Buhay ng Isang Guro
Sa umaga ay kailangan kong gumising ng maaga
Kahit tulog pa ang mga anak ko ay handa na
Iiwan ko na naman sila sa bahay na hindi ako kasama
Dahil buong araw ako ay laging sa eskwela
Pagdating namin sa apat na sulok na silid aralan
Hatid namin ang solidong kaalaman
Upang ang utak ng mga estudyante ay punan
At balang araw ay kanilang mapakinabangan
Iniindang pagod ay kailangang tiisin
Mahabang pasensya ay kailangang pairalin
Lalo na sa mga ulong tigasin
Ang kanilang mga maling gawa ay kailangang punain
Oras ng pagtuturo ay mas mahaba
Kesa sa mga anak ko na dapat ako mag alaga
Kulang ang oras ng pag aaruga
Kaya minsan may oras ako ay napapaluha
Maghapong magsasalita sa unahan
Tapos minsan mga estudyante mo pa ay mag chichismisan
Minsan magagalit pa kapag pinagalitan
Ang gusto nila ay sila ang pakinggan
Guro mo ay kailangan mong galangin
Dahil di mo maaabot ang pangarap mo kung hindi sa amin
Pag uugali na pinapakita mo ay sa amin sumasalamin
Kung paano ang isipan nyo ay aming hubugin
Guro ang syang pangalawang ina
Titiising mawalay sa kanyang pamilya
Magabayan lang tayo at maituwid ang baluktot na linya
At wag nating abusuhin ang kanilang mahabang pasensya
Kaya lahat ng guro ay kailangang irespeto
Dahil sa kanila tayo unang natuto
Kung paano magbasa,magsulat at pati sa pagluto
Kaya sa lahat ng mga guro, ako ay SALUDO.
BINABASA MO ANG
Mga Tula ng Feeling Makata
PoetryMga tula ng isang feeling makata. Walang iba, ang may akda.