وهل تغفري لهم؟

البارت الاول

#وهل تغفري لهم؟

بقلمي
اميرة العَلي

بسم الله نبلش:

اني اسمي در من محافظة البصرة اعشق شي اسمه رسم احب الرسم كلش هواي
عايشة وي امي وابوي واخواني ثنين وعندي اخت اكبر من عندي بسنه

عمري حاليا 26
عايشنة كلنا ببيت ابوي وعمامي ال 4
بيتنا كلش جبير بالاضافة الي بيبتي ام ابوي عايشه ويانه
حياتي جانت خالية من اي شي
حياتي طبيعيه حالي حال اي بنيه تعيش ويه اهلها

تبدي قصتي من عمر 17

جانت الموبايلات توهه نازله

در:بابا جيبلي موبايل فدوه اتلهه بي

عمار :لا بنتي عوفي الموبايل مو زين والله يدمرج

در:حباب بابا فدوه الله يخليك والله كلشي ما اسوي بي

عمار:لا بنتي والله مو زين اكبري شوي وانا اجيبلج جهاز الي تردينه

طلعت من الغرفة ورجعت للغرفه الثانيه كعدت ادرس وجان كلشي طبيعي

شوي ودخلت علي امي

غفران:يمه در كومي وياي اسوي العشا لان كلهم جاعو ونسوان اعمامج جاي يخبزن

كمت  وياهه ورحت كشرت الباذنجان وسويت الزلايط وحطيت مخلل بكاسات

طبعا هذا قانون عام مستحيل مايمر يوم اذا ماكو خبز حار بي
حته ع الريوك. يخبزن

جهزنه العشا ومدينه السفرة وكعدنا كلنه ع السفرة

كلمنه اكل وكمنة حته نغسل المواعين

فجئة سمعت صوت صياح زلم برة
طلعت لكيت ولد عمي واحد يكفخ بالثاني
طلع ابوي وعمي وعمي الخ يركضون

عمي سطر ابنه وكال

:شبيييكم انتم مو زلم مشوربة والله ياحسافه عليكم اي والله

دخلوهم للاستقبال حته يفهمون شصاير وياهم

در:عفت المواعين الي بايدي ورحت حته اسمعهم لان كلش فضوليييي يقرة الف

وصلت يم الباب بس جلن صوتهم بعيد ممفهوم شي

صار ابوي بوجهي فتح الباب وجان وجهه ابدا ما يبشر بخير خفت كلش كلت اكيد صاير شي ياربي سترك والله مابينه حيل هبطات

راح ابوي للغرقة ودخلت وراه
عمار:اطلعي واقفلي الباب وراج بسرعه

در:تعجبت من كلامه ليش هيج يحاجيني شسويت انا

طلعت وسديت الباب
واني حيرانه اريد اعرف الصار اول مرة ابوي من يحجي مايياوع بوجهي ولا يياوع لعيوني ماتعودت علي هيج

طلعت وصعدت ع السطح اشم هوه وسعدت قراشي وياي لان جانت الكهرباء مموجودة

نزلت اخذت مي بطاسة ورشيت المكان وجبت الفراش مديته ونمت وبقيت صافنه ع السماء وشلون القمر موجود من بيها لوحدة والنجوم تحيطه منا ومنا