هتتعوضي باللي مش هيخلوكي تبذلي مجهود اصلاً عشان يبقوا وبيبقوا ...♥️
عديت اصعب ايام حياتي لوحدي كنت بموت حرفيآ كل اللي حواليا مكنش حد حاسس بيا انا مش زعلانه عليه والله انا بس بفكر هو انا كنت استاهل منه كده بعد حب كل ده بعد كل اللي عملته معااه بعد مشاكلي مع اهلي بسبب رفضهم ليه كنت متعشمه فيه جامد اوي حرفيا مكنش ليا غيره كل واحد من اهلي عايش حياته وانا كان هو كل حياتي كان ممكن استحمل اكل التراب معاه بس مستحملهوش مع غيري كنت شيفاه شخص واتحول لواحد تاني خالص في عيني كنت بروح احكيله عن كسرتي اللي دمرتلي حياتي بسبب انفصال اهلي كان دايما بيقولي انه هيعوضوني وبعد ما فوقت من الوجع ده وبقيت اشوف حياتي بيه هو وبس
قام هو كسر اخر حته فيا
طلع اوسخ مما اتخيل لغيت دلوقتي بشوفه ببقي قرفانه وفي نفس الوقت عايزه اقوله ليه كده!هونت عليك..
حاولت كتير ارجعله مع انه كسرني اوي
كان بيعمل كل حاجه تخليني اكرهو اكتر كان متاكد اني موجوده لان دايما لما بيحتاحني كنت اول واحده ببقي جمبه برغم كسرتي منه دلوقتي خلااص حرفيآ لو اقدر اكسره هكسره متاكده ان ربنا هجيبلي حقي منه وان شاء الله يحس بالي حصلي هو وأهله لانهم كانو حاجه في عيني وبقو حاجه تانيه خالص من الاخر من هبلي وطيبتي كنت معميه عن كل حاجه وحشه فيهم ولما قرر يدوس داس علي اكتر واحده كانت ممكن تضحي بحياتها علشانه.. حسبي الله ونعم الوكيل فيه
*انا هاجر عماد ..............عندي ٢٠ سنه ............ودا كان خطيبي (أوس)سبنا بعض بعد ما قلبي اتكسر *
هو لسه مبقاش مع حد غيري .هو الي بعد عني انا اتعذبت جدا يعني جالي انهيار عصبي وشربت منومات اول ٣ ايام انفصال وقبلها كلمته قلتله يلا نرجع اول يومين وهو رفض فضلت احاول تاني معاه بس انا بعدها هديت عشان هو عمل حاجة كويسة جدا خلاني اخلص الزعل عليه وانا معاه بس الشخص ده عمري ف حياتي ماهسامحه وهقابله ف يوم القيامة وهاخد حقي منه عشان أذاني جدا وقلتله كلمة واحدة لو فهمها كان هيموت من الحزن قلتله لما تتجوز هتخش اوضة هتلاقي بنتك بتعيط ساعتها افتكر ان ده حقي حق عشمي فيك وكسرتك ليا وكلامك الي حرقني حق وقتي وخوفي وحبي ليك .. بس انا دلوقتي بحمد ربنا بقالنا شهر سايبين بعض بس الحمدلله ع كل حاجة عشان هو عمره ماكان هيعرف يعيشني مرتاحة وكنت هتعزب معاه جامد جدا ومكنش مقدرني كل حاجة بتتنسى كل حاجة حرفيا هتنسي وهتكوني اقوى وهتكرهي نفسك بس مش هتنسي كسرتك مش هتنسي انك عملتي ومتقدرش لكن هو هتكرهيه .......وبرضو بقيت بعد الايام والشهور و بعد 3 شهور من ساعة ماسيبنا بعض و الحوار كان في الأصل كله مشاكل ، لقيته خطب و انا كنت عايشة في دوامة حزن لقيته مينزل صورهم مع بعض ، انا مش هاقعد أقول بقي اني احلي و مستغربة ازاي ياخد حد فيه كل العيوب اللي كان بينتقضها فيا طول الوقت اول ماشوفت صورهم سوا كأن حد ضربني بالقلم ! قومت و قررت ارجع شغلي و ارجع اعمل الحاجة اللي بحبها لأول فترة من سنين أحس اني مش عايزاه في حياتي تاني حتي لو سابها و رجع ندمان ..
اللي بس مستغرباه قصة الحب اللي بينهم علي السوشيال ميديا و لا كأننا كنا مع بعض سنين ، اللي هو طب و أنا ؟ يعني أنا الطرف اللي كان بيحب كان طرف واحد ! هدي نفسي هدنة اغير من نفسي و جسمي و استايلي و كل حاجة هاشتغل علي نفسي و مظنش اني هدخل راجل في حياتي الفترة دي...........
انا عارفه اني مش هنسا بين يوم و ليله و ممكن أخد وقت .. ممكن اسابيع و شهور علشان اتعود مش انسا ! محدش بينسى اي شخص دخل حياته الاهم من كل دا اني افتكر انه اكيد هو عايش حياته و مبسوط انا ازعل ليه ؟
فكرت في نفسي .. استغليت الوقت اللي ببقا فاضيه في و مارست رياضيه دو اليوجا فدتني جدا بقيت بنزل اتمشي كل يوم ساعه .. اتعلمت لغه جديده لقيت شغفي فيها
قرأت كتب كتير وبجد فادتني جدا جدا♥️
بقيت بصلي و اقرأ قرآن بقيت قريبه من ربنا علي قد مقدر يمكن دي اكتر حاجه مهونه عليا اي احساس صعب انا حاسه بي
دعيت كتير ان ربنا يهونها عليا و يربط علي قلبي بالصبر
بقيت انزل وبخرج مع صحابي و بقعد في اماكن انا بحبها و الاهم اني بقيت مع ناس برتاح معاها في القاعده و الكلام و وبقيت بعمل حاجات مجنونه و جديده حاجات تخرج الطاقه اللي جوايا مسيبتش الزعل يتحكم مني ابدا لان محدش هيتأخر خطوه في حياته غيري
و مزعلش نفسي احنا عايشين علشان نتعلم من غلطنا و نغلط تاني و نتعلم و الناس بتدخل حياتنا علشان خاطر تعلمنا و تدينا دروس علشان منرجعش نكرر الغلط دا تاني و اكيد ربنا هيعوضني خير و يردلي حقي ♥️♥️
بعد مرور سنتين
أنت تقرأ
اسكربتات هاجر عماد♥️
Romanceلو ليك نصيب في حاجه هتاخُدها رغم استحالة الأسباب؛ ولو ملكش نصيب فيها هتروح منك حتى لو هيَّه ملكك وموجوده في إيديك.. خليك مُقتنع إن كل شيء مهماً كُنت مُسيطر عليه فهُو ممكن يخرج من تحت سيطرتك في أي لحظة .. وإن اللي أنت شايفُه مُستحيل بعقلك وقلبك وعنيك...
