وهل تغفري لهم؟

البارت الثالث

#وهل تغفري لهم؟
بقلمي
اميرة العلي

الدكتور: عيني هذا حكم الله ولاتعترضون عله حكم رب العالمين

البنيه ماخذة ضربة عله راسهه قوية واحتمال تدخل بغيبوبه
راح نخليها تحت المراقبة واذا تحسن وضها راح نبغلكم
الله يشفيها يارب ماعدها غير العافية

عمار:كلي هيج واني تخبلت ماعرفت شسوي واني اشوف زهرة شبابي كدامي هيج واني ماكدر اسوي شي

مرة فتره وطلعت درَ من وضعها الحرج بس جانت شبه فاقدة وماتريد تشوف احد

درَ: من بعد ماكعدت ولكيت الكل يمي واتذكرت الصار تدهورت حالتي وكرهت نفسي وكرهت كلشي بية ورفضت اشوف اي احد

ليش ياربي ليش هيج صار بيه والله اني ماغلطانه بشي

سوالي ابوي ورقة الخروج واني كاعدة بالردهه ووياي نسوان زجه الممرض شلع الكانيولا من ايدي وسجل ورقة الخروج ورجعنه للبيت

لكيت نسوان عمامي والولد وامي والبنات كلهن واكفات بالساحة مال البيت ووجهن تذب الوان

بقيت واكفة ومانطيت اي ردة فعل

زمخ بيهن محمد

:كومن سلمن تحمدن ع السلامة صافنات شمالجن !

عاد هنه هنا بدن وحدة وحدة تدنة وتسلم عليه بس مايتقربن من عندي كلش من بعدين ويمدن راسهن

عفتهن ودخلت للغرفه كعدت واني احاول اتذكر الي صار واني شنو هسة معقولة ابوي راح يذبحني لان هيج صار

لفيت راسي ونمت واني مقرفصة روحي ونافية كل الافكار من راسي

شوي ودخلت سبات نوم عمييييق،،،،،،،،

فزيت عله ندغات بضهري التفت لكيتها مرة عمي

فزيت مخروعة
درَ :انتي هيييي شبيج هوه هيج الي يكعدونه من النوم

عفتهه وطلعت غسلت وجهي وفرشت اسناني
ونزلت للاستقبال

دكيت الباب جان ابوي وعمامي و ولدهم الكل كاعد

وكانهم ده يحضرون لشي بس شنو الله يعلم مايخفونه بصدورهم

كعدت عله حافة الكرويته واني مدنكة راسي

محد حجه شي كل الانضار جانت علي وعله ابوي

فززني صوت عمي