في صباح يوم جديد تستيقظ اروي كعادتها علي صوت أبواق سيارة أدم من أجل الذهاب إلى الجامعه.
فاطمة:يارورو يلا اصحي كل ده نوم يلا أدم مستنيكي قومي يلا هتتاخرو.
اروي:صباح الخير يا فطومه
فاطمة: صباح النور يا قلب فطومه. يلا اجهزي و انزلي بسرعه عشان تلحقي الفطار احسن أدم مش هيسبلك حاجه ههههه هياكل الاخضر و اليابس😂
أروي:مش عارفه الولد المفجوع ده الي يشوفه يقول مبيكولش مش عارفين أنه فاضله شويه وهيكولنا صدق من قال شبه البرص الجعان والنبي يا فطومه عطليه على مانزل
فاطمة: هههه انا عرفت دلوقتي انتوا ازاي أصحاب لحد النهارده عشان انتو نسخه من بعض هههه صدق من قال الطيور على اشكالها تقع 😂
أروي :يا صباح الامثال ياحاجه الحقي الولد زمانه خلص الاكل
فاطمه :حاضر يا رورو انجزي انتي بس علي ما اعطله
اروي:تجهزت اروي ونزلت وجلست على السفره
أروي :صباح الخير يا دومي
أدم:صباح العسل يا رورو شوفتي انا مفطرتش اهو مستنيكي تنزلي عشان نفطر سوا
أروي :واضح يا خويا انك مستنيني يا دوب أكلت بس كام سندوتش وشربت كوبايه اللبن😏
أدم :انا كده مفطرتش انا كنت بستعد بس
عز الدين: صباح الخير يا اولاد
اروي :صباح الخير يا عزوز
أدم :صباح الخير يا انكل عزوز
عز الدين :في اي انا سامع صوتكم عالي علي الصبح
فاطمه: يعني علي اساس ان دي حاجه جديده عليهم
أروي :يا عزوز انا بقيت اخاف من الواد ده احسن في مره يجوع ميلاقيش اكل فيكولني 😁
أدم:متخافيش اوي كده ياختي انا مش باكل عرسه
اروي:انا عرسه يا برص انت
عز الدين :انتو نويين تقرفونا على الصبح قوم ياض منك ليها على الجامعه يلا بلا قرف
أروي :حاضر بس متزقش كدا
عزالدين: يلا يا عرسه قصدي يا اروي علي الجامعه وانت يابرص سلملي علي والدك على ما اشوفه .
أدم : يوصل يا عزوز
اروي :سلام يا عزوز
عز الدين :ربنا يهديكو يا ولاد
.....في الجامعه.......
بعد انتهاء المحاضرات يجلس أدم اروي في الكافتيريا وادم ياكل كالعاده
اروي :يا ابني ارحم شويا ده ثالث كريب تاكله لحد دلوقتي ده انتا حتا يا معفن معزمتش عليا بحاجه
أدم :يا سلام يختي ده علي اساس اني معزمتكيش من شويه على همبرجر صدق من قال انتو زي القطط تاكل وتنكر
أروي :اولا انا مانكرتش ثانيا انتا معزمتش عليا بالكريب افرض انا نفسي فيه
أدم :صبرني يارب مش انا سالتك هتكلي اي قولتي همبرجر
اروي :ايوا قلت كدا فعلا
أدم :طب بصالي في الكريب بتاعي لي
أروي :خلاص يا عم احسن تقول باكل أكلك
أدم : عرسه
أروي :برص
بعد الانتهاء من الطعام اتجهوا إلي السيارة للمغادره ولاكن لاحظة أروي شرود أدم.
أروي :أدم .أدم انت يا ابني
أدم :معلش يا رورو مش واخد بالي كنتي بتقولي حاجه
اروي : الي واخد عقلك يا برنس تكونش بتحب
أدم: لا حب اي بلا نيله انا بس كنت بفكر في حاجه كده
أروي: بتفكر في اي
أدم :بفكر بعد ما نتخرج من الجامعة هنعمل اي
اروي :سهله يا ابني كل واحد فينا هيشتغل في الشركه مع أبوه
أدم : بس انا عايز يكون ليا شركة مستقله
اروي :وانا كمان والله.بس الموضوع ده هيكون صعب عشان احنا هتكون جداد في السوق
أدم:انا عندي فكره حلوه.
اروي :اي هي
أدم:إنكل زيزو وبابا أصحاب من زمان ولو اقترحت عليهم موضوع الشركه دي هيوفقو أنهم يساعدونا لحد ما نكبر في السوق
أروي :فكره حلوه والله بس بشرط
أدم :اي هوا
اروي :انا وانت نكون شركاء في الشركه
أدم :اكيد طبعا دي هتكون اكبر شركه في الشرق الأوسط
أروي :باذن الله
❄️❄️❄️❄️❄️❄️❄️❄️❄️❄️
ملحوظه
انا مسحت الروايه عشان كان فيها بعض الأخطاء وكتبتها من أول وجديد
ارجو التفاعل مع الروايه
أنت تقرأ
احلام أروي
Ficção Geralأروي فتاه جميلة مرحة تحب الحياه من يراها يظنها طفله صغيره تعيش ايام سعيده جدا ولاكن لن تدوم هاذه الايام طويلا وسوف يحدث ما يجعل تلك الطفله الصغيره امراه قويه
