لَهِيب عَيناهٰا

اللهيب الخامس[5]

مالك::

شوي وطلع هيثم من بيت عمهم وصاحلي

هيثم:: ها مالك شعدك تعال ادخل جوة الحبايب يتأخرن مسويات حفل عزوبيه مفاجأة للمسعده

مالك:: ههههههه قصدك لياقوت؟

هيثم:: اي اكو غيرهة هاي الشالعه گلبي

مالك:: اي والله يشلعن الگلب همزين انة ما متورط ولا حاب گبل

هيثم:: تتورط وداعتك وتجيني تكلي شلون تتصرف وياهة لان محسوبك خبرة

مالك:: ها ها خوية خبرة طلعت

هيثم:: لا وداعتك ل خبرة ولا بطيخ ولا رگي انة بس هاي المسودنه وهم راحت

مالك:: مو قسمتك خوية مو قسمتك المهم يمته عرسهة

هيثم:: بعد اسبوعين

مالك:: يا عود ليش هيج مستعجلين

هيثم:: حظي الاگشر اغَبر

مالك:: تريد الصراحه خوية حظك ردي

هيثم:: ادري ادري هو حظي لو بي خير جان ما خلاني احب

مالك:: تنساهة وداعتك وتزوج وتعيش حياتك

هيثم:: خل اگلك شغلة خوية الي يحب من صدگ لا يتزوج غيرهة ولا يحب غيرهة ولا ينظر او يفكر ينظر لغيرهة الحب الصدگي مصيبة الله وكيلك انه حارم روحي حتة من النظرة علمودهة وتالي هيج راحت مني

مالك:: ان شاءلله خير الرايده الله يصير لا يضل بالك خوية خلي البنيه في حال سبيلهة لان اذا تضل عينك وراهة ترا ترجع مطلگه

هيثم:: الله يسمع من اللسانك هيج وترجع مطلكه ناذر لابو فاضل اذا ترجع حته لو ياهة عشر فروخ هم اتزوجهة

مالك:: صدك لو گالو الحب مصيبة

هيثم:: ديلا انجب خل ندخ........

مالك (بصريخ):: ههييييييثثثثثثمممم!!!!!!!!
_______________________

ألماس:: دخلت البيت عمي واستقبلتني ريحة البخور التجنن هيج بيت عمي يمتة ما تجيهم مبخرين البيت عمتي صباح تحب البخور كلش

نور:: هلة هلة هلة البيت منور اليوم

ألماس:: بنورج يروحي شلونج شخبارج

نور:: الحمدالله تمام شلونج انتِ

ألماس:: بخير دومج بخير

نور:: دام نبضج حياتي يلا خل ندخل وصلن الغراض

ألماس:: اي رحم الله والديج همزين

نور:: بلا دخلي لا بجلاق صايرة مؤدبه

ألماس:: يلا يلا داخله

•دخلت واستقبلتني عمتو صباح وعمو •

_هلووو عمووو شلونك شخبارك

_الحمدلله بنيتي بخير وانتي

_الحمدلله  بشوفتك