Nais kitang makapiling
Makita sa gabi't paggising
Nawa'y sa langit ay dinggin
Ang aking nag-iisang panalangin
Paano ba kita mahahawakan
Kung ikaw nama'y wala sa lupang inaapakan
Kahit ang anino mo'y aking kinasasabikan
Sana'y ika'y makita, makasama't mahagkan
Alam kong malabo ang lahat ng ito
Dahil isa kang kathang-isip at hindi totoo
Nababasa sa mga nobela at mga kwento
At hindi tayo magkapariho ng mundo
Ngunit hindi ko mapigil ang bugso ng aking damdamin
Na ika'y aking ibigin
Sa kabila ng katotohanang ika'y malabong maging akin
Ikaw at ikaw pa rin ang patuloy kong pipiliin
Kaya nais kong magpasalamat sa iyo
Kahit ika'y hindi totoong tao
Nabubuhay lamang sa loob ng libro
Pero iyong nabihag ang puso kong matagal ng naging bato
Minahal kita kahit isa kang kathang-isip lamang
Ipinaramdam at ipinakita ang katangiang walang makakalamang
At may katangiang paibigin nimo man
Isa ka sa hinahangad ng karamihan
-Maraming salamat sa pagbasa mga ginoo/binibini♡
