وصلو لواحد لفيلا جاية مصنوعة بالخشب بزاف شابة لكن تبان شوية قديمة فوسط غابة خالية ، مشا جيهتها حل لباب
عبدو : نزلي
الين : واش حاب مني علاه جبتني هنا ؟
عبدو : قتلك نزلي منحبش نعاود لهدرة
دورت وجها وقعدت تبكي
حكمها من ذراعها و نزلها بالغصب و قعد يجرجر فيها و هي تفرفط بين يديه
الين: طلقنييي . ... نحي يدك عليا يا ####
دخلها للفيلا و هي غير تبكي مبعد وصلو لواحد لبيت تبان قديمة بزاف حل لباب شافتها جايا خاوية فيها غير سرير و طابلة صغيرة قعدت تتفرج فلبيت و تبكي
الين : وين جبتني ... واش راح دير ؟
عبدو : راح تكوني عندي ضيفة يمات بيلاما يتسڨد لوضع 😏
يهدر و يستفز فيها
الين : واش من ضيفة تتمسخر بياااا .. شوف نحي يدك علياا و خليني نروح خير مراح تندم صدقنيي
عبدو : شوفييي راح تعدلي كلامك معايا احسن ما تشوفي وجهي ثاني ..
قعد يهدر و ينخض فيها من ذراعها
الين : بعد يدك راك توجع فياا ..
عبدو : مزال ماشفتي الوجع تاع صح
ضربته بكف طول جهدها
الين : ### نقش
لز على سنيه ضربها كف اخر و حكمها من شعرها
عبدو : راكي مزال متعرفي ز## .. اذا زدتي رفعتي يدك مرة اخرى متتخيليش واش نقدر ندير فيك سمعتيي ...
الين : نتا احقر واحد شفته لحد ليوم كيفاه قدرت دير هاك قتلتلي خويا .. خليني نروح الله يخليك حابة نكون مع خويا على الاقل في جنازته
عبدو: ايه باش تروحي عند الشرطة طول
هزت براسها لا بسرعة كانو عندها امل باش يخليها تروح
الين : لا لا لا والله مانقول لحد خليني نروح
دار للباب و خرج قفل لباب وراه بلمفتاح خلاها غارقة في وسط دموعها
قعدت تدق فلباب
الين : حليي لباب الله يخليك خليني نرووح
قعدت فالارض و تدق فلباب دموعها ينزلو كي شلال امنيتها الوحيدة دروك يكون كلشي حلم و تفيق منه
في قصر اخر
قاعد فلكرسي قدام لبالكون في يديه كاس قهوة يشرب و يستبن فيها ، يشوف فالمنظر تاع برا من لبالكون ، حتى يسمع لباب تحلت دار يشوف لقاه عبدو
حسين : هذا نتا
عبدو : ايه .. راني جبتلك خبر يفرح
حسين : ايه هاكا نبغيك كي تجيني بلخبار لحلوة... ايا قولي هاذ لخبر
عبدو : راني لقيت شكون سرق منتجاتنا
ناض بسرعة من لكرسي
حسين : شكوون .. قلي شكون هاذ **** نقتله
عبدو : خلاص بابا راني فريتها و قتلته و عرفت مكان المنتجات راحو رجالنا يجيبوها
تبسم حسين يفتخر بولده
حسين : مليح ، شكون هاذا بصح ؟
عبدو : مليك
حسين : كيفاه مليك مشي كان شريكك كيفاه خانك
هز بكتافه مش عارف
عبدو : لمهم راه قالي مكان المنتجات لي سرقهم و قتلته و خته راها معايا
فهذاك لوقت سمعت فريدة حديثهم لخر و دخلت للبيت عندهم
فريدة : عبدوووو .. عاود واش درت حبست طفلة بريئة ماعندها حتى ذنب بسبب غلطة تاع خوها
عبدو : يما ياخي هذا شغلي مش حابك تقعدي تحاسبي فيا
فريدة : وين درتها صحا ؟
عبدو : راهي فدار تاع المزرعة
حسين : لكان قتلتها
فريدة : زيد نتا تاني دعمه فهاذ لحكاية
حسين : فريدة قلبك لحنين هذا مش راح يخرجك صدقيني مش راح تنجحي فحياتك مدامكي كيما هاك ..
فريدة : لي تحبوه ديروه نتا طول عمرك مراحش تتغير تربيت على لقتل و حڨرة و خرجت حتى ولدك كيفك
حسين : شوفي مورالي راه طالع غايا روحي شوفي شغلك مش حاب نتقابضو
عبدو : خلااص حبسووو عليناا
_ يما لي قاله بابا صحيح مدامك تتمشاي بهاذ لقلب حتى حاجا مراح تصدقلك
فريدة : حتى نتا كيفك كي باباك راني رايحة و لي تحبو ديروه ديروه مش راح نزيد ندخل في شغلكم
حسين : ديري حاجا مليحة
خرجت فريدة و راحت لبيتها كارها عيشتها
حسين : خلاص نتا قتل علينا طفلة راح غي تعييك ..
عبدو : نو راها معيا قلت راح نحتاجوها فخدمتنا
حسين : ايا كيما تبغي ، مش رح ندخل فصوالحك
عبدو : ايا انا نروح
حسين : وين بيها ؟
عبدو : عندي شغل نكملو و نروح لداري نريح ليوم عييت
حسين : ايا اوكي
خرج ركب في لوطوته و قلع بيها
………… … … … … …. …. …. …. ….
قاعدة ف الارض ضامة رجليها لصدرها شعرها مطلوق شفايفها يبسو و عينيها ذبلو من لبكا ،طلعت يديها شافت اسوار تاع فضة تبسمت و جهها حمار مقدتش تشد دموعها بدات تبكيي و تلمس فالاسوار و تشوف فيه
الين : علاااه ... علاه رحت و خليتني علااه رحت تخدم مع هاذ ***
قاعدت تهدر مع روحها و تبكيي
الين : واش راح ندير انا بلا بيك مستحيل نقدر نكمل هاذ لحياة وحدي ... فالاول بابا راح مبعد ماما ....و دروك رحت نتاا. ...
زادت قوات فالبكية تاعهاا مامتقبلاش فكرة خوها راح و مش راح تشوفه مرة اخرى مش راح يدابزو مع بعضهم خوها كان الوحيد في حياتها كان ليها كلشي عوضلها الحنان تاع امها و تاع باباها ، في نهار كلشي تبدل حياتها ڨاع نقلبت بصح السبب الوحيد فهاذ شي هو عبدو حالفة تنتقم منه و مش رح تخليه يتهنا في حياته لكان تحس تخاطر بروحها لمهم دم خوها مراحش يروح فلباطل شافت لباب نحل ناضت تجري دخلت مراة تبان شوية كبيرة حطتلها بلا تاع ماكلة و قرعا ما
خادمة : موسيو وصا عليك قال بلي لازم تاكلي
قلبت عينيها
خدامة : نقدر نعاونك فحاجة ؟
الين : خليني نخرج و قوليلو هربت
خدامة : سمحيلي بصح مش قصدي هاك قصدي اذا تحتا....
قطعتلها هدرتها
الين : معنتها مافيك حتى فايدة خلاص خرجي
هزتلها براسها ايه خرجت و غلقت لباب بلمفتاح
شافت فلبلا تاع لماكلة رجعت لبلاصتها و قعدت تشوف فسقف
وصل لواحد بار ڨارا طونوبيل فلبارك و نزل غير دخل مع لباب موسيقى عاليا لبنات قعدو كامل يتفرجو معاه و هو داخل بكل هيبة و مامقيم حتى حد وصل عند لي كان يبيع فالمشروبات
عبدو : وااش صاحبي
ندير : واشتا صافا ؟
عبدو : والله لاباس و نتا
ندير : لحمدلله ، واش جيت تسهر ليوم ههه
عبدو : ههه لا جيت ***
ندير : ليوم راه كاين زلات هنا ههه
دار عبدو يشوف فلبنات تكسل فلكرسي مبعد تبسم ببرودة
عبدو : خلاص مش رح نحتاجهم
ندير : خلاص ستعقلت هه ؟
شاف فيه بنص عين
عبدو : علاه كي راني نبالك
ندير : تقدر تقول طايش
عبدو : صبلي كاس معاك متاع مداري
كبله رامي كاس تاع ويسكي لعبدو و بدا يشرب
جا جاي رامي ملباب حتى وصل عندهم
رامي : اووه شكون راه هناا عبدوو شرفت شرفت
ضحك عليه عبدو
عبدو : متحبسش تبهليل تاعك
رامي : واه باسكو نتا سيريو بزااف
ندير : امم عبدو سيريو مخالاش بجديته
عبدو : على الاقل مش كيما رامي فهباله
ندير : والله نتا هبالك ڨاع روحه
شرب عبدو لكاس دفعة وحدة و ناض
عبدو : خلاص خلاص هيا انا نروح
ندير : وين رايح مش رح نشوفولك طفلة ليوم تعدي معاها ليلة و الله انا راها معيا طفلة هذا زين هذي لاطاي مخلاتش
عبدو : انا راها عندي خدمة مبعد نڨسروو ايا تهلاو
ندير : خلااص مبعد نهدرو
رامي : ايه ماتشرب والو ؟
ندير : صبلي كاس نشرب
دخل لدار توجه ديراكت لعند الين للغرفة حل لباب و دخل لقاها قاعدة فالارض دايرة كرعيها على صدرها ضامة روحها تبكي شاف فلماكلة و قرعة تاع الماء ما خربت فحتى حاجة
أنت تقرأ
..." الين iline "... {اللهجة الجزائرية}
Aléatoireتتحدث عن وقوع فتاة بحب مختطفها الذي دمر حياتها في يوم واحد ... تابعو لتفهمو # بقلمي ممنوع سرقة افكاري 🚫 قراءة ممتعة ❤️
