راح عمر وفكره وعقله كوله بنور وشلون سوه بيهه هيج..راح للبيت ودخل للحمام باوع بالمرايه وملامح وجهها وعيونهه متفارگه حتى صوت صراخهه ووجعها بقو بباله وباذنه ..خله ايده على اذنه وصرخ باعلى صوت ..اطلعييييييي اطلعي من راسي كافي تصرخين ..باوع بالمرايه وتخيل عيونهه الجانت تتوسل بي حته يبطل يضربهه ضرب ايده بالمرايه بكل قوته وجرحهه بقوه ..هاي الايد الي اذت نور ..عالجهه وطلع بسرعه متوجه للقصر مايدري ليش يركض الهه بس هوه راد يطمن عليهه او على الاقل يشوفهه ..وصل وصعدلها بسرعه ودخل للغرفه شافهه نايمه على بطنهه وضهرها مكشوف كليا والممرضه كاعده يمهه تعالجهه وتخلي المي البارد على جروحهه حتى يخفف من الالم ..من شافته الممرضه تفاجأت بجيته اما نور مجانت صاحيه جانت فاقده لوعي متحس بالي حواليهه ..منضر جسدهها حركه واشتعل بنار الالم والندم ونار بكلبه كامت تسعر ..باوع للممرضه وسألهه ..شلونهه..
الممرضه ..مثل متشوفهه سيدي حالتهه سيئه جدا وحرارتها مرتفعه وتتعرق بقوه وتتنهد وتون بستمرار
عمر..انطيهه دواء او مسكن او اي شي يخفف عنهه
الممرضه ..سيدي المهه موفقط جسديا انما نفسيا ..اتحسر عليهه شلون وصلت الهاي الحاله ومنو هذا الوحش الي سوه بيهه هيج
عمر ..باوع للممرضه بنضره حاده ونضره غظب ..هوه مو وحششش هوه شخص مجبور
اتقرب على السرير وكعد يمهه وامر الممرضه تطلع ...
الممرضه ..سيدي بس المرهم اريد اخلي على جروحهه ..
عمر..لتقلقين اني راح اهتم بهل امور
طلعت الممرضه وسدت الباب
خله ايده على جبينهه واحترق من شده الحراره وعرقها يتصبب منها مرر منشفه ومسح جبينهه ..واخذ مرهم مرره على مكان الجروح وهي تون من كل لمسه يلمسهه تتالم فعلا ...
فتحت عيونهه بضعف ورجعت لوعيهه ماعدهه القوه الكافيه تتمعن بالنضر ..شافته كاعد يمهه
..نور ..انت !
وكأنو دتكوله شسوي هنا بعد الي سويته بيه
ورجعت غمضت عيونهه لان خارت قواهه بالكامل
عمر ..ياربي اني شسويت بيج شلون اسمح لنفسي انو اأذيج بهل شكل شلون كدرت انهك جسمج هيج ...سامحيني نور سامحيني ونزلت دمعه منه استقرت بحد جرحهه ..نزل راسه خلا على ضهرهه وبجه وهوه يردد سامحيني سامحيني ..دخلت الممرضه وادارك الوضع وكف بسرعه ومسح دموعه وطلع من القصر وراح لاقرب بار يشرب وفعلا شرب حته فقد وعيه بالكامل ونقله الحارس للبيت .....
.
.
مرت خمس ايام وماشف بيهه نور وخلاهه تتعافه بالكامل حته يرجع يواجها ..سادس يوم توجه للقصر ودور عليهه داخل القصر مالكاهه طلع من القصر توجه للبحير الي يم القصر لكاهه كاعده بكل هدوء وتتمعن ...
اقترب منهه شوي شوي من دون ماتنتبه
عمر ..هوه هذا مكان هروبج ؟
باوعت نور وراهه وشافته واكف وكفت بسرعه وركضت باسرع ماعدهه وبتعدت عنه ...
ركضلهه بسرعه ولزمهه من ايدهه
عمر ..اوكفي
نور..باوعتله بنضره اشمأزاز ...اياك تلزمني فهمت ..ليش انت هنا ليش اجيت ؟حته تكمل ضربك وتعذيبك الي شنو الي بقه وما اخذتو مني شترررريد!
عمر ..لا بس باوعيلي واسمعي كلامي ..اني ماردت هيج يصير اني جنت مجبور انتي الي ردتي تقتليني ومع ذالك مردت هيج يصير
نور..اسمعني زين يا استاذ عمر ما اريد اشوفك واباوع بوجهك لان اني ماشوف كدامي غير جلادي الي قطع الي جلدي ..اني وبهاي اللحضه اكرهك من اعماق روحي وكل لحضه راح يزيد هذا الكره اكثر من اللحضه القبلهه ...اكرهك لحد النخاع واصلا كرهك ديمشي بدمي خلاااص روووح ابعد عنيييييي
كلامهه جان جدا قاسي على عمر بس هوه عمر القائد ..دار وجهه وتمالك نفسه زين
عمر ..اسمعيني زين منو انتي ابررلج اعمالي الي صار صار وانتهى واخذتي جزاءج وان عصيتيني مره لخ راح يصير الاسوء وراح اكرر عقابي بشكل اقسى ومومهم عندي اذا كرهتيني او حبيتيني ..المهمه صارت جاهزه وراح تنفذيهه خلال هاي الايام استعدي زين وديري بالج
لبس نضاراته ومشى
نور..اوكف ..شنو جنت تريد تكول ؟
عمر..جنت راح اكول شي بس غيرت رئيي ..وبكلبه يكول انو كلامهه كفيل بانو يفهم هي مراح تسامحه لو شما كال وسوا ..تركهه وراح متوجه للزعيييم .........
الزعيم ..طمني شلونها؟
عمر ..الحمدلله تعافت زين
الزعيم ..جيد ...صار الوقت نتحرك روحلهه باجر وانطيهه التعليمات والخطه لازم ناخذ من زعيم العصابه المعلومات بمكان شحنه المخدرات الي ديجهزون الهه من سنين ...هاي هيه الشحنه الاكبرولازم ناخذ كل المعلومات منه.....
وطبعا هوه مايثق بس بندى وماينطي المعلومات الا الهه
هزز راسه عمر بالموافقه على كلام الزعيم ...
عمر ..بس اكو احتمال كلش كبير انو نور تنكشف هيه مو ندى وبهل حاله راح تنقتل قبل مينطوهه المعلومات ...
الزعيم ..ليش ليكون مادربتوهه زين
عمر ..لاموهيج دربناهه زين
الزعيم ..ليش انت خايف هيه هيج هيج راح تموت لان العمليه خطيره بس اني اريد بس المعلومات قبل ماتمووووت ....!
عمر ...تمام راح اروح باجر وابلغهه بكل جديد لان بقه اسبوع واحد ويحضر رئيس العصابه
ومراح نكدر نقبض عليه قبل منحصل المعلومات الكامله وللازمه حته نوقف عمليه التهريب ....
الزعيم ..تمام ابني كل امالي وامال الدوله متعلقه بيك انت وشطارتك بعد بس اتمنى متخذلني ......
....يتبع
أنت تقرأ
الضحيه والجلاد
Приключенияفتاه تم اختطافها لتقع بيد مجموعه غريبه من الناس قائدهم زعيم كبير ليتحكم بها ويغير مستقبلها بالكامل ولكن لم يتوقع ان تلك المخطوفه ستغير حياته ..قصه باللهجه العراقيه
