غزل: ليث شنو سالفه دم طلع لمن حلكك
ليث: اهووو راح ترجعين كلت معليج
غزل: اممم منين تعرف ريتا
ليث: هم معليج
غزل: امم تمام اني نازله يم حسن وعمتي ( خرة بيك وبيه صدك اني شعليه خلي يمر جم شهر واطلب طلاك واخلص انسان ماعنده حساس ابد )
حسن: هوب هوب شبيج عصبيه وراح تنفجرين
غزل: حسن وخر من طريقي لا والي رفع سبع سموات
حسن: خلص خلص لا تحلفين هاي مفتاح سيارتج باجر عمه باجر نرجع
استبرق: تمام يمه
محمد: وين بويه حسن أولت بارحه اجيت
حسن: والله عمي جان عندي شغل وهسه خلصته اريد أرجع من وكت علمود حجيه وعمي وحدهم
محمد: براحتك بعد بس حلفتك بل زهره كل ماتجي تبات يمنا بعد هاذا صار بيتك مثل ماهو بيت اختك
حسن: ماتقصرون عمي
سحر: استبرق صدك راح ترحين دبقيج
استبرق: وين ابقى سحر عايفه عمتي وسالم هم خطيه
سحر: والله اعتبرتج مثل اختي وكلشي حجيتلج
استبرق: والله شاهد اني همين بس اكو موبايلات نحجي مكالمه شكد مايعجبنا
علي: حسن أمشينا نطلع
حسن:اي والله اني ممفتر هواي بل بصرة غزل صيحي ليث يجي ويانا غزل غزل هيوو
غزل بفزه: وياك هسه اجيب ماي
حسن: لا امبين وياي كومي لج صيحي ليث نطلع انريد
غزل: تمام ( وراحت)
ليث: ها اشوفج رجعتي
غزل: كوم حسن يريدك ( وطلعت)
ليث: أستغفر الله ( وبدل وطلع)
شمس: غزل امشي نصعد فوك يم سناء
غزل: امشينا
سناء: ياستار يا ربي اكو واحد هيج يهجم على غرفه انثى رقيقه
شمس: اكلي خره
غزل: انجبي
سناء: تمام شبيكم مادين بوز شبرين
غزل: بنات اكو وحده بمنطقتكم اسمها ريتا
شمس: اي ريتا بنت عميد خطيه عندها قلب
سناء: دنجبي خطيه كال والله انتي خطيه بابا هاي حيه من جوه تبن
غزل: شنو علاقتها بليث
سناء: مرة ابوها ساعد ليث بمعامله وهيه لطشتله
شمس: اعتقد تحبه سوري غزل بس هاي صدك لن من شافته اول مرة صارت هواي تتردد أهنأ بيتنا هيه تحجي وياه وهو منطيها الاذن طرشه لن مل منها ومن سوالفها
سناء : بس الحق ينكال البنيه حلوه
غزل: تدرون اني ليش أولت بارحه رجعت وحدي
شمس سناء: ليش
{ غزل حجتلهم كلشي صار وعدم اهتمام ليث لوجودها من دخلت مكتب العميد}
شمس: غزل انتي تحبين ليث
غزل: لا بس ابقى مرته وعيب هيج يسوي
سناء: يذا متحبيه ليش هلكد مهتمه راجعي نفسج يمكن معجبه بيه مثل هل ثوله شمس جانت مثلج بس اول ماشفته يحجي ويه بنت جيران سداد ماكلج شسوت شبعتها كتل كدامه وبنت من ذاك يوم كل ماشوف علي تنزل رأسها
غزل: صدك والله شمس ماتوقع يطلع من عندج كل هاذا
شمس: وأكثر وداعتج علي خط احمر نسبه الي
غزل: لا اني متاكده لا احبه ولا معجبه بيه
شمس: مذام هيج معليج انشاء الله يحجي ويه عشرة لاتدخلين
غزل: هم صح رايحه انام بأي( وراحت)
سناء وشمس : باي
سناء : اكص ايدي يذا ماطلعت تحبه ومتدري
شمس: وإني همين
ليث: احم احم
سناء: فوت خويه
ليث: هاي شنو لعد غزل وين
شمس: هستوها راحت للغرفه تنام
ليث برفعه حاجب: ليش تنام متتعشه
سناء: والله ماندري هيه كالت اريد اروح الغرفه انام
ليث: اها كومو ساعدو امي بل عشه بين ما اكعدها وتجي تساعدكم
شمس: ماكو داعي تكعدها علمود ساعدنا خليها نايمه
ليث: لا خلي تكوم شنو بس نايمه نايمه ( وراح)
غزل: ليث شكو
ليث: دكومي شعندج بس تنامين
غزل: ليث وخر مني ترة روحي كارهتها رحمه للي جابتك
ليث: شبيج فهميني لاضلين هيج
غزل: ولا شي باجر اريد ارجع للدوام وبعد دارئتي لاتجيلها تريد اخذ عطله اتصل وإني اخذ نفسي تمام
ليث: اوكي شبيج هيج كله لن اجيت لدارئتج
غزل: لا ويله يذا متنام طفي ضوة وسدي باب واطلع
ليث: دكومي لج ساعدي بنات
غزل: يا طلابه ماتخلص كمت كمت ( سويت شعري ونزلت جوه بل مطبخ يم بنات )
شمس: ها اشوفج اجيتي
غزل: ليش هاذا ليث يخلي واحد ينام
سناء: روحي كعدي يمهم بل ديوان اني اجيب عصائر واجي وانتي شموسه همين
شمس: هاي ندارة نزلت عليج منين
سناء بضحك: من باب شرجي شفت واحد بربع اشتريت دورحو فوك مجاي اساعدكم
غزل وشمس: تمام رايحين( وطلعو من مطبخ راحو للديوان)
سناء : (جاي اشتغل وحسيت واحد فتح ثلاجه بدون ماندار كلت) غزل كلتلج روحي اني اجيب عصائر واجي
حسن: احم احم
سناء: يمه ها خويه محتاج شي
حسن: لا سلامتج خويه ولاشي بس تلفون غزل اريد علمود اسجل رقمي يمها
سناء بغباء: والله مادري وين تلفونها هاي ورقه وقلم سجله وانطي الها
حسن: اها تمام هاي كتبت رقمي عود انتي انطي الها
سناء: تمام( هاذا شبيه هيج يباوع يمه بعد مابقى وحدي خليت عصير البرتقال بل كلاصاتي على عددنا وياه كيك وديته اخذه ليث قدم للكل وإني كعدت يم بنات يسولفن)
________________________
شعله: شوفي لج الج خمس ايام جيبين فلوس لا ابطل سحر
سارة: باجر اجيج واجيب فلوس وياي
شعله: عفيه
سارة : فردوس وينج
فردوس: خير
سارة: انتي متاكده من هل سحارة
فردوس: عيب عليج اني كلت هاي بس شعله تحلها
سارة: يعني شنو هم راح سوي بيها مثل ريتا
فردوس:لا ريتا من الله طلع عندها مرض قلب
سارة: فردوس علينا مو سويناه سوه
_______________
رتال:ماما هاي منو جان بل باب
حميدة: ام عباس جيرانه خوش ناس
رتال: من هسه بدت صداقات وإني لحد هسه ماعندي صديقه بل كليه
حميدة: منو لازمج اتعرفي على بنات وسوي صداقه
رتال: لا اني ماريد بابا وين
حميدة: جوه نايم
رتال،: اها سامر شوكت يلتحق
حميدة: لهل درجه كارهه وجوده
رتال: لا والله ماكرهه بس جاي اسئل رايحه اقرا اني
حميدة: روحي
أنت تقرأ
اليث الاسود
General Fictionهادئه ' قويه" باردة" جميلة ' ماهرة بكلشي' وصف غزل ( بطلة القصة عصبي" جرئ " قوي" وصف ليث( بطل القصة ) ( القصة: بل لهجة العراقية 💫) اعتقادنا أن لهاذه الحياة مسار والجميع يسير على نصه خوفا من عذاب الآخر سواء كان أو عذاب القبر وفي كتلا الحالتين كل شي...
