لَهِيب عَيناهٰا

اللهيب السادس [6]

هيثم::

راح محمد نص ساعه ورجع جايب اكل كعدنة ناكل ونسولف بس انة بالي مو يمه افكر شلون راح افتح وياه الموضوع  وشلون اگولة

خلصانة اكل ومحمد راح يذب السفريات وشوي ورجع

هيثم:: محمد شوف عندي موضوع  وياك ما ادري شلون اكلك

محمد:: خيرك خوية خو ماكو شي

هيثم:: اچذب عليك اذا اكلك ماكو شي

محمد:: يعني السالفه مليوصه يلا گول

هيثم:: شوف خوية انة مو ابحوش لو ادور ورة الناس بس سالفة قاسم گلبي ما مرتاح ومن رحت دورت وسألت عليه گالوا الناس انو هو يدخن جگاير ونرگيلة ويشرب ويتعاطه ممنوعات واكو ناس كالولي ابو مشاكل وطلايب وما مخلي واحد ما متعارك وياه فَ يا خوية دير بالك على اختك تره بعدهة صغيرة مو حلوه بحقهة ترجع مطلگه وهيه صغيرة خطية وترا الوعود ما تكمل مدرسه وهاي السوالف چذب لأن اصلًا ماكو مدرسه بمنطقتهم واقرب مدرسه تبعد  ساعه ونص عن بيتهم وهمه ترا مو ببيت جبير لا بيت ريف كلش صغير  وانتَ اخوها الجبير والسالفه بقت يمك

محمد:: والله ما ادري خوية انت صدمتني

هيثم:: انة مو شغلي اخرب بيوت وانتَ تدري بس ياقوت مثل اختي (والحمزه چذاب) وما اقبل عليهة العيبة

محمد:: انة اروح للبيت واتأكد وما يصير خاطرك اله طيب

هيثم:: يلا روح للدكتور خلي يكتبلي خروج لعبت نفسي كلش منا

محمد:: تتدلل ضلعي

راح محمد وانة گلبي مرتاح عسا انو يلغون الزواج وترجع ياقوت بس ما اعتقد لان العرس قريب كلش وقاسم هذا طلع مبلغين عليه العوائل اكثر من مرة بسبب افعالة القذرة وياقوت ترفة مو مال كتل وطلاك من واحد مثلة

شوي ورجع محمد وياه الدكتور

الطبيب:: شوف يا هيثم انتَ الاصابة مالتك مو خطيرة ولا قوية بس بقيت هنا للتأكيد وانتَ هسه حسب الي شفته ما بيك شي بس الجرح تعال كل يومين نعقمة ومن يصير زين نوخر الشاش تمام؟؟

هيثم:: تمام دكتور

محمد:: مشكور دكتور يلا بعد احنه نطلع

الطبيب:: تتدللون ولو يلا انة اروك لشغلي

محمد+هيثم:: الله وياك

طلع الدكتور ومحمد كعد يلم الغراض وانطاني ملابس حته ابدل وهو راح يوقع على اوراق الخروج وبقيت انة بدلت وطلعت حتى نروح لبيت خالتي رحمه خطية محمد يكول كل الوكت كاعده تقرالك قرأن وتدعيلك حتى غرت منك من گد ما تحبك وألماس حالهة ما يقل على امي وياقوت تعبانة كلش وخايفه

اجه محمد وطلعنه رحنه لبيت خالتي وتلگتنة ياقوت واحمد اخوهة

ياقوت:: ها هيثم شلون صرت