قالَ لها : وَجدتُكِ . . كما لَو أنَّ سِرباً مِنْ الفَراشاتِ قد إصطدَم بقلبي .🕊♥️ ________________________________
ريم : كعدت ثاني يوم احس نفسي احسن واهلي واهل عمو ابد معافوني بقى كم يوم راح تنتهي العطله وضجت كلش لان راح نرجع لبغداد وماشوف بعد فهد وعلى طاري فهد كلساع يجي يطمن عليه وكلش فرحت لهتمامه تنهدت وكمت بدلت لكيت البنات نازلات
ريم : صباح الخير
الكل : صباح النور
ام محمد : ها يمه شلون صرتي
ريم : زينه الحمدلله رحت بستها من راسها ورحت يم ابويه بيته وهو حظني
ابو محمد : باجر نشالله راح نرجع لبغداد حضرو نفسكم
ريم : كال بابًا هيج اني صفنت على فهد عقج وجه باوعلي بنظره خلتني اريد ابجي ضجت ماريد اروح بس هالسنه سادس لازم اشد حيلي
ترف: احس ضجت من بابا كال هيج يمكن لان تعودت هنا
ريم : اجه محمد باسني بخدي وحظني من الجهه الثانيه وفهد خزرني هسه اني شسوي شعليه رحنا للمطبخ سوينا غدا اني والبنات طبعاً بعد توسلات منهن مقبلن اشتغل سوينا فاصولياء وتمن و نواشف اجه للمطبخ ابن احمد اوييي اكزكز عليه رحت يمه وشلته
ريم : يمه يمه فدوه لوجهك بسته بخده وهو يضحك
حسين :عوفيني ريمه (بصوت الاطفال)
ريم : يروح ريمه انته كمت ادغدغ بيه وهو يضحك والبنات هم
فهد : اباوعلها شويه تعبت وترخصت شويه واني رحت وياها صعدت دكيت الباب كالت ادخل دخلت وهيه نعسانه
ريم : ندك الباب صحت تفضل دخل فهد
فهد : ها شلون صرتي
ريم : الحمدلله اجه كعد على الجربايه
فهد : بحزن اي باجر راح ترحين
ريم : باوعت لعيونه الحزينه وكلت اي حط ايده على خدي ويمشي براحه ايده ميلت على ايده وغمضت عيوني اريد ابجي دمعت عيوني
فهد : حطيت ايدي على خدها ومشيته هيه ميلت عليه وغمضت عيونها اخخ ياعشكي لو تعرفين شكد متأذي من عرفت باجر راح ترحين دنكت لركبتها واخذت نفس بتعب تعبت من هذا العشك بستها عده بوسات متفرقة رفعت راسي ودنكت بستها من شفتها حاوطت وجها مقربها الي اكثر ارتوي منها الي حبيتها واني صغير اصبح على ذكراها وامسي على ذكراها حسيت بيها كامت ترجف بتعدت بعد موزعت بوسات متفرقة على شفتها وسندت راسي على راسها حركت خشمي على خشمها وهمست
انتبهي لدراستج وجيبي معدل يرفع راسنا
ريم : ابتسمت بخجل ماكدر ادفعه احس روحي تروح من يضوج وماريده يضوج همست وكلت راسكم دوم مرفوع
فهد : ابتسمت ودنكت على ركبتها بستها رفعت راسي اباوع بعيونها الي خلتني ماندل دربي بستها براسها وهمستلها احبج حيل بستها براسها تنهدت بحسره ورحت لغرفتي غمضت عيوني بتعب وكلت هم راح تعوفيني هم راح تعبيني بغيابج اني مصدكت شفتج هسه هم راح ترحين احس كلبي يوجعني بس التفكير انو تعوفني وتروح بس هيه سادس هذا راح يحدد مستقبلها بس تكمل سادس بعد ماتحمل ..
ريم : غفيت بمكاني حسيت على ترف تكعدني
ترف : يله كومي نحضر غراضنا باجر من الصبح نطلع
ريم : صفنت بوجها ودمعت عيوني واعرف هيه فتهمت لان جانت تعرف اني احبه لفهد كعدت بصفي وحضنتني
ترف : ريمه لتخافين راح تشوفيه مره ثانيه بالعطله راح نجي وهم عرس نرجس اكيد هم نجي لتبجين
ريم : احس من بجيت ارتاحيت عافتني وراحت واني حضرت جنطتي صار الليل وجابو عشه من بره وتعشينا بس الكل ضايج لان راح نروح
ترف : باجر بابا قرر نرجع لبغداد بس اني ضجت لان ماريد واعوف سجاد حتى هو كلش ضاج بس شنسوي رحت صعدت للغرفه علمود احضر غراضي سمعت صوت الباب نقفل ستغربت درت وجهي واشوف سجاد شهكت
