مر شهر كامل شكد ما اكول صعب فهو اصعب من هيج بين الحزن على اهلي وصعوبه التدريبات والم عمليات التجميل جنت اتوجع كلش هوايه بس جنت اعد الايام على جيه هذا الي مايتسمى علمود اساله عن اهلي
دخلت ساره عليه للغرفه بعد يوم طوييييل من التدريبات
نور..من علموج على هاي السوالف ماعلموج ادكين الباب مثل الاوادم ؟؟
ساره ..سارة اسفه بس اتصل بيه عمر وكال انو هوه جاي بالطريق على اساس رجعته تكون باجر بس ماتحمل يريد يشوف التغييرات الصارتلج واخر المستجدات
يلا كومي البسي احلا شي عندج وعوفي شعرج مفتوج بس سرحي ومن اصيحج فورا تنزلين .....
ماجنت اهتم لشي بكد ما منتضرته بالدقيقه يجي علمود اشوف حال اهلي وين صفه بيهم الدهر شياكلون شيشربون امي شنو وضعهه
بس شلون راح اباوع بوجهه وهو بسبب كل الآلام البيه اخذهه من حياتهه وذبهه بالجحيم
وصل عمر ودخل القصر بكل جبروت وثقة كالعادة وصاح على ساره بسرعه ساااارة.....
ركضتله ساره بكل سرعتهه الحمدلله على سلامتك باشا الف الحمدلله
عمر ..شكرًا...ساره نور ويين
ساره بغرفتهه تحب اناديلكياها
نوووررر ..نووور
ساره شلون جانت التدريبات
ساره ..ممتازه هيه ذكيه وقويه وتتعلم بسرعه
عمر ..جيد ..جيد
بينما هوه يحجي ويا ساره التفت بعينه وشاف البنيه المكسوره الي عافهه من شهر تنزل الدرج بكلللل ثقه وتحدي ...جانت لابسه فستان قصير مرتب كأنو عارضه ازياء واكفه كدامه وشعرهه لجوه خصرهه عايفته على طوله ومسرحته ويتمايل ويا حركاتهه كل درجه جانت تزلهه توضح عنده جمالهه اكثر واكثر ضل صافن ومحتار ع شنو يباوع لكن ادارك امره بسرعه من حجت ويا ساره
ساره -شنو رأيك سيدي
عمر -النتيجه رائعه هيه نسخه طبق الاصل حاليا
تقربت نور منه شويه
نور —شنو كلتو الاهلي عن سبب وجودي هنا واختفائي ممكن اعرف
عمر —وعليكم السلام يابه ...اممم المدام بعدهه تفكر باهلهه ..تمام راح اكولج
ساره تكدرين ترحين انتهى شغلج اهنا والباقي هوه شغلي وراح اعلمهه فنون الرمايه حتى تصير محترفه
روحي ورتاحي ومري على مكتبي باجر حتى تاخذين اجورج
راحت ساره وعافتهم بالقصر
نور منتضره منه جواب واكفه كدامه على سؤالها الي انتضرت منه جوابه من شهر .....
يتبع....
صوتولي ولتقصرون الله عليكم
أنت تقرأ
الضحيه والجلاد
Aventuraفتاه تم اختطافها لتقع بيد مجموعه غريبه من الناس قائدهم زعيم كبير ليتحكم بها ويغير مستقبلها بالكامل ولكن لم يتوقع ان تلك المخطوفه ستغير حياته ..قصه باللهجه العراقيه
