اسكربتات هاجر عماد♥️

🌺2🌺

ومن تاني اكيد راجعين ♥️💫

-واحشتني

=.........

-مالك

=هو مش كدا حرام

-لا ، احنا بنحب بعض وهنتجوز في الاخر

=ولو محصلش نصيب

-بغضب :ي ريت تقفلي الموضوع احنا بقلنا سنتين مع بعض ولسه مكملين سوا وهنفضل

٠٠٠٠٠٠٠٠٠٠٠

دا كان اخر كلام بنا غريب صح ، كان بيقولي هنفضل ونكمل سوا ، وبعدها اختفا معتش موجود في حياتي ، بصراحه انا ال نهيت كل حاجه نهيت العلاقة من غير سبب واضح ليه ، بس سببي اني مره قرأت بوست علي الفيس كان محادثه بين بنتين
-هو بيحبني بجد مش زي الباقي اللي بيتسلي علي فكرة😌
-يا شيخه هو مين ده اللي بيحبك بجد
اللي اتعرفت عليه و علي فكرة متكلمناش كتير ده هم كام مرة بس و هو اعجب بيا و قال معجب بيكي و بعدها قال ليا بحبك و انا بيني و بينك حبيته
-كملي و ضحك عليكي ب اي تاني
ضحك عليا! بقولك بيحبني بجد طب تعرفي هو احنا اصلا عاملين بلوكات ل بعض و اوقات بنقدر نوصل ل بعض بصراحة بس مش كتير و هو سألني انتي ساكنه فين و كلها كام سنة و هيجي يتقدم😌
-و انتي مصدقاه؟!
اه طبعا بحبه جدا و مصدقاه جدا طب اقولك ده بيغير عليا من اخويا و من ابن عمي كمان شفتي بقي و مش بيتسلي بيا تمام
-خلصتي؟!
اه خلصت في حاجه
-لا في حاجات مش حاجه واحدة 🙂
انتي طبعا الاستاذة صغيرة علي الحب اللي عايشة ف دور سعاد حسني و جو التركي و الهندي صح و طبعا فاكرة ان البيه اللي بيضحك عليكي بيحبك بجد و هيحارب العالم كله علشانك و هيوصلك ف بصي يا جميلة هقولك كلمتين بحبك دي مش كلمة بتتقال ف شات اما انتي او هو تعرفوا يعني اي حب ابقوا اتكلموا لان الحب عمره ما كان بحبك و انا كمان و انتي بتاعتي و شوية محن ابسط حاجه ف الحب انك تبقي متطمنه مع الشخص ده ان كان فيه زلزال برا و انتي معاه ف انتي متطمنه و مهما طال البعد بينكم ف اللي ف القلب مش بيتغير انما الحب عمره ما كان شوية كلام ف شات و خلاص لان عادي كل الناس بتعرف تتكلم و كتيييير منهم بيقول كلام معسول و اعرفي ان اللي بيحبك بجد هيجيب دبلتين و يجي يخبط علي باب بيتك لا هيقولك اصل الجيش و لا اصل الظروف و لا اصل بنت خالت عمتي بتولد و لا اصل بجوز اختي و لا مامي مش موافقه و لا اصل اما اتخرج و لا هيتحجج ب اي حاجه و اللي بيحبك هيجي البيت انما بحبك و مش قادر اعيش من غيرك و كل ده ف ممكن تقومي تاني يوم تلاقيه خاطب واحدة تانية عادي علي فكرة 🙂
كام شاب بيضحك علي بنت بكلام معسول؟! و للاسف ممكن يكون اللي هو بيعمله ف بنات الناس بيتعمل ف اخته او ف بنته بعدين
كام بنت بتغضب ربنا و بتكسر ابوها بسبب كلام كله كدب!
بتستفادي اي ؟! انك تعرفي منه اد اي انك جميلة و انه غيران عليكي بتفرحي بالمشاعر الكدابة و الكلام المعسول!
ممكن و اي حد فيكم ف علاقة غير شرعية فجأة هب الموت جه عندك حاجه تقولها ل ربنا ؟! تبرير ل انك عصيت كلام ربنا ؟!
لكل شاب و بنت و خصوصا اللي ف الجامعه خلوا ف بالكم الآيتين دول دايما
وَاتَّقُوا يَوْمًا تُرْجَعُونَ فِيهِ إِلَى اللَّهِ ۖ ثُمَّ تُوَفَّىٰ كُلُّ نَفْسٍ مَّا كَسَبَتْ وَهُمْ لَا يُظْلَمُونَ (281)