مَلاذ الروح

الحَـلقة الثـامنة

مساء الخير، شلونكم بنات

الحلقة الثامنـة من رواية مُلاذ الروح

لتنسون التصويت+المتابعة+التعليق بين الفقرات

قِراءة مُمتعة قلباي 🥹❤️‍🩹
.
.
. 
ليش غادرت السفينة وانه جايبلكك بحر..؟
🖤🫂
_________________________

_طلعنا من كربلاء واخيراً نزعت الصاية
حطيتها بالجنطة اختنگت بيها..

_ورا مدة من الوقت دخلنا بغداد الفرحة اللي
انا بيها ما تنوصف هاي محافظتي اللي تربيت بيها
ماشية بشوارعها شبر شبر

_دخلنا بغداد....."الأعظمية" وتوقفت السيارة مقابيل بيت عمو محمد نزلنا من السيارة والشيخ نزل الجنط
ماما ما چانت جايبة وياها ملابس هواي جابت كم لبسة بس الة اني جبت الكنتور واجيت..

_دگينا الباب طلع مسلم رحب بينا وصاح عمو محمد
وعمو مرتضى تسالمو همَ والشيخ دخلنا جوة سلمت عليهم امل مرت عمو تسلم من ورة خشمها خو من شافت الذهب اللي لابستة ماما جلطت الة شوية عشتو عليمن كاتلات نفسچن ؏ الذهب..

_ماما تقصدت تلبس ذهبها حتى تدبلهن، گعد الشيخ
وعمو محمد بالأستقبال واحنا گعدنا بالصالة اني كمت
احوس اريد اگوم اشوف بيبي..

_خالة بيبي ايمان بغرفتها؟؟ شو ماكو

امل:ايي بغرفتها مريضة نايمة بالفراش ولا
تگدر دگوم

سناء: يااا شبيهاا مريضةة

امل:ورة ما رحتو بقت تطحن بنفسها وتبچي
وتفكر بيكم اربعة وعشرين ساعة وهملت
صحتها وهل تشوفين تمرضت نركض بيها
من دكتور الدكتور سودة عليه

_هيَ حچت هيچ واني تخبلت شنووو بيبي
مريضةةة عفتهن يسولفن ورحت الغُرفتها،طبيت عليها حالتها حالة والغُرفة هوسة وشاديلها مُغذي
وحضن مال ادوية يمها

_چانت نايمة ومبين ؏ ملامحها التعب عمت عيني
يا بيبي.. گمت عزلت الغُرفة الملابس بكل مُكان ادري بأمل هاملتها الوصخة چانت بيبي اربعة وعشرين
ساعة تبخر بالغرفة وتعطرها والغُرفة نظيفةةةة

_هسة وگعت ومحد ينظف منو ينظف امل القذرة
كملت تعزيل الغُرفة ونمت بصف بيبي هيَ حست
؏ وجودي بسرعة فزت..

_اسم الله بيبي هاي اني

الحجية ايمان:ولچ هاي انتِ حويرةة

_ايي بيبي اني حويرةة

_شمرت نفسي بحضنها وهيَ تمسد ؏ راسي
گمت اشهك واحچي..

_ياريت المرض بية ولا بيچ من عمري ؏ عمرج

حچت بصوت مبحوح گوة يطلع..
الحجية ايمان:انچبي ولچ خفة الهالحلك