أنت تقرأ

..." الين iline "... {اللهجة الجزائرية}

Random

تتحدث عن وقوع فتاة بحب مختطفها الذي دمر حياتها في يوم واحد ... تابعو لتفهمو # بقلمي ممنوع سرقة افكاري 🚫 قراءة ممتعة ❤️

#حب #مافيا

~°°..1..°°~

147 6 0

بواسطة Narintznasni

بقلم Narintznasni

في ڨاراج كبير خالي فوسط غابة... معلق من يديه بلحبل و يصرخ بضربات لي يضربوه حتى خلاو اثار ضرب في ظهره.. و محاوطينه رجال لابسين كامل الاسود كامل طوال و خشان
عبدو : و دروك مش راح تحكي ؟
هز براسه لا زاد ضربه ضربة أقوى من لي قبلهم لكرشه
سعيد : ااااه ..
عبدو: مش راح تحكي ياك
سعيد : لا ..
يهدر و يلهث
عبدو : اقتلوه
اشار للحراس تاوعه باه يقتلوه ، جبد لحارس تاعه مسدس من جيبه و وجهه ليه
سعيد : خلااص خلاص راح نحكي .. قله ميقتلنيش
عبدو اشار بيده للحارس باش ينزل مسدسه
قرب عنده عبدو و حكمه من تريكوه
عبدو : قول شكون .. خف قول معنديش نهار كامل ليك
سعيد : مليك .. مليك رحماني
وساعو عينيه مدهشة كيفاه مليك شريكه فهاد لخدمة خانه و سرقله نص منتجاته تاع مخدرات
عبدو : هيا تحركو نروحو لدارو ولد ###$$##
جاو خارجين كامل و مسلحين عبدو معول باه يقتله
_ موسيو و هاذا نخليوه هنا معلق
ايهاب : فكوه ..

في دار اخرى وسط مدينة دار صغيرة و شابة وسط حديقة بالورد و بيسين صغيرة
ناضت على صوت منبه شافت ساعة 9 تكسلت بيديها و ابتسامة بريئة مرسومة في وجهها دخلت لدوش دوشت و خرجت نشفت شعرها و ليساته و عملت ماكياج خفيف و لبسة لبسة شابة باسكو ليوم عيد ميلادها حبت تزين روحها شوية ، بعد ماكملت راحت للكوزينة طيبت لقهوة و دارت باتيسري بزااف بنين و زينتها و حطتها فطابلة حتى تسمع صوت موراها دارت لقاته خوها
الين : اووه هاو ناض سي خونا
مليك : صباح لخير
شاف طابلة معمرة بلماكلة و لڨاطو شي باتيسري و لفاكية و لحلو و لقهوة ....
مليك : اوه ليوم طابلة راها معمرة
تم تم تنارفات كي قال هاك اكيد نسا عيد ميلادها
الين : كيفاه هاذي طابلة معمرة نسيت واش كاين ليوم
مليك : واش كاين ؟
رفدت مغرف كانت قدامها و رماتها عليه و هو بعد مزيا مجاتش فيه 😂
مليك : ههه خلاص علابالي عيد ميلادك و تقفلي 20 كبرتي يالقردة ههه
الين : افففف حسابلي نسيت ، والله غير نقتلك
مليك : هههه عيد ميلاد سعيد عقبة لمئة عام نشالله
راحت عنده و عنقاته
الين : تعرف نتا احسن اخ فهاذ دنيا كل .. ملي توفات ماما و بابا الله يرحمهم نتا كنت لي كلش نتا مشي غير خويا نتا بابا و ماما و ختي و صديقي كلشي نتا هو سند تاعي فهاذ دنيا
تبسملها و عينهم تجمعو بدموع
مليك : ههه خلاص دورتيهالنا دراما
ضرباته لكتفه ضحك عليها مبعد جبد اسوار تاع فضة بزاف شباب و لبسهلها في يدها
الين : ياااا شحال شباب مرسي
مليك :كادو خفيف تاع عيد ميلادك بصحتك
الين : يسلمك ، هيا نتقهواو
جلسو كي جات تقطع لڨاطو سمعت صونات لباب
الين : نروح نحل بلاك صحبتي ولا جات ، متخربش فلڨاطو ههه
مليك : صحا ههه
راحت تحل و هي تضحك غير هي حلت لباب واحد بلعلها فمها و دخلها و دخلو لي معاه و قفلو لباب
الين : اااع .. شكون نتوما ... مليييك
عبدو : بلعي فمك ... شغلي مش معاك.. مليك وين ؟
خرج مليك يجري كي سمع عياط خته
مليك : عبدو واش دير هبلت
عبدو : ربطوهم
ربطوهم على كرسي و هما يفارعو فيهم و يصرخو
مليك : عبدو واش تحتاج شغلك معايا فك اختي خليها تروح
الين : مليك شكون هاذو ...
عبدو : بضاعتي وين راهي ؟؟
مليك : اما بضاعة على واش تحكي نتا ؟
عبدو : مليك متلعبهاليش نية مع لهبال .. سلعة تاع لادروڨ نتا سرقتها وين درتها ؟
الين : مليك واش من لادروڨ شاراه يهدر شكون هاذو قووول ...
عبدو : قولي وين ؟
مليك : ف مصنع تاع سي سالم
عبدو : تعرف مليك نتا اكثر واحد كنت داير فيه كونفيوس متوقعتهاش منك و نتا تعرف مليح لي يغلط معانا واش يصراله
الين : يا #### فكنا فكنا واش حاب ديرلنا ياخي قالك وين راها فكنا ...
عبدو قرب على الين و عدا يده على خدها و هي بعدت بسرعة وجهها
مليك : بعد عليها يا $### بعددددد
بقا مليك يحاول يفك روحه و يصارع مع لكرسي خاصة كي شاف عبدو يمس في خته باغي غير يفكه و يقتله
عبدو : خسارة عندك ختك كي لوردة منيش عارف واش راح دير من موراك ...
الين : بعد يديك لموسخين عليا ..
مليك : يا##### واش تحتاج قتلك وين راها سلعتك فكنا و نتفاهمو خلي ختي بعيدة
جبد عبدو سلاحه و وجهه لايهاب
الين تهدر و دموعها ينزلو كي شلال
الين : واش دير نتا ... مليييببك خويا
عبدو : ههه هيا كلمة اخيرة لخوك ؟
مليك : الين تعرفيني شحال نحبك سمحيلي كنت مضطر باه نخدم معاهم ...
الين : مليك متهدرش هاك دوك يفكنا ...
فكنا يا #### ..
قعد عبدو يتفرج مع دراما تاعهم و يشوف فالين تتوسل ليه باه ميقتلهش لكن معامن تهدر مع شخص مكانش رحمة فقاموسه عنده لقتل كيما كي تقتل نملة .. قوصه عبدو و الين بلوكات تشوف فمليك دم ينزف قعدت تبكي و تحوس تفك روحها من لكرسي
الين : ملييييييييك نوض خويا نووووض واش درت نتا قتلت خويا.. راح تخلصها غاليا صدقني
تبسم عبدو باستهزاء
عبدو : فكوها و ديوها لدار تاع لمزرعة منقدوش نخليوها هنا بسرعة خفو بلا مايشوفكم حد ..
خرجو كامل و خرجوها هي تاني
الين : واش ديرو طلقوني وين اخذيني
تهدر و تبكي دموعها ينزلو مع لكحل عينيها
عبدو : هيا ياروحي راح تروحي لداري
ركبوها فسيارة عبدو
عبدو : خلاص نتوما روحو شوفو منتجاتي فلمصنع و ردوهم لمصنع تاعي منقبل حتى غلطة
ركب عبدو طونوبيل شاف فيها تبكي و عينيها محوطين بلكحل و شعرها مطلوق
الين : سيبني الله يحفظك خليني نروح عند خويا بلاك يتعالج بلاك ماماتش
نوض لوطو و قلع هبلاته ڨاع طريق تبكي و تحلل فيه لكن والو ..

نهاية بارت 1 نشالله يكون عجبكم 🥰 خليولي رايكم في تعليقات