نور بنيه جميله جدا وروحهه رياضيه وضحوكة تروح يوميه لشغلهه الي بوسط المحافظه تشتغل محاسبه بمكتب مهم وجانت تتاخر يوميه بسبب الشغل ..جانت تعيش هيه وامهه واختهه الزغيره ليان والدهه توفه من ٧سنوات وترك امهه ريت امانه عدهه تحملت هيه مسوليتهم وصارت هيه الاب والمعيل لهذه العائله وجانت مخطوبه من شاب مرتب ويشتغل وياهه بنفس المكتب وجانو سوه حياتهم حلوه ويقضون اغلب الوقت سوه بالشغل بس هوه جان يشتغل بس شفت الصباح بس هيه جانت ماخذه شفتين صباحي ومسائي وجانت تشتغل ساعات من العمل كلش طويله بس علمود توفر الامهه واختهه الحياه الكريمه ...وبيوم من الايام بعد ماخلصت شغل وطلعت جان الشارع شبه فارغ دب الخوف بكلبهه
نور ..امشي بالشارع وادعي يارب ميصير شي يارب اني خايفه احميني عندي احساس انو حيصير شي
تكسيات ماكو ولاباص اضطريت امشي مشي وارجع للبيت بقيت احجي ويا روحي علمود يخلص الوقت ويختفي الخوف من عندي
نور ..يلا نوره حبيبتي انتي قويه انتي تحملتي هوايه انتي بالف رجال
بس اني بكلبي ميييته خوف اني الحق عليه اخذني الوقت ونسيت روحي
فتحت الجنطه مالتي حته اطلع مبايلي لكيته مخلص شحن
لالالا هسه كملت هسه اوك على حضي الحلو مبروك عليك يارب هسه امي ميته خوف عليه يارب يخلص الوقت بسرعه كمت اركض ركض وجنطتي شبكتهه واتلفت اول مره ابقه لهذا الوقت ضليت اركض واتلفت
اتفاجئت بسياره سوده سريعه اجتي صارت بصفي زادني خوف وارتباك وصرت اركض اسرع واسرع سمعت صوت الباب مال سياره انفتح اتبسمرت بمكاني احس رجليه ثلجن من الهبطه
فجأة هجم عليه رجال ضخم جان ملثم وجهه بحيث ما اشوف منه اي شي خله ايده على حلكي وايده الثانيه شالني من خصري وتوجه بيه للسياره جانت ارخ وافرفح مثل الطير المذبوح لكن عبث جانت ايده مثل الحايط كلش قوي شكد حاولت اصرخ اطلع صوت يارب فجأة يجي احد ينقذني بس ماكو شمرني بالسياره وانطق بدون ما استوعب اي شي وشنو الي ديصير ويايه وليش شنو الصار ليش اني هنا .........
أنت تقرأ
الضحيه والجلاد
Adventureفتاه تم اختطافها لتقع بيد مجموعه غريبه من الناس قائدهم زعيم كبير ليتحكم بها ويغير مستقبلها بالكامل ولكن لم يتوقع ان تلك المخطوفه ستغير حياته ..قصه باللهجه العراقيه
