توجه عمر للزعيم ..
عمر -زعيم شلونك
الزعيم -كل الهلا ابو الاخبار الحلوه بشرني شنو الوضع
عمر..اخيرا يمعود لكيتهه بنيه تشبهه طبق الاصل
الزعيم ..صدك والله عفيه عليك والله ماقصرت وماناسي مكافأتك جبيره عندي ..بس كلي صدك تشبهه ؟!
عمر ..غص وبلع ريكه واشر براسه بمعنا نعم ...
طار الزعيم من الفرحه ...خلص عمر هنا بده شغلنه
عمر ..شنو ؟..لالا انت وعدتني مهمتي الكاهه فقط لاغير لالاماريد ماكو هيج حجي
الزعيم ..ومنو سألك .راح تنفذ وبس انت الي راح تستلم المهمه ومحد غيرك
عمر ..زعيم رجاءا اعفيني
الزعيم ..اني اثق بكفائتك كولش زين وماريد هاي العمليه تفشل انت تدري شكد دقيقه ومهمه
عمر ..اي صح بس...
الزعيم ..ماكو مجال للرفض ابد ويلا روح وباشر شغلك
عمر عصب كلش من الزعيم لان هوه ميريد هاي المهمه لاسباب هوه اعرف بيهه مع العلم الزعيم يعرف بهاي الاسباب ....
ركب سيارتك وساق بسرعه جنونيه وهوه كلش ضايج وبينما هوه جاي يسوق اتصل عليه الحارس ...
عمر ...نعم تفضل شتريد
الحارس ...سيدي مصيبه..البنيه تهسترت وكسرت كل شي بالغرفه ومانكدر نسيطر عليهه ولازمه قطعه كزاز وتهدد اذا مانطلعهه راح تنتحر
عمر ..مجنوووونه
ياربي هذا الي ناقصني هسه من صدك
سلام اني جاي لاتستفزوها وحاولو تهدونهه شويه اني جاي....قفل الخط وتوجهه للقصر بكل سرعته ......
وصل عمر للقصر وتوجه بسرعه لغرفتهه صعد الدرج بسرعه وهو يفكر انو حياتهه تساوي حياة الكل ...
شاف الحراس واكفين اما هي جانت واكفه على السرير وشايله قطعه كزاز من المرايه الي كسرتهه دخل وشافهه بحاله هستيريه رفع ايده وكال الهه ...
عمر..اهدئي نور
نور..لاتكولي اهدأ انتو منين طلعتو بحياتي خلوني اروح لو اقطع وريدي
عمر ..اوك تريدين تموتين صدك ؟؟ يلا موتي مايعني شي بس مراح اطلعين منا
انصدمو الحراس من الي ديكوله الباشا
عمر..شوفي خلي نحجي وبعدين بكيفج اذا تردين تنتحرين ماعندي مانع
نور. باوعتله بشمأزاز .اقسم بالله اسويهه
عمر ..بعدج متعرفين ويامن تورطتي اني عمر وابددد ما اهدد خليني اكولج شي سالتيني شنو اريد منج .. جنت راح اكولج الصبح بس الواضح انتي ماعندج صبر تمام لعد اسمعيني زين
.....احنه عصابه ....
باوعتله بصدمه
عصابه شنو تجاره اعض..اء ..دع"اره مخ 🛌درات
لو شنو بالضبط ووشتردون مني وليش اني ليش
تضحك عليه انت لو شنو وضعك؟!!!!
عمر ..احنه اندور عليج من سنه كامل
نور ..بس اني ماسويت شي
عمر ..احنه عصابه باسم الد🍥وله خلي افهمج انتي مالج ذنب ذنبج انج تشبهين وحده اسمهه ندى جانت تشتغل ويانه وويا عصابه ثانيه جانت تزودنه بالمعلومات بس للاسف انقتلت ""
نور..منو قتلهه؟
عمر ..انتحرت هي جانت عميله مزدوجة وجانت تزودنا بالمعلومات لكن للاسف عشقت زعيم العصابه الثانيه وكامت تشتغل لصالحه بس ومن اكتشفناها مجانت تريد تأذيهم فاختارت تاذي نفسهه وعافت المهمه على النص ..جنه راح نكتشف مكانهه ونخلص البلد منهم لكن مابدينه شي
نور..واني شنو ذنبي
عمر ..راح تشتغلين بمكانهه ...
نور ..نعممممممم!!!
أنت تقرأ
الضحيه والجلاد
Aventuraفتاه تم اختطافها لتقع بيد مجموعه غريبه من الناس قائدهم زعيم كبير ليتحكم بها ويغير مستقبلها بالكامل ولكن لم يتوقع ان تلك المخطوفه ستغير حياته ..قصه باللهجه العراقيه
