عنود : عملت ايه يا داغر فموضوع اهلي
داغر : لسه يا عنود ... رجالتي معاهم الصوره و صوره العقد و مستمرين في التدوير
عنود بيأس: انا خايفه اوي يا داغر ... مش عايزه اطلع يتيمه ... انا .. انا حاسه ان ليا أهل اوي
داغر حضنها : متقلقيش يا عيون داغر .. هنوصل لهم .. انا متأكد
نيره برا كانت سمعت الكلام و ابتسمت ابتسامه شر كده
بعدين نزلت تحت و خرجت برا القصر و راحت للمنطقه اللي فيها الحرس
و نادت واحد من رجاله داغر
نيره : جمال
جمال : نعم يا هانم
نيره : هو انت بتدور مع الرجاله علي أهل عنود
جمال : اه ... بس بدور بليل لسه
نيره : اه ... طب انا كمان عايزه اساعدكوا .. ممكن تقولي عنوان الملجأ اللي كانت فيه أو اي حاجه بتساعدكوا ... اصلي الصراحه فوقت و حسيت أن لازم اعمل حاجه تصلح اللي كنت بعمله فيها
جمال : والله يا هانم احنا معانا صوره كده و صوره لسلسله ... و هي مكنتش في ملجأ هي كانت عايشه في زي بيت كده معمول زي دار صغير
نيره: طب ممكن تديني العنوان و عايزه بس اصور الصوره و العقد
و فعلا جمال أداها اللي عايزاه
جمال : العقد مع داغر أو مع عنود هانم بيه بس دي صورته
نيره ابتسمت : شكرا جدا يا جمال ... بس مش عايزاك تجيب سيره لحد ...
جمال : عيب يا هانم
نيره دخلت و كانت مبتسمه ابتسامه شر
نسمه : مالك مبسوطه ليه كده
نيره : عرفت هطلع بنت ال*** اللي فوق من القصر و مترجعش تاني ازاي
عند جميله
جميله : يعني ينفع كده يا ناجي ... انت عارف انا بحب البنت دي كنت خدتني معاك
ناجي ابتسم : خلاص يا حبيبتي لو روحت تاني هخدك معايا
بعدين ناجي طلع المكتب عشان وراه شويه حاجات
جميله : سناء سقيتي الورد اللي برا
سناء :اه
جميله : الله يرحمك يا عنود ... عارفه يا سناء بحب اشوفك دائما عشان انتي اخر واحده شوفتي عنود
سناء بلعت ريقها :الله يرحمها
جميله : يارب ... يارب
عدي الوقت
كانت عنود لوحدها في الاوضه
قلبها : اول مره فحياتي اكره الوحده ... من اسبوع بس كنت لوحدي و كنت مبسوط اوي
عقلها : اقول ايه بقى ما البركه فيك ... انا مش عارف ازاي وافقنا علي الجوازه دي ... انتي كنتي تقدري تلاقيهم لوحدك
قلبها : مش عارف بقى
عنود حطت دماغها علي السرير و باقى جسمه في الأرض و كان قلبها و عقلها مع داغر بس
و نفس الكلام داغر كان عند نيره بس قلبه و عقله مع عنود
عنود فضلت كده لحد ما نامت
عند داغر كان بيفكر
عقله : حاسس انك خاين
قلبه: مش بايدي ... مش بايدي ... و بعدين خيانته ايه عنود مراتي
عقله : عارف ... اقصد انك بطلت تحب نيره
قلبه : بردوا مش بايدي هي اللي اختارت كده هي السبب انا عمري مشفت واحده غيرها ... ولا عمري فكرت احب واحده غيرها ... بس هي طلعت انانيه جدا جدا
أنت تقرأ
طبيبه قلبي ♥️
Romance(اقتباسه من اول بارت ) نيره : فيه ايه يا داغر داغر : مفيش الوحيده اللي حبيتها و اتجوزتها مش عايزه تخلف مني نيره قربت : يا حبيبي انت عارف كويس شغلي انا موديل و مينفعش ابدا ابوظ جسمي ... و بعدين يا حبيبي ما قولتلك حل داغر : نيره هو انتي بتتكلمي جد...
