لَهِيب عَيناهٰا

اللهيب الثالث[3]

هيثم::

طلعت فاطمه وخلتني بحيرة فوگ حيرتي معقوله انخطبت يعني غزالة مو الي معقوله تصير على ذمة غيري بس شلون ودوّا المهر ومحد حاچي ولا احد گايلي اف ياربي شلون سالفه هاي،
طلعت من الغرفه وانة كلي هَم وحزن واتصلت على قاسم

_هلا بخالي هيثم شعجب اتصلت

_ هلا  قاسم ما گتلنه راح تخطب حتى نبارگلك

_بعد شنسوي چنه نريد نحدد الموعد بس توفت جده رَفيده

_يلا يلا مبروك تتهنى بيهة مع السلامة

خلص الاتصال من قاسم وانه گلبي ينتفض من الوجع الي نزل عليه معقوله حب سبع سنين يروح معقوله ما انتبهت علي انه جنت اكول صغيره ما اتقدملهة اوف ياربي إن كان خيرًا فاعده لي وان بعد زمن وان كان شرًا فأنسيني اياه يارب العالمين

____

مالك::

خلصت من تدريس ياقوت بسرعه لان هيه حافظه الماده كلش ما احتاجت بس مراجعه بسيطه وتركيز على بعض الأمور راحت ياقوت وانة كمت لميت غراضب وطلعت شفت ألماس تتصل وتفتر بالحديقه ووجهة اصفر عرفت صاير شي اقتربت اكثر ما انتبهت علي سمعتهة تتوسل بواحد وتكوله احذف الصور انة هنا كلش ضجت معقوله محمد الي. ما يعوف لا صلاة والكل يمدح بي هيج تطلع اخته بس تلاشت افكاري من سمعتهة تكول اخوانهة يذبحوهة عرفت انو  مهدديهة  بس بصور غيرها كتلها جاي تسوين هيه ارتكت وكالت صديقتي انة اخذت الجهاز وطلعت لان ادري اذا بقت هيه عود تتصرف تجفص وتنشر الصور وهاي عرض عالم واني عرفت السالفه يعني اذا عفتهم ذمة البنيه تصير بركبتي صعدت بالسيارة وخابرت صديقي

_الوو ها كُميل

_هلة بالضلع الما ينشلع

_ انجب لا تمصلح شوف انتَ مو اختصاص ابتزاز الكتروني؟

_ اي خويه خير

_لا ماكو شي بس راح انطيك رقم اتصرف وياه انة جنت اكدر اتصرف بس الله وكيلك ما عندي وكت لازم اروح للوالدة علمود جرعة الكيماوي

_ولا بهمك خويه سالفه سهله مثل شربة ماي عندي هسه عشر دقايق منتهي امره بس منو مهدد؟؟

_خويه ما اكدر احجي عرض عالم بس انتَ سوي مثل ما كتلك

_تتدلل

_يلا الله وياك

_مع السلامة محروس خويه

سديت الاتصال ودزيت الرقم مال الولد وطفت جهاز ألماس وطلعت للمستشفى للوالده

مالك::ها دكتور شصار

الطبيب:: الحمد لله صار اختفاء بنسبة 86%

مالك ::الحمد لله الوالده شلونها ما تعبانه غير الله وكيلك تكول ما مأذيني مرضي بكد الوجع مال الكيماوي