نيره جت
نيره : ايه الخروجه كانت حلوه لدرجه راجعين مبسوطين كده
كنزي : قولي ما شاء الله
نيره بزعيق : اخرسي انتي
داغر اتعصب من أسلوب نيره و مسكها من دراعها : الظاهر أن دماغك راحت خالص يا نيره ... لو شوفتك بتعلي صوتك علي حد تاني في البيت ده قسما بالله لهتشوفي الوش التاني
نيره بعياط : حرام عليك بقى ... من ساعه ما اتجوزتها وانت مش طايقني ... انتي عملتي فيه ايه ...عملتي فيه ايه
داغر : معملتش فيا حاجه ... بس عارفه ايه اللي حصل ...اللي حصل اني شوفتك علي حقيقتك يا نيره ... كنت بحبك لا مش بحبك بس كنت بموت فيكي انتي اللي ضيعتي كل ده انتي السبب انتي اللي فضلتي شغلك عليا و علي حياتنا
نيره بدموع : انا اسفه ... بص خليها تمشي و اوعدك اني هعمل اي حاجه انت عايزها بس مشيها
داغر مسك ايد عنود : معدش ينفع يا نيره ... انا لقيت فعنود اللي كان نفسي يبقى فيكي ... لقيت حد بيحب نفس الحاجات اللي بحبها لقيت حد بسيط بيخليني مبسوطبعدين داغر و عنود طلعوا و نيره خرجت الجنينه و حرفيا انهارت
عند عنود و داغر
عنود : مكنش ينفع تعمل كده ... كان المفروض الكلام ده بينها و بينك
داغر : يعني كان المفروض اعمل ايه ... مش مصدق أن دي نيره
عنود حضنت داغر و حاولت تشغله عن التفكير في اللي حصل : عارف انا اتبسط اوي انهارده يا داغر
داغر ابتسم : وانا كمان ... كان يوم حلوه اوي
عنود: اوعدي أن احنا هنكرر اليوم ده تاني
داغر ضحك و باسها : اوعدكعند نيره
كانت قاعده في الاسطبل
و خديجه راحت لهانيره بعياط: مش قادره يا خديجه مش قادره حاسه ان روحي بتروحح روحي بتتحرق
خديجه : اهدي يا حبيبتي اهدي مش كده
نيره : ليه ليه كلكوا بتحبوها ... هاه ليه
خديجه : يعني يا نيره هي باين عليها انها كويسه
نيره بزعيق: كويسه و تروح تتجوز واحد متجوز
خديجه : نيره ليه بتنكري انتي اللي طلبتي من داغر يتجوز و اديه نفذ طلبك
نيره : لا انا مكنتش عايزاه يتجوز ... انا بس قولت كده عشان ابعد فكره الخلفه دلوقتي
خديجه : نيره لو عايزه داغر يعاملك زي ما بيعامل عنود ... فكري فحوار الخلفه ده تاني. .. يمكن بيعاملك كده عشان هو فاكرك مش عايزه تخلفي منه و الكلمه دي اكيد داست علي قلبه جامد
نيره مسحت دموعها: انتي شايفه كده
خديجه : انا مش شايفه غير كدهتليفون خديجه رن
مراد : خديجه انتي فين ادم بيعيط
خديجه: انا في الجنينه يا حبيبي... هطلع اهوخديجه : هطلع انا بقى اشوف ادم ... فكري في اللي قولته يا نيره
نيره : ماشيخديجه طلعت
نيره بشر : ماشي يا عنود انا هخليكي تندمي انك اتجوزتي داغر
اليوم عدي علي ابطالنا اللي نام مرتاح و اللي نام باله مشغول و اللي نام بأفكار شريره
المهم أن اليوم عدى
أنت تقرأ
طبيبه قلبي ♥️
Romance(اقتباسه من اول بارت ) نيره : فيه ايه يا داغر داغر : مفيش الوحيده اللي حبيتها و اتجوزتها مش عايزه تخلف مني نيره قربت : يا حبيبي انت عارف كويس شغلي انا موديل و مينفعش ابدا ابوظ جسمي ... و بعدين يا حبيبي ما قولتلك حل داغر : نيره هو انتي بتتكلمي جد...