مَلاذ الروح

الحَـلقة السـابعة

مساء الخير سنيورات

الحلقة السابعة من رواية مُلاذ الروح

لتنسون التصويت+المتابعة+التعليق بين الفقرات

قِراءة مُمتعة 🦆
.
.
.
ابتسامتكِ مقدورٌ عليها،
عيناكِ فقط تُثير ارتباكي .♥
__________________________

ميسم: عزاااا ولچن الحبل مفتوووووح
اررركضن

_ميسم من حچت هيچ توسعت عيوني
واني اشوف الحبل فعلاً مفتوح

_صار عياطنا مالة والي بهاي اللحظة تطشرنا كل وحدة ركضت بجهة والچلاب ورانا شبعت عياط..

_اني اركض وما اعرف بيا جهة جاي اركض
ويركض وراي الچلب اعيط وابچي

_البنات مدري بيا جهة راحن واني طايرة
بحيث باتمان ميلحگني من الخوف بديت افقد
طاقتي وگوة اجر النفس

_هناك وچان اشوف زمن وبلقيس من بعيد يمشن
ركضت بأتجاههن بسررررعة شافن الچلب
وگامن يعيطن من حسن حظي الچلب عافني وگام يركض وراهن ركضت بغير جهة من شفتهن اختفن

_گعدت بالكاع گوة اسحب النفس وشبعت بچي
رجلية كلهن طين طبيت بالزرع وانترست طين
چنت لابسة كُعب بس ناصي اول ما شفت الچلاب
نزعتة من رجلية حتى اركض اسررع

_ذبيت شالي الصاير خريطة مدري شلون
ما طار من راسي نظفت اديني من الطين
وگمت امشي لازم ارجع للبيت بس المشكلة
ما اندل ما اعرف بيا جهة امشي

_امشي ولازمة گلبي اگول ؏ ساعة يطلعلي
چلب نوب حتى ما بية اركض تعبت

_بقيت ساعة تقريباً امشي عسى ولعل اطلع
منا بسلام بس وين احس نفسي بمتاهة

_اخير شي فقدت كل طاقتي حرفياً
گعدت جوة شجرة مال نبك الدمعة بطرف عيني
بس لا ميلگوني وانام بالبستان اليوم يمة غير اتخبل
اذا ما صرت غدة للچلاب حي على الصلاة اصير عشا

_گاعدة انتظر هسة يجون يلگوني هسة يجون بس ماكو اضحك ؏ نفسي ورة نص ساعة گمت ما تفيدني الگعدة

_واخيراً لمحت شخص جاي من بعيد طرت فرح
لمن ركزت عليه طلع مُهاب گمت اركض بأتجاهه
وهوَ يمشي سريعع لمن وصلت عنده گمت احچي واشهك..

_ووويينكم صاررر ساعتين انتظرر تلگوووني
وييينكمم

_اششش سنيورة انا يمچ لگيتج عليمن هالدموع
بيچ شي احچي تأذيتي

_شفت القلق والخوف بعيونة، حچيت..

_لا ما بية شي ما تأذيت بس البنات..

_ردت احچي اسألة ؏ البنات ما انطاني مجال
بسرعة نزع الغترة اللي ؏ راسة ولفها ؏ راسي

_شكو مُهاب ليش حطيت هاي ؏ راسي