مَلاذ الروح

الحَـلقة السادسـة

مساء الخير بنات

الحلقة السادسة من رواية مُلاذ الروح

لا تنسون التصويت+المتابعة+التعليق بين الفقرات

قِـراءة مُمـتعة سنـيورات (بصوت مُهاب) 😂😂♥
.
.
.

الشافج يرتوي بلا ماي
انتي منين من يا شط.❤
_________________________________

_اول ما دخلنا البيت تلگتنا ماما تعيط والشيخ
واگف بصفها والحجية والولد كُلهم موجودين

سناء:وييننن اخذت بنتيييي وينننن

مُهاب: بسچ لاااا تصيحيننننن ديربالچ تعلين صوتچ

_اجت يمي لزمتني من اچتافي وگالت..

سناء: حوراء بيچ شي سوالچ شي وين اخذچ
احچييييي

_لا ماما كُلشي ما صار طلعنا نشتري ملابس
شوفي

_احچي وأشر على الغراض البيدي ومُهاب شايل
قسم منهن.. التفت ؏ مُهاب وحچت..

سناء: وانتَ شلون تاخذها بدون ما ادري

_سبق وان گتلج وارجع اگولها بنتچ انه
مسؤول عليها فهمتي

سناء:مو من حقك تاخذها وين متروح عالأقل
گلي واخذها ترا هاي بنتي گدام الله وعبادة

_مُهاب من يسوي شي مياخذ شور احد
افهميها عاد

الشيخ جلوان: بسك يُبا مُهاب عاد زودتها

_خوش

_اباوع عليه كُتلة من البرود والأستفزاز ضجت
كُلش خليت وصعدت فوك عفتهم جوة يتكافشون دخلت الغراض للغُرفة

_شوي وانفتح او بالأحرى اندفر باب الغرفة دخل مُهاب دفرة برجلة و بيدة الغراض..

_هاچ سنيورة هذني باقي الأغراض

_ يعني متعرف تدك الباب من تدخل؟؟

_لا ما اعرف علميني

_سكتت ضايجة، حچة بجدية..

_شبيچ طنگرتي هستوچ تضحكين
وعين الله عليچ

_ما بية شي

_خاف من ورا الصار جوة ضجتي يمعودة لتهتمين
امچ تمسلت

_امي تمسلت؟؟؟؟... اسألك سؤال!

_سألي سنيورة

_مُهاب انتَ بصفتك منو مسؤول عليه ومتحكم
بية الهل درجة؟؟