#أحـببتـه_بلا_حدود
(الجـزء الثامـن)
فتحـي مستغرب : معناهـا نورهان علـيـش مـاشيـه؟
بابا : نـورهـان طلبـها منـي فـراس ولـد جمال خـويا ايـواه ورانـي عطيـت.
في هـذك السـاعـه حـس الارض ضـاقـت بيـا صـبيـت مفـزوعـه : لا لا يا بابا شـن تقـول انت.
بابا بحت فيا : كنك؟ !
نا : لا انا مـش امـوافـقـة.
بابا بحت فيا : وعلـيش مـش اموافقـة ان شاء الله.
نا تحشمت : مزال بنكمل قرايتـي.
بابا تنفس الصعداء لان كان يحساب في سبب اخر : بتكملي عنده
نا تعصبت : لا يابابا ارجوك.
بابا : ها مش المشكله قرايتك.
نا : بس نا فراس مش متقبلته، ومنعرفش
بابا : اسمعي يا نورهان راهو الولد كويس وقاري في دوبي وزاد هذا كله ولد عمك ونا بصراحة منقدرش نحرج خويا
(وهنا بابا فضل خوه عليّا )...وهنا أول خسارة ليّا.
أيه خذت على وانسحبت بهدوء، وماما طبعاً قلبت الدنيا لان بابا مش مشاورها لا في ولا في زياد...زياد طلع بره
بابا : وين ماشي .
زياد : لجهنم.
بابا بحت في زياد الي مشى ولحقه : هذه كله عشان نحاول نعالج ولد خوك ادير الكلام هذا كله.
زياد : يا باتي كنت تاخذه في اول طيارة انت وامي نا مش شور شـيء.
أمـي : صاح يا جابر العيل مزال في عز شبابه وشاب ونبي نعرسه مش مشـيء حالك.
بابا : وكنها أيه أصغر منه تي مش شوره بلكل .
زياد : اسمع يا باتي تبيني ناخذ العيل نا ونورهان نعالجوه باهي غير هكِي لا وزواج مش متزوج.
بابا بحت في ماما: معناها اسمعي يا هناء ، واقسم بالله لو ما تزوج زياد أيه تباتي على ذمة روحك...ولا هو ولدي ولا نعرفه .
أمـي بحتت في باتـي: جابر انت في شن تقول
زياد طلع وخبط الباب وراه وبابا مشـى بره وأمـي قعدت تبكي ونا حاطه يدي على راسـي من وين بنلاقي المشاكل من زواج زياد وايه ولا زواجي نا ولا باتي وحلوفته في امي
قعمزت نجاح تسكت في امـي الي كانت تبكي بحرقه لانها متبيش تزوج زياد زواجة عاديه وبرضو على كلام باتـي الغير متوقع.
مشـى هذك اليوم علينا كلنا وكنا كلنا زعاله، كانه مش فرح كانه عزاء او ميت حد
أمـي تبـي لـ زياد رقية بنت خالتـي...وأية عز عليها الموقف ووجعها رفض زياد...وانا نتخيل في ردت فعل عمر ولا اني متزوجة غير والله نموت ...سهام كانت عند هلها ونجاح ما غرفت لمن تمشـي ولا تسكت من .
