ياطير المحنه هم سمعت بطير
ماهزه الحنين لديرته وعشه♥️😩
➖➖➖➖➖➖➖➖➖➖➖➖➖➖
ريــم *
صار يومين من رجع فهد وجدي سوه عزيمه وذبايح وناس طابة طالعه علينا واكيد فهد يستغل الوضع بحجه اريدها تنضفلي الجرح ويدلل كانو طفل ..
الساعه 1:45 ظهراً
كاعدين بالمطبخ اني والبنات والابتسامه متفارگ وجهنا من رجع فهد لحد هسه كلنا مبتسمين وفرحانين الولد و الكبار بالديوان جاي يتحمدون لسلامة فهد جاي نسولف ودخل سجاد وهو عاكد حواجبه وكال
سجاد : بضوجه هذوله غير يرحون كلساع جاين دوخوني يله حضرو جاي وماي
ريم : ضحكنا عليه لان مبين ضايج منهم حضرنا الجاي والماي بالصينيه واطيناه وره فتره من الوقت دخلو الولد والكبار جانو احمد ومرتضى ساندين فهد كعدو على القنفه رحنا سوينا عصير حطيناه بالصينيه وديته الهم وخاصة فهد كلش زين اله هيج نوع من العصير سويتله وحد عصير برتقال والباقين ليمون ونعناع كلش طيب اخذه فهد مني وهمسلي
فهد : بهمس شويه وصعدي فوك بغرفتي
ريم : ضيقت عيوني وجاوبت بنفس الهمس تمام
ابتسم على شكلي واني رديتله الابتسامه رحت وديت الصينيه للمطبخ ورجعت كعدت يمهم شويه فهد وترخص كال لسجاد يسنده اشرلي بعيونه اصعد وراه باوعت مرت عمي وكالت
ام احمد : يمه ريمه صعدي وره زوجج اخاف يحتاج شي
ريم : تمنيت الكاع تنشگ وتبلعني كلهم التفتو لجهتي صرت حمره من الخجل هزيتلها راسي بخجل ورحت ركض سمعت صوت ضحكهم صعدت فوك سجاد جان رايح دخلت للغرفه جان متمدد وحاط ايده على عيونه كلت اجيت
فهد ؛ اعرفج من عطرج
ريم :ابتسمت رفع ايده عن عيونه وكلتله شلون صرت
فهد : الحمدلله حبيبي تعالي
ريم : فتحلي ايده نزعت الشال و رحت نمت على ايده حضني وباسني من راسي وشم شعري وكال
فهد : ريمتي
ريم : هممم
فهد : نتزوج
ريم : رفعت راسي من صدره وهو حط ايده على خدي ومسح بابهامه على خدي وكال
فهد : بعد ماتحمل اريد اصبح بوجهج وامسي بوجهج اريد اتزوجج حتى اذا استشهد اكون مرتاح واني مسجلج ب
ريم : حطيت ايدي على حلكه وكلت ديربالك تعيد هيج حجي احنا راح نتزوج ونعيش بسعاده تمام واذا على هسه نتزوج باس ايدي الي على حلكه بعدتها وهو كال
فهد : صدك ريمتي
ريم : هزيتله راسي وبسته بخده حضني قوي وكال
أنت تقرأ
عشــك ابــن الـــعم
عاطفية᷂أنـتَ ᷂دائــماً ᷂هنـا ᷂ في ᷂عيوني ᷂وبين ᷂رموشي ᷂ وعلى ᷂اطراف ᷂اصابعي ᷂ وأكثر ᷂عمقاً ᷂في ᷂قلبي ᷂ أتضن ᷂ان ᷂المسافه ᷂تغلبنا؟ • القصة خيالية عشــــك ابــن الــــعم بقلمـــي انـــا ؛ Malak
