ليث: غزل غزل كومي
غزل بنعاس: ها
ليث:بين ما اسبح حضري ريوك علمود اروح للشغل
غزل:تمام ( كمت قبله غسلت وجهي ولفيت شعري ورحت حضرت ريوك شويه هو ونزل وياه جنطه تريكت وياه هو راح وإني غسلت مواعين وصعدت لغرفتي نظفتها وكعدت اقرة كتاب)
دك دك دك
غزل:تفضل
شمس:صباح الخير
غزل:صباح النور
شمس: شكلج انتي همين كعدوج علمود ريوك وطارت نومه
غزل:اي والله يوم انروح بيتكم موو
شمس:اي ورى غدة كلتي ليث
غزل:يااا نسيت يلا ادك عليه واكوله
شمس:اني رايح انظف غرفتي محتاجه شي
غزل:سلامتج
سحر: صباح الخير
شمس: صباح النور
سحر: شمس احجي ويه علي ينسى سالفه بيت جديد
شمس: عمه هل سالفه اني ماكدر احجي بيه وياه لن اني حالي من حالكم انصدمت أكثر منكم هم
سحر بجي: شلون بچري هاذا شلون اخليه يطلع ويعوفني شمس اني غلطت بحقج هواي واعتذر ومستعده ابوس ايدج علمود تسامحيني بس لاتخليه يطلع
شمس: عمه شبيدي اسوي وسالفه اعتذارج الله يسامحج (وعفتها وطلعت)
سناء:صباح الخير شموسه
شمس: صباح النور سوسو اتريكي وتعالي بغرفتي نحجي
سناء:تمام
دك دك دك
غزل:اتفضل
شمس: غزل تعالي وياي لغرفتي نحجي
غزل: تمام بس امشط شعري واجي
شمس:منتظرتج ( وراحت)
غزل:( كمت مشطت شعري وسويت ظفريه ورحت يم شمس شفت سناء هم كاعده بيدها لفه جبن مبين هسه كعدت) هلو بنات
البنات: هلا بيج
غزل:اي شمس خيرج جامعتنا كلنا
سناء:اي والله
شمس:اني ماريد اشيل من هل بيت
غزل وسناء: شنووووووووووو
شمس: انقهرت على عمتي شلون تبجي كل يوم
سناء: شمس انتي شجاي تملستين منقهرة على امي انتي نسيتي شلون جانت تعاملج
شمس:الكل يغلط
سناء:لا انتي اكيد لاعبين بعقلج شمس والله تصيرين خبله من صدك يذا انقهرتي
شمس: غزل شو متحجين
غزل: مادري شكلج بس لاتنسين علي بنى وتعب على هل بيت وجان كل همه سعادتج يعني مهتم هو شيخ ولازم ميشتغل هيج شغله اذكر مرة جنت كاعده ويه عمي وعمتي بل ديوان هو فإت ملابسه جانت كلها تراب وصخ كلت بنفسي معقوله هاذا شيخ
شمس: صح كلامج نسيت علي زين ليش ما اقنع علي يخليها تعيش ويانا
سناء:راح الطم يناس غزل فهميها فهاوتها تخبلني
غزل: يصير يعني تعوف عمي وبيتها تجي تعيش وياكم لعد علي المن بنى بيت مو علمود يبعدج عنها وخايف عليج
شمس: بس دموعها والله خطيه
سناء: كل يوم تعالو عود ترة اثار ضرب لحد هسه بجسمج وهيه سببها
سحر: بنات تعالن وياي بل مطبخ انجهز غدة بل ١١صارت
البنات: اي جاين
غزل: بنات روحو انتو اني ادك على ليث اكله راح اروح وياكم للبيت واجي
شمس و سناء: تمام
( ترن ترن ترن )
سامر: ليث يدكون عليك
ليث: منو سجاد هل ورقه شوفلي ياها
سامر: احم تعال انت وشوف
( ليث راح وشاف للاسم هو مسجلها العشق)
ليث: الو
غزل: هلا ليث شلونك وصلت بل سلامه
ليث: هلا اني تمام اي وصلت من شويه خير صاير شي
غزل: لا لا كل تمام بس اليوم راح اروح اني وشمس وسناء لبيت جديد عادي
ليث: اي عادي منو يوصلكم شوكت ترحون وشوكت ترجعون
غزل: علي بطريقه يذبنا اهناك ونروح ورى غدة وبليل كلش نرجع لن من رحنا للمول اشترينا اشياء وهم نظف بيت
ليث: تمام عادي روحي محتاجه شي
غزل: لا سلامتك معه سلامه
ليث: الله وياج
سامر بهمس: العشق وكذا من ورى ليث
ليث: اكل نعل باجر تأخذ لي تريدها وسمها اسم العن من هل اسم
سامر: صح شدراك
ليث: حافظك حياتي
سجاد: ليث صار ورقه مهمه كلش
ليث: تمام
________
محمد: سلام عليكم
الكل: وعليكم السلام
محمد: غدة حاضر اريد من أخلص صلاة شوفه مصبوب
البنات: حاضر عمي
شمس: غزل انتي رتبي سفرة وإني اصب وسناء تنقل
البنات: تمام
سحر: وإني
شمس: انتي اكعدي ورتاحي
سحر: تمام
محمد: خيرج شو اجيتي كعدتي يمي منو يصب الغده
سحر: بنات جاي يصبوه مقبلو اني اساعدهم
محمد:شمس غزل سناء تعالو
البنات:نعم عمي
محمد:سحر كومي انتي صبي غده وانتو تعالو كعدو
غزل:عمي بس
محمد:لا بس ولاشي يلا سحيرة كومي
سحر: حاضر ( وراحت)
شمس:ليش هيج عمي فشلتها كدامنا خطيه
محمد:انتي بل ذات تسكتين نسيتي شجانت سوي بيج
شمس: عمو عفا الله عما سلف
محمد:اسكتي
علي:سلام عليكم
الكل: وعليكم السلام
علي:غده اكو لا اطلب مطعم
شمس:لا اكو
علي:شو كاعدين لعد كومو صبو
محمد:اني خليتهم يكعدون وامك جاي صب
علي:,اهااا لعد اني اروح اسبح بين ما ينصب الغده
غزل:عمو خلي نكوم انساعدها راح تتأخر هيج
محمد:لا اكعدي واسكتي
سناء بهمس: ابويه يوم كلش قسى على امي
شمس بهمس: يايوم هو مو هيج
سحر بهدوء:اتفضلو على غده
محمد:تمام
علي: عاشت الايادي منو مسوي الغده
سحر بهدوء:الكل شارك بيه
علي:عاشت ايدكم كلش طيب
سحر بهدوء: الف عافيه (وكامت)
علي: شبيها امي
الكل:ماندري
علي:شمس اريد تكوين دشداشتي الحليبيه وشماخ لن عندي كعده
شمس: تمام
غزل:(خلصنا اكل وعمتي سوت جاي وماقبلت أحد يغسل مواعين غيرها علي كال حضروا نفسكم اوديكم فرحنا نحضر نفسنا رحت سبحت وحطيت مكياج خفيف أما لبس لبست تراك مستور واخذت صايه من سناء خليتها فوكاه وشعري ضفيرة هنديه أما بقيه بقو لابسين ملابس بيت وفوكاه صايه وشال عادي لفو لن احنا رايحين نظف البيت)
علي: شمس مناسيه شي
شمس: لا كله بارحه اشتريته جبته
علي: توكلنا على الله لعد
غزل :( وصلنا بيت ماشاء الله يجنن علي ذبنا وراح لكعدته واحنا بدينا بغسل كراج غسلناه وطبينا ماشاء الله كلش بيت حلو واثاثه يجنن خاصه مطبخ شمس تكول كلتله مرة احب هيج لون ومطابخ وجايب مثل ماتريد مسحناه من تراب وكنسنا صاله يعني بل مختصر كل وحده اخذتلها مكان نظفته من كل نواحي كنس مسح شفنا ثريه لي اشتريناه ذاك يوم جنن مخليه بيت خلصنا تنظيف طابقين وبقى سطح رشيناه بل ماي ونزلنا كعدنا نفكر وين نحط تحفيات ولوحات لي اشتريناه من مول والحمدلله طلعو مناسبين للاثاث خلصنا بل ٨ بليل كلشي )
دك دك دك
شمس: منو
علي: هاي اني
شمس: تفضل عفيه جايب عشه ترى ميتين جوع ومابينه حيل نطبخ
علي : اي جايب الله يساعدكم الله شهل تنظيف شهل ترتيب شهل شكولات تعبانه
البنات:😂😂😂
علي: مشكورين سناء خويه غزل مشكورين والله لوما انتو جان شمس منا بعد سنه يلا خلصت
غزل: ولو خويه شسوينا والله هو بس مسح وكنس ماشاء الله بيت حلو انشاء الله عتبته خير عليكم
علي: مشكور خويه يلا تعالو حطو اكل بل مواعين واكلو
شمس: وانت
علي: لا اتعشيت اني
شمس: وين
علي: بل كعده لزم علينا نتعشى
شمس: اها
غزل ( اكلنا وشربنا جاي وكعدنا نحجي شويه ورجعنا للبيت سلمنا على عمي وعمتي ومسيت عليهم ورحت سبحت ردت انام موبايلي كام يدك ) صخمان الله ياخذك يا ادبسززز يا نعال يا ماتسحي اكو واحد يتصل بهيج وقت والله يذا ماسديته اجيب عليك شرطه
ليث: وبعد
غزل عدلت كعدتها: احم هاي انت اسفه جنت نايمه ومالاحضت الرقم
ليث بضحك: اي واحد يدك عليج غريب هيج تكولين
غزل: طبعا
ليث: ولله لبوه أنتي شلونج يوم
غزل: ليث لاتخليني الطم ترة تعبانه والله
ليث: زين بقي مكالمه مفتوحه ونامي وإني احجي عادي
غزل: تمام
ليث:( بقيت احجي وهيه ساعه ترد عليه وساعه لا عرفتها نامت كعدت اكللها اني شكد احبها واموت عليها )
كلش اسفه هل بارت صار بس لهل شيخ محمد بس حاولت اكتب بساع علمود انشر بارت قبل تسعه علمود خاطر وحده بل تعليقات كالتلي انشر بساع لن هيه ماتحب الانتضار تفاعلو علمود بارت جاي ❤️
أنت تقرأ
اليث الاسود
General Fictionهادئه ' قويه" باردة" جميلة ' ماهرة بكلشي' وصف غزل ( بطلة القصة عصبي" جرئ " قوي" وصف ليث( بطل القصة ) ( القصة: بل لهجة العراقية 💫) اعتقادنا أن لهاذه الحياة مسار والجميع يسير على نصه خوفا من عذاب الآخر سواء كان أو عذاب القبر وفي كتلا الحالتين كل شي...
