يتمشى بسرعة مش معقولة حتى شدت قدامها
الين : بلعقل حاب تقتلنا
تبسم على جنب و زاد فلفيتاس
الين : بلعقل قتلك نتا مهبول ؟
عبدو : واش بيك تخافي ؟
قعدت ساكتة تخمم لازم تفكر بطريقة باش تهرب شافت فيه مبعد حلت لباب لكن مغلوقة سبت روحها في نفسها
عبدو : صايي كرهتي بعدا حابة تنزلي
الين : ...
وصل كمال لقصر تاع حسين ڨارا طونوبيل و نزل نحا نواضره و دخل لقاهم قاعدين فصالون حسين غير شافه ناض
حسين : اووه هاو جا شريكي تفضل واش راك
كمال : لاباس بخير و نتا
حسين : الحمد لله
فريدة : ايه انا نخليكم تهدرو فراحتكم ...
هز راسه ايه و قعد
حسين : ايه واش كاين غي لخير
كمال : سمعت بلخبر لي صرالكم
حسين : واش من خبر ؟
كمال : لادروڨ تاعكم سرقها مليك
حسين: اييه هداك شغل تاع عبدو ياخي راك عارفه.
كمال : لمهم انا مكان مادخلني فشغله بصح جيت على طفلة لي راه خاطفها
حسين : ايه قال يحتاجها فخدمته ...
كمال : قَلُّو عليه لبنات راح لهاذيك
حسين : علاه تعرفها ؟
كمال : شوف حسين طول هاذ لوقت كنا صريحين مع بعْضانا و دايرين كونفييونص فبعضانا على هاذي راح نحكيلك كلشي و نصارحك
ركز معاه حسين و مع هدرته
حسين : واش كاين
كمال : هاذيك طفلة تكون بنتي
حسين : ... كيفااه !
كمال : ايه كيما سمعت ...
حسين : بصح كيفاه بنتك ياك نتا بنتك داليا
كمال : حكاية طويلة .. بصح الين تكون بنتي على هاذي غادي تعيط لعبدو و تقوله يجيبلي بنتي راح نديها معايا لدار
حسين : بصح نتا راك تعرف عبدو طبعه كي داير كي يدير حاجة في راسه مش راه يسيبها
كمال : راح ندي بنتي بكل هدوء منيش حاب ندورها بلمشاكل اذا بكل هدوء راح تقوله يجيبها دروك نديها معايا
الين : مزال مانوصلو ؟
عبدو : ...
قعدو. ساكتين بزوج حتى صونا تيليفونه
عبدو : الو ؟ ... واش كاين بابا
شاف في الين باستغراب و كمل يهدر معاه
عبدو : ياخي مكان والو ؟
الين شافت فيه
عبدو : خلاص دوك نجيو
قطع تيليفون و دور طونوبيل ولا مع طريق
الين : واش كاين ؟
عبدو : من وقتاش تدخلي فامور ماتخصكش
تنهدت الين و دورت راسها لزاجة تشوف فلمنظر تريح عينيها عارفة غادي تولي لهاذيك لبيت لمظلمة ڨاع لي حسباته راح ...
بعد ربع ساعة هاكا قاعدة تشوف فهذاك لقصر كبير و شباب
الين : وين جبتني ثاني ؟؟
ڨارا طونوبيل بلا مايرد عليها نزل و حلها لباب
عبدو : نزلي
الين : وين جبتني
عبدو : قلت نزلي
نزلت و شدها مذراعها
عبدو : هيا تمشيي
دخلها من هذاك لباب لكبير قعدت تشوف كلشي شباب فهذاك لقصر قابلوها زوج رجال يبانو كبار فسن مبعد شافت مرأة شابة و كلاس تاني تبان شوية كبيرة
كمال : الين !!
عبدو ستغرب هذا وين يعرفها
عبدو : سي كمال ..
كمال : هيا الين راح تروحي معايا
ناض كمال من بلاصته مشا عند الين شدها من كتفها باه يديها لكنها بعدت عليه
الين : سمحلي بصح شكونك ؟؟
حسين : شوفي بنتي راح تروحي مع هاذ راجل مبعد يفهمك واش كاين
عبدو : واش يفهمها واش كاين و حضرتك وين تعرف الين ؟
شاف فيه كمال
كمال : هيا بنتي و راح نفهمك كلشي
الين : شكون نتااا واش حابين من عندي مراحش نروح معاك ...
عبدو : هيا سي كمال ماتصعبش الامور محباش تروح
كمال : حابة تقعدي مع عبدو
هزت راسها بلا بسرعة
الين : لا لا طبعا مش حابة هو راه خاطفنيي ..
كبس عليها من ذراعها
عبدو : هيا راح نروحو
كمال : قلت ماعندها وين تروح حا تروح معايا ...
الين : يا بصح انا مانعرفكش
كمال : انا باباك ...
ستغربت الين واش يحكي هاذا
الين : واش تهدر نتا واش من بابا ...
كمال : مراحش تفهمي اذا ماقعدناش و حكينا هيا معايا
قعد كمال يهدر معاها يترجا فيها باش تمشي معاه محابش يخليها بين يدين عبدو راه يعرفه مليح واش يقدر يديلها
الين : انا بابا و ماما ماتو
حسين : كمال برايي مدلها شوية وقت
الين : واش من وقت . واش تحبو من عندي نتوما طلقوني خلوني نروح
عبدو : مكان وين تروحي قلت
بداو دموع ينزلو من عينيها
الين : ميكفيش انكم قتلتولي خوياااا باغيين تزيدو تعذبوني انا ...
كمال : خلاص هيا معايا بنتي ساعفيني
حسين : راني قتلك خليلها لوقت كي تحب تجي انا نوصلهالك بيدي ثيق فيا
تنهد كمال جا خارج مبعد دار شاف في عبدو و كمل خرج برا راح بطوموبيلته
عبدو : هياا
جات خارجة الين برا تجريي
عبدو : الييييين
حكمها من ذراعها
عبدو : ويين رايحا
الين : بعد علياااا
فريدة : خلاص عبدو طلق طفلة خليها تروح
عبدو : يما طفلة راها شاهدة كي قتلت خوها حابتني ندخل للحبس
فريدة : و هي واش ذنبهاا علاه راك تعذب فيها
الين : قتلك مراحش نخبر شرطة
حسين : علاه مرحتيش مع باباك
الين : قتلك بابا ماات
حسين : بصح هاذوك مش والديك الحقيقين هاذوك غي رباوك
تشوكات الين ملي يحكيوه
الين : لا لا هاذوك والديااااا
عبدو : خلاص هيا نروحو
جرجرها من يديها و خرجها برا لطونوبيل فتحلها لباب
عبدو : هيا اطلعي
رفدت يديها و ضرباته كف كبس على ذراعها
عبدو : طلعي فدار نتفاهمو
دفعها و بلع لباب و هو طلع و قلع يجري لدار
# iline
# abdou
أنت تقرأ
..." الين iline "... {اللهجة الجزائرية}
Ngẫu nhiênتتحدث عن وقوع فتاة بحب مختطفها الذي دمر حياتها في يوم واحد ... تابعو لتفهمو # بقلمي ممنوع سرقة افكاري 🚫 قراءة ممتعة ❤️
