يا قلب ميجو
رد عمر وهوا يقبل وجنتيها: تصبحي علي خير يا ست الكل
ردت مجيدة: وانت من اهل الخير يروحي ربنا يسعدك واشوفك اجمل عريس يارب
رد عمر وهوا يغادر الغرفه: ياارب يا ميجو
ذهب عمر إلي غرفته ثم ادي فريضته وجلس يفكر بنور قليلا حتي غلبه النوم
اشرقت الشمس بصباح يوم جديد مليئ بالسعادة والمفاجأت
(استيقظ بطلنا بنشاط ثا ادي روتين كل يوم وذهب لأسرته)
عمر: صباح الورد يا ميجو
ردت مجيدة بإبتسامه حنونه: صباح الياسمين يا حبيبي يلا عشان نفطر سوا
رد عمر: حاضر يا حببتي امال فين بابا
ردت مجيدة: قاعد مع اخوك في الجنينه روح ناديهم
بعد انتهاء تناول الطعام
قال عمر وهوا يهم بالذهاب: انا ماشي بقا عاوزين حاجة
رد جميعهم: عاوزين سلامتك يحبيبي
تركهم وغادر عمر إلي عمله وبعد فترة وصل إلي الشركه ودلف إلي المكتب وبعد فترة قصيرة دلف كرم الي المكتب مرحآ ثم قال: اهو جيه يا ولاد اهو جيه ولاد وعمرو مبيخلفش معاد
رد عمر بغيظ: اه فعلا مهو انا رمضان وانا معرفش امشي يا كرم من قدامي مش عاوز اتعصب وانا مبسوط
رد كرم بخبث: وقعت بالسانك مبسوط ليه بقا اعترف
رد عمر بتحدي: لا بقا مش هعترف
رد كرم بحزن: يلا يا عمر بقا بلاش لعب عيال
رد عمر بغيظ: اه فعلا دة انا اللي بلعب لعب عيال برضو تصدق بفكر اقتلك وارتاح منك ومن صوتك
رد كرم بضحك: ليه بس دنا الخليل كوميدي بتاع الشركه
رد عمر: صبرني يارب
كرم بجد: لا بجد ولله قولي في اي
رد عمر بإبتسامه: هروح اتقدم لنور انهاردة ارتحت
رد كرم بضحك: لوووووولي واخيرآ هنفرح بيك اي المفاجأه الحلوة دي مع انك سويت
رد عمر بضحك : اه يا عم بس بقولك اي مفيش اي حد يعرف غيرك انت وامي انا هروح اتكلم مع اهلها انهاردة
رد كرم: طب ما تاخدني معاك
رد عمر بنفاد صبر: قوم يا كرم امشي من هنا
رد كرم بضحك: خلاص خلاص نتكلم جد قولي انت هتعمل اي
رد عمر: ولا حاجة هخلص الشغل وهروحلهم
رد كرم بإبتسامه: ربنا يتمملك علي خير يارب يا عمر
رد عمر بإبتسامه: ربنا يسعدك يا كرم وتتجوز وتغور من وشي بقا واشوفك في بيتك
رد كرم بضحك: لا انا قاعد علي قلبك بقا يلا انا هروح اكمل شغلي
رد عمر: ربنا معاك وانا زي مقولتلك هخلص الشغل وهروحلهم وهاقبلك باليل
رد كرم: تمام يا عمر. (ثم غادر وترك عمر يفكر في نور واللذي سيحدث عندما تعرف انه يريد ان يتزوجها)
في منزل حسين..
ذهبت نور مبكرآ الي التسوق وذهب علي إلي الجامعه
طرق باب المنزل فتح حسين فوجأ بعمر
حسين بإبتسامه: اهلا اهلا اتفضل نورتنا
رد عمر وهوا يدلف البيت: منور بوجودك يا عم حسين انا بعتذر ولله اني جيت كده من غير ميعاد
رد حسين: متقولش كده انت تيجي في اي وقت دة شوف لينا انك نورتنا ولله
رد عمر: الشرف ليا انا ولله
خرجت سعاد من الداخل ثم قالت لعمر بإبتسامه: وانا اقول الدنيا منورة ليه اتاري استاذ عمر عندنا
رد عمر بإبتسامه: دة منور بوجودكم ولله
دلفت سعاد إلي الداخل لتعد واجبات الضيافه
طرق باب المنزل فتح حسين الباب كانت نور وقفت علي الباب وقالت بصوت عالي نسبيآ بدون انتباه لعمر: يا امي انا ملقتش بسله جبت باميه بقا ينفع ولا اي
رد عمر بضحك: خلاص ناكل بسله مفيش مشكله
نور بإنتباه وصدمه لعمر: يالهوي استاذ عمر.( ثم فرت من امامه إلي الداخل وهيا تكاد تحترق من شدة الخجل)
حسين لتهدأه الموقف: احنا بنعتذر يا استاذ عمر علي اللي حصل دة بس حقيقي نور ماخدتش بالها خالص
رد عمر بضحك هستيري: لا ولله متقولش كده انا عمري مضحكت كده ولله ربنا يباركلوا فيها يارب انا كنت جاي لحضرتك في موضوع كده
رد حسين: اتفضل يا استاذ عمر
خرجت نور وهيا تحمل الصنيه بداخلها كوب عصير ثم قالت بخجل شديد وهدوء عكس ما كانت عليه: انا بعتذر جدا يا استاذ عمر بس ولله ما اخدت بالي من حضرتك
رد عمر بإبتسامه: لا ابدا ولله محصلش حاجة انا كنت جاي عشا. قطعت نور وحديثه ثم قالت: اه لو عشان الشغل فأنا هنزل من بكرة إن شاء الله
رد عمر: لا مفيش شغل تاني
ردت نور بحزن: ليه هوا انا اترفد من الشغل
رد عمر بإبتسامه ثقه: لا بس انا محبش مراتي تشتغل
وقعت الصنيه من يد نور علي بنطال عمر ثم قالت بصدمه: اي
