وهل تغفري لهم؟

البارت الخامس

#وهل تغفري لهم؟

بقلمي
اميرة العلي

*-------*
باوعتلي امي بمعنى روحي اصعدي فوك

صعدت ورحت رتبت ملابسي بلخانة وطلعت الاشياء الي ما اريدها

وبديت انضف بالعرفه

خلصت كلشي بأيدي ونزلت الملابس جوة وعطرت الغرفة وسديت الباب

اخذت موبايلي ورحت ع صفحة امير

لكيت مسج من عندة

🗯️ها بوية شلونج!
اكلتي؟

درَ :الحمدلله انت شلونك،،،اي الحمدللة اكلت

رأسن طلع نشط
بقينه نحجي شوي بس ابد ماجاب طاري الحب
ولا الكلام الي حجاه

كال راح اتصل عليج شوي واسدة اريد اروح انام

درَ:لا لتتصل ماكدر احجي بالاتصال ابقى اتلعثم

امير:خوش براحتج،،،تصبحين عله خير درَ!

اهلا وانت من اهل الخير

نزلت لامي اشوف شمسوية غدة

لكيت عمامي وده يحضرون والدنيا مكلوبة

رفعت شعري كعكة وسئلت عمتي

درَ:عمة شنو شصاير!

:روحي كلي لامج تكاج شصاير

عفتهه واني ممرتاحة للوضع يربي شعدهن هذني

:يما يماااا وينج تعاييي

غفران:هاي شتردين"

درَ:يمة ياهية العروسة
واني المن اخذتوني الصبح وياكم بصفتي شنو ماجاي افهم ترصرفكم هذا وياي!

:باوعي درَ العروس انتي يعني انتي راح تصيرين مرت محمد والامر محسوم ومطبوخ وانتي بعد بس تضوكينه اي اعتارض ماكو فاهمة لو لا
اني مابيدي شي اسوي روحي لابوج

وها تصرف منج غلط يدفنونج بكاع البصرة ومحد يعترف بيج

امشي وياهم عدل هذولي مو مال تلاهدينهم فاهمة

عافتني وراحت

جان الكلام يتوجه الي بشكل سجاجين وتنغرس بصدري
الشعور ماكدر اوصفة حسيت روحي راح تنوخذ من عندي

شسوي ياربي

صعدت للغرفة ركض واخذت الجهاز اتصلت بامير

مادر علي
اتصلت علي مرة ثانية جاوب

حجيت وياه واني كووووة اجر النفس واحس نفسي بعد ماسايعتني

:اميررر الحكلي فدوة ابوي راح يزوجني لمحمد اميرر ماريده مارررريدة اميري تعالي والله ماريد اخذ واحد غيرك

جان يحجي ع السريع ويريد يفهم الصاير من عندي

:در در هدي شوي شوي اهذي نفس واحجي عله كيفج شنو شصاير شنو يزوجج انتي بعدج صغيرة مو حمل مسؤلية وزواج