في شركه D&M للمقاولات العامه
كان داغر فمكتبه بيفكر ف نيره و ازاي اصلا عندها الجرأة انها تعرض عليه أنه يتجوز واحده غيرها
و فكر اد ايه هي انانيه أنها تفضل الشغل علي سعادته
كان حرفيا قلبه مش مستوعب هي دي البت اللي بيحبها اللي لمسه منها بتنسيه الدنيا بما فيها اللي بيعشق ينام فحضنها ... يمكن كان غلطان لما فكر أنها بتحبه
مراد دخل
مراد : داغر بقولك ..... داغر انت كويس
داغر : اه اه ... عايز حاجه
مراد : مالك يا داغر ... كل لما اشوفك تكون سرحان و بتفكر و مضايق
داغر اتنهد: هيكون فيه ايه يا مراد ... فاتحت نيره فموضوع الخلفه تاني
مراد : يمكن محتاجه شويه وقت تاني يا داغر ... يعني انت عارفه أمور البنات دي بتحب تعيش حياتها الاول بعدين تخلف ... يعني خديجه بردوا اول سنتين جواز كنا متفقين منخلفش
داغر : اديك قولت سنتين ... أما احنا بقالنا خمس سنين ... لا و يارتها عايزه وقت زياده
مراد : اومال عايزه ايه
داغر بسخرية: عايزاني اتجوز واحده اخلف منها عشان هي متقدرش تبوظ جسمها عشان شغلها
مراد: انت بتقول ايه يا داغر اكيد بتهزر
داغر : شفت اللي انا فيه .... مكنتش ابدا متخيل أنها هتقول كده ... دي مش عايزه تخلف مني عارف يعني ايه
مراد : لا اكيد لا يعني يا داغر ... اكيد متقصدش
داغر : عارف بقى الكبيره يا مراد ... انا بقى هتجوز
مراد : تتجوز ... لا يا داغر تتجوز ايه ... ده انت و نيرهو بعدين انتو بتحبوا بعض اوي و بعدين هي احيانا بتقول كلام مش قصداه بس اكيد مش لدرجه انك تسمع كلامها في الموضوع ده
داغر : الموضوع منتهي يا مراد ... انا خلاص قررت اتجوز مش هي مش عايزه تخلف مني انا بقى هتجوز و تشرب بقى
بعدين خلص الشغل اللي وراه و نزل ركب عربيته و رايح عند عنود
عند عنود
كانت بتعمل عمليه ... و خلصت
خرجت لاهل المريض عشان تطمنهم
عنود بابتسامه : حمدالله علي سلامته العمليه نجحت الحمدلله
_ ربنا يكرمك يا دكتوره ... ربنا يكرمك و يرزقك كل اللي بتتمنيه يا رب ...
_ربنا يفرح قلبك يا رب يا دكتوره ...
عنود ابتسمت : ربنا يخليكوا ... انا معملتش حاجه ده واجبي و فضل ربنا طبعا ... هو هيخرج علي العنايه عشان نتابع حالته و بعد اربعه و عشرين ساعة هننقله غرفه عاديه
عنود راحت مكتبها و هي مبسوطه كانت عمليه خطيره جدا بس هي ادها
باب المكتب خبط
عنود : اتفضل
حسام دخل : مبروك يا دكتوره علي نجاح العمليه
عنود ابتسمت: الله يبارك فيك يا دكتور
حسام : فخور جدا بيكي يا عنود .... انا كنت عايزه اقولك....
الباب خبط
عنود : ادخل
داغر دخل : مساء الخير
عنود : استاذ داغر ... مدام جوهر كويسه
داغر : اه اه كويسه ... بس كنت عايزك فموضوع
عنود : اه اكيد
داغر بص لحسام : بقول عايزها فموضوع
حسام : ماشي يا دكتوره نبقى نكمل كلامنا
أنت تقرأ
طبيبه قلبي ♥️
Romance(اقتباسه من اول بارت ) نيره : فيه ايه يا داغر داغر : مفيش الوحيده اللي حبيتها و اتجوزتها مش عايزه تخلف مني نيره قربت : يا حبيبي انت عارف كويس شغلي انا موديل و مينفعش ابدا ابوظ جسمي ... و بعدين يا حبيبي ما قولتلك حل داغر : نيره هو انتي بتتكلمي جد...
