نوفيلا: عماره المندره

بداية جديدة

في فصل الصيف الساعه الثامنه صباحا استيقظ محمد و وضع المنشفة علي كتفة و ذهب بإتجاه الحمام و علي صوت أقدامه أستيقظت زوجته ليلي و ذهبت لتحضير الفطار إلي زوجها بعد خروجه من الحمام توجه ناحية غرفه النوم لتغيير ملابسه ثم خرج من الغرفه
قال محمد و هو يرسم الابتسامه علي شفتيه:صباح الخير يا حبيبتي
فقابلته ليلي بأبتسامه:صباح النور يالي تعالي الفطار جاهز عشان متتأخرش علي الشغل
جلس محمد و ليلي يتناولوا الفطار
محمد:أنتي هتروحي الشغل النهارده
ليلي:لا أنا النهارده أجازه
محمد:تب أنا هقوم أروح الشغل عشان متأخرش مع السلامه يا ليلي
ليلي:مع السلامه يا محمد
أخذ محمد حقيبته السوداءالتي بها الكمبيوتر المحمول و اتجه إلي الخارج و قبل أن يقفل الباب أرسل لليلي قبله بيده ثم أغلق الباب فبتسمت ليلي و قامت بجمع الأطباق و ذهبت المطبخ لغسيل الأطباق ثم قامت بترتيب المنزل و بعد ساعه رن هاتفها
ليلي:ألو
محمد:عاملة أيه يا حبيبتي و حشتيني أوي
ليلي:علفكره أنت بكاش أوي أنت مبقالكش ساعه نازل لحقت أوحشك
محمد:تب و الله و حشتيني
ليلي: وأنت كمان ، وصلت الشغل و لا لسه؟
محمد:لسة واصل
ليلي:تب أسيبك دلوقتي عشان تركز في شغلك باي
محمد:باي
ثم أكملت ترتيب المنزل و بعد ذالك حضرت لنفسها كوب من النسكافيه و جلست لتشاهد التلفاز و علي أذان الظهر رن جرس الباب فذهبت ليلي لتفتح الباب
ليلي:محمد !!أيه اللي جابك بدري كده
قال محمد و هو يغلق الباب :تعالي يا ليلي عاوز أقولك علي موضوع مهم
جلست ليلي و محمد في غرفه المعيشه
ليلي:أيه هو الموضوع المهم؟
محمد:فاكره شركه التأمين الكبيره أوي اللي كلمتها من أسبوع
ليلي:اه فكراها مالها
محمد:النهارده أتبعتلي جواب من الشركه بيقول إني أتقبلت و بمرتب كبير أوي
هنئته ليلي بسعاده :مبروك يا محمد، محمد هي الشركه ديه بالقاهره ؟
محمد:لأ هي مش في القاهره أصلا ديه في أسكندريه
ليلي:أيه أسكندريه!
محمد:مالك في أيه شكلك أتغير !!
ليلي:تب هو أنت هتوافق
محمد:اه طبعا ده حلم حياتي أني أشتغل في شركه كبيرة زي ديه
ليلي:تب ما أحنا هنسيب أهلنا و نسنا
محمد:ما أحنا أكيد هنيجي هنا في الاجازه بإذن الله مالك خايفه كده
ليلي:أنا خيفه عشان هي بلد غريبة
محمد :بلد غريبة إيه ديه في مصر
ليلي:م أنا عارفة بس أنا خيفه نواجة مشاكل السكن
محمد:متخافيش
ليلي:يعني أيه؟
محمد:يعني أنا هسافر يوم أو يومين و أرجع عشان أشوف بيت نسكن فيه و منوجهش مشاكل من النوع ده
ليلي:و هتلحق تلاقي شقه في اليومين دول و كمان هتباتهم فين؟
محمد:في و أحد صحبي سمسار عقارات أنتقل هناك من فتره و هو إللي هيساعدني ألاقي شقه كويسه و بسعر كويس
ليلي:و أنت هتسافر أمتي؟
محمد:أنا هسافر بعد خمس أيام و أنتي هتجهزي شنتطك عشان أول مرجع بإذن الله ننزل علي طول علي أسكندرية موافقة
ليلي:موافقة بس أنا هعمل أيه في شغلي
محمد:هتستقيلي
ليلي:أستقيل إزاي!
محمد:هتستقيلي و لما أثبت في الشغلانة هشوفلك شغلانه معايا
ليلي:تب أفرض محصلش نصيب و مكملتش في الشغلانه
محمد:في الحالة دية هنرجع القاهرة
ليلي:نرجع القاهره نعمل أيه أنا خسرت شغلي و انت كمان خسرت شغلك
محمد:و مين قالك أني هستقيل
ليلي:أمال هتعمل أيه؟
محمد:أنا هاخد أجازه من غير مرتب لو كملت في الشغلانه يبقي كويس و هبعت للشركة و رق الأستقاله و لو محصلش نصيب نرجع القاهره
ليلي:تب بقي فهمني أنت هتعمل إيه بكره
محمد:عادي هروح الشغل و كله تمام و بعد أربع أيام هقدم علي الاجازه و أنتي بقي عارفه الباقي
ليلي:ماشي و هشوف دماغك ديه هتودينا لفين
مضي أربعه أيام و قدم محمد طلب الاجازه و وافق عليه مدير شركه التأمين و ذهب محمد مسرعا إلي المنزل ليقوم بتحضير حقيبه السفر و جاء موعد السفر.