اليث الاسود

بارت اضافي

أهلاً بكم في ارض الخيال.....

The writer : Aya AI RADENE 🥀

______♦️______♦️_______♦️____♦️______
غزل : هايييي ليش ليثثثثثثث

ليث: صوتج يمعوده فضحتينا شكو هاي شصاير اهنا

غزل:( التفت اباوعله وعيوني مدمعه على لي سواه سجاد) والله جايه من دوام تعبانه منو يلم هل هوسه هسه

ليث: ها غزل هم دموع هم دموع مو كافي روح سبحي ونامي وإني راح أرتب كلشي وحتى سجاد عوفيه عليه

غزل بشهكه: احسن زوج انته (ماصدكت اخذت ملابس وطبيت اسبح)

ليث:( اباوعله مخنزر ويباوعلي يضحك بل اخير ماكدرت رحت ابوس بيه هل فصعون مخربط غرفه ومطلع ملابس هو هستوه بده يمشي مخبلنا والله) شسوي بيك ها شسوي بيك لا بيبي كادرتلك ولا امك كادرتلك ولا ابوك كادرلك انته شنو ( شايله واحضن وادغدغ بيه وفطير يضحك نزلته لامي ) يوممم سحر سحرية وينج

سحر: ها يمه أهنأ

ليث: مو شيبتي راسي اول ما ازوجت خلف وخلف هاي خلفت شبعي بيه انتي مانريده احنا

سحر: يمه سجودي ويامحلاه وياولد لي يجي وراه

ليث: لا خليج على سجودي ويا محلاه ماكو اي ولد راح يجي وراه ماشي هو هاذا ومشيبنا نوب اثنين

سحر: نشوف ليوث نشوف ابوك وين

ليث: هسه جاي بل طريق صاعد انام خليه يمج لأن حتى غزل تعبانه

سحر: عادي يمه شعندي غيره اني

ليث: تمام( صعدت الغرفه طاكه بيها عبوه) هسه هاي شلون تتنظف ربي

غزل: سجاد وينه

ليث: نزلته يم امي

غزل: عزه شكد فشله ولد ممبدلته

ليث: عادي نظيف ريحه مسك مال نوم تبقى بيه

غزل: هم ميصير شبيك مستحملت جم دقيقه اطب اسبح واطلع أخذه

ليث: هاي هيج تكوليلي وإني ردت راحتج ونزلته

غزل: ماشي يابه مشكورين ليوث غرفه ماوصيك بعد اكعد اشوفها متلمعه

ليث: شو تعالي إنتي اخذج الواهس وتتامرين

غزل: ممتامرة بس انته لي كلت غرفه اني انظفها

ليث: غزل اني هم هاي جيتي وياج من شغل

غزل: افهم من كلامك راح نام بهل هوسه

ليث: بس هل ليله نفرش هناك يم كنتور

غزل:( باوعتله بتعب ردلي بنظرة رجاء) بس اليوم ( كمز باسني بخدي مثل جهال) روح اسبح وإني افرش

ليث: تمام

غزل:( حكيت موخرة راسي بتسائل باجر شلون راح ارتب هل هوسه بل اخير خليتها على الله وفرشت فراشين على جهه كنتور واتمدتت بل فراش)