مَلاذ الروح

الحَـلقة السابعـة والعِـشرون

مـَـساء الخَـير بنات

الحَـلقة السـابعة والعِـشرون مِـن روايـة مُـلاذ الـروح

قِـراءة مُـمتعة 🌝🤎
.
.
.
.
لو بقى التخلف في مجتمعاتنا فسيأتي السياح ليتفرجوا علينا بدلاً من الآثار

- نجيب محفوظ

"حبيت اغير شوي مِـن العبارات
حسيتها لامست روحي"
_____________________________

"حَـوراء"

_گعدت ثاني يوم على صوت المنبه گمت غسلت وبدلت اخذت كم لبسة حطيتها بالجنطة لأنُ اليوم نروح البغـداد باچـر الأربعين مال عمو ما اعرف شوكت نروح اذا هسة لو الظهر بَـس بدلت للأحتياط

_طلعت مِـن الغُـرفة ورحت الـغُـرفة ماما، دگيت الباب وسمعت صوتها وهيَ تسمحلي ادخل..

سناء: تعالي بنيتي الشيخ ما موجود

_دخلت للغرفة وهمات لگيتها تحضر بنفسها، هستوني دا اريد احچي وياها وسمعت صوت ازاد يبچي
تقدمت للكاروك مالتة وشلتة حتى اسكتة يعيوني كُـلش صغير نملة، بقيت افتـر بي بالغُـرفة وفعلاً دقايق وسكت.. انتبهت على ماما مِـن حچت..

سناء:شعجب شلتي؟!

_ليش واذا؟!

سناء: مو اگول عبالي تكرهي

_ليش اكرهه!!

سناء: ما اعرف حسيتچ غيرانة منه لأن اخذ مكانچ

_عـصرت گلبي عصـر بهذا كلامها بحيث عيوني غورگت..

_يوم صدُك دا تحچين؟!

سناء: اي حتى من اجيت من المستشفى قليل تجيتي للـغُرفة وضايجة اربعة وعشرين ساعة

_مـا اعرف شحچي وشنو ابرر صـراحة اذا هاي انتِ امي وهيچ دگولين الغريب شيگول

_غيرت كلامي بسرعة وگلبت الموضوع..

_المُهم مو هذا موضوعنا، اجيت اگلچ شوكت نروح البغداد

سناء: هسة نتريك ونروح

_تمام لعد

_كملـت كلامـي وتقدمت حطيت ازاد بالكاروك وفتحت باب الغُـرفة حـتى اطلع..

سناء: ها وين رايحة

_ارجع الغُـرفتي

سناء: ليش ترجعين ابقي هنا خاف ازاد يبچي اريد اجهز نفسي

_زفرت نفس، ورجعت شلت ازاد ما ردت اروح خاف همات تگلي غيرانة منه، دقايق ودخل الشيخ للغُرفة
سلمت عليه وحطيت ازاد بالكاروك وطلعت، تعكر مزاجي فوك ما اني مقهورة على عمو زاد قهري كلام ماما، عاد شوي واجتي حنين صاحتلي حتى اتريك..