وهل تغفري لهم؟

البارت الرابع

#وهل تغفري لهم؟
بقلمي
اميرة العلي

فجأة اجتني صفعه عله وجهي من هذا الخيال خلتني
اصحى والكه نفسي عله السجادة والي تبين لي انو اني جنت احلم
بس شنو هل حلم!

كعدت مرعوبة ولفلفت نفسي بالأيزار وبقيت انود

مرة اسبوع عله هل حاله واني بين الواعيه وبين المخبلة
عقلي مو براسي مادري شسوي كل وكتي بالغرفة وعيوني مغوركة دموع بعدت عن الكل وماكمت احجي وي احد

بقيت بالغرفة بدون ما اختلط وي احد لو اخذ وانطي

فارشة السجادة واني ابجي واشهك وبس الله هوه الي راح يريح بالي

مادري وصلت ليا مرحلة من الحب

معقولة اني لهاذي الدرجة حبيته؟

معقولة وصلت للمرحلة الي خلتني احبة لدرجة اتقرب من رب العالمين علمودة!

زين اني ليش جنت بعيدة من ربي طول كل هل فترة وليش هسة يلة رجعت لربي

معقولة هوه السبب الي خلاني التفت لنفسي واشوف اني شكد مقصرة وي رب العالمين

بقت هاي التساؤلات كلهه براسي ومادري عن جوابهه شي

فكرة تاخذني وفكرة تجيبني واني عقل ماضل براسي

فززني من صفنتي صوت رسالة

اخذت الجهاز لكيته صديق امير

🗯️درَ موجودة!

:اي موجودة اتفضل؟

🗯️درَ بس حبيت اطمنج امير بخير هوه بالعمليات وفقد يمنته(ايديته اليمنى)

ماجانت الكاع شايلتني عله كد الفرحة مو مستوعبه الي شفته
معقووووووولة!
معقولة ياربي بهل سرعه رجعلي اميري وروحي وكلشي بالنسبه الي
ياربي ماعرف شلون اشكرك والله خجلانة من تصرفي كل هل سنين واني مقصرة وبس رجعتلك اسبوع رجعلتي ححياتي كلها

بقيت استغفر ربي واتشكر من عندة واني الفرحة ماشايلتني وعيوني تبجي دموع الفرح والحزن سوة نزلن

كمت لميت السجادة ودخلت للحمام ترشرشت ورجعت للغرفة بقيت كل وقتي فوك ابدا ما انزل جوه
مرات انزل بليل من الكل يدخل للنوم

انزل اكل شي وارجع للغرفة

رحت للقران وبقيت اقرة واتمعن بالايات القرانية
وبالكلام وبالحركات وبالترتيب

اول مرة اوصل لهاذي الدرجة من الراحة
مجرد ما افتح القران ينشرح صدري واصير اشوف كلشي حلو
حته الاشياء لمو حلوة كدرت اتأقلم وياهه واتعايش معها بكل بساطة

من يوم الي صديق امير كلي امير بخير اني ماتركت صلاتي ولا ثانيه
بقيت ايشي يصيرلي التجئ لصلاتي بدون وعي