حبك ُ نقشّ في قلبي ❤️
The writer : Aya 🥀
____♦️______♦️______♦️______♦️_______
سراج:( بعد معاناة ثلاث ايام من دونهم رجعت وحلفت الا اجيب موبايل لودق دخلت البيت الفجريه نايمين مبين صعدت فوك فتحت باب غرفه بهدوء احلا منظر شفته بحياتي ودق حاضنه رضا قوي ونايمين طبيت سبحت وطلعت اتقربت عليها بمجرد ما خليت ايدي على أيدها لي حاضنه بيها رضا قوي فزت مرعوبه) إسم الله شبيج
ودق بخوف: اجيت الله يساعدك
سراج: ويساعدج شبيج هيج فزيتي
ودق: لا ولاشي اكوم اسوي ريوك ( رادت اتكوم)
سراج:( لزمت أيدها رجعتها على سرير ترجف مادري شبيها) اهدي ودق شبيج
ودق : هستوك جاي بعدين اكلك
سراج: صار شي بغيابي
ودق بدموع: والله مجنت اعرف هو ورى الباب
سراج:( جريتها لحضني كامت تشهك) اششش اهدي واحجي شصار ولا اكلج اشش اني راح اعرف بطريقتي ( كمت من يمها اخذت موبايلي ورحت اتمددت على سرير وجريتها خليت راسها على صدري ولو هيه نصها صارت عليه لن سرير ميكفي المهم حاضنها وإني اراجع كامرات مراقبه وهيه وياي تباوع مشيت ركصهم وبديت من طبو مطبخ شويه واثنينهم راحو يم الباب وشفت كلشي صار صعد دم لراسي من عصبيه وكمت حيل) لحكيني للديوان ( وعفتها ونزلت شويه وهيه اجت كدامي وكفت منزله راسها وترجف وتشهك) احجي شنو لي شفته ومنو هل رجال وليش فتحتيله الباب
ودق بجي: شوف جنا جاي ناكل كيك واحد دك الباب خليت رضا يشوف منو بدون ما يفتح الباب كاله اني مجدي وشميت ريحه كيك من بيتكم ماتنطوني شويه كصصت وخليتله بيبسي وربع كيكه ولبست حجابي وطلعت اني فتحت الباب شفته اسحاق انصدمت عبالي شرد منا
سراج: فدفعتي رضا وحاولتي سدين الباب ( هزتلي رأسها اي وهيه تبجي واني عصبيتي نار على هل جلب اني اله هديت نفسي وكمت حضنتها ) اششش خلص انسي باعي راح اعلمج كلشي وماخليج تتعرضين لهيج موقف ثاني
ودق بجي: طز بيه مخايفه منه اني الكاسرني رضا
سراج: ليش شبيه رضا
ودق بجي: ورى مادفعته خاف مني والله مستعده اموت ولا يباوعلي بهذيج نظرة
سراج: ياكلبي خلص خلص رضا صغير شي بديهي يخاف من لي ياذيه حتى لو بدون قصد ( حاضنها احاول اضحكها وهيه تبجي اخر شي ذبيتلي نكته يلا ضحكت رحت طلعت من جنطتي الموبايل لي جايبلها ياه) هاي الج
ودق: لا شكرا ماريد
سراج: اسكتي واخذيه واي شي يصير دكين عليه اجي بساع علمود سلامتكم
ودق: إذا هيج تمام
سراج: تعرفين تستخدميه ( خجلت ونزلن دموعها صيحت بصوت ناصي) دموعج شوكت تخلص متكليلي عادي متعرفين اعلمج بس تعالي وياي اعلمج على كامرات خارجيه علمود قبل لا تفتحين الباب تعرفين منو داك
أنت تقرأ
اليث الاسود
Ficción Generalهادئه ' قويه" باردة" جميلة ' ماهرة بكلشي' وصف غزل ( بطلة القصة عصبي" جرئ " قوي" وصف ليث( بطل القصة ) ( القصة: بل لهجة العراقية 💫) اعتقادنا أن لهاذه الحياة مسار والجميع يسير على نصه خوفا من عذاب الآخر سواء كان أو عذاب القبر وفي كتلا الحالتين كل شي...
