دخل لدار توجه ديراكت لعند الين للغرفة حل لباب و دخل لقاها قاعدة فالارض دايرة كرعيها على صدرها و ضامة روحها تبكي شاف فلماكلة و قرعة تاع الماء ما خربت فحتى حاجة
عبدو : ماكليتيش ؟
قعدت ساكتة خايفة منه مبعد شافت في وجهه عينيه حمرين و قفت و قربت عنده تترجا فيه
الين : شوف الله يخليك خليني نروح و نوعدك راح ندير اي حاجة تحبها
تبسم بخبث و قرب عندها ريحت شراب سابڨاته
الين : .......
حط يديه على خصرها و قرب لوذنها همس
عبدو : يعني واش نحب
مبعد هود يده على مؤخرتها
نخلعت مل جاست لي داره دفعاته فصدره بسرعة و ضرباته بكف
الين بصوت عالي : اخر مرة تلمسني سمعتني
تهدر و موجهة صباعها ليه لز على سنيه حكم صباعها هذاك و بقا يدور فيه غادي يكسرهلها
عبدو : قادر دروك برصاصة وحدة نكمل على قسامك نزيفطك طول عند خوك
قعدت تهدر و تبكي
الين : تكون درت مزية كبيرة
عبدو : و بالنسبة باش نلمسك مش راح ناخذ اذنك نعمل فيك واش نحب
الين : نتا راك مزاال ماتعرفني واش نقدر ندير
ضحك باستهزاء
عبدو : خوفتينييي
الين : حتى انا برايي خاف مني
رماها على سرير و جا فوقها
الين : بععععد عليا يا ****
حكم يديها في زوج فوقها بيده و دخل يده ثانية تحت تريكوها حست بيديه باردين يمرر فيهم على كرشها قعدت تبكي خايفة يديلها حاجة
الين : خلاص بعد علياااا
قعدت تفرفط روحها تحاول تنوض لكن مقدرتش كان حاكمها مليح
عبدو : ريحييي معندك وين تروحي
الين : بعععععد
عبدو : واش بيك ؟ ... اييه راني نسنا نشوف واش تقدريي ديري هياا
الين : بعدددد
طلع يديه لصدرها قعدت تحس فلمسات تاوعه متخيلتش توصل لنهار كيما هاك عافت روحها و عافت بدنها
الين : نحيي يدك عليا ...
مزالت متعافرا معاه حتى فشلت و طاقتها كملت رخفت روحها مستسلمة و قعدت تبكي بصوت عيان
تبسم و ناض عليها ناضت تجريي
عبدو : مرة جايا ديري حسابك لواش يسناك اذا زدتي رفعتي يديك و هاذ لماكلة راح تاكليها بسيف عليك
الين : مش راه ناكل رهج تاعك
تحولت ملامحه للغضب و رفع صوته
عبدو : الين ماتعينيييش راح تاكلي و اذا رجعت و لقيت بلا كيما نخليه راح تشوفي حاجا خلااف
خرج و بلع لباب بلمفتاح طاحت فالارض تبكي و تندب عيات بزااف
مشا لبيته رما روحه و رقد بعد لعيا تاع ليوم
مع صباح :
بعد ماكملت ماكياجها زادت روج حمر بلعاته و حطاته طبعت بوسة فلهوا رفدت صاكها و جات هاودة مع درج تتمشى كي لعارضة لابسة غوب نواغ مزيرة تفاصيل بدنها كامل تبان مع طالون نواغ و ريحت بارفانها منتاشر في كل بلاصة محاوطتها
كمال : هاي جات بنتي زوينة
داليا : صباح لخير بابا
شافت في امها
داليا : صباح لخير
رانيا : صباح نور بنتي
كمال : وين بيها بهاذ لحطة
داليا : بابااا ياخي انا كول يوم حطة
كمال : ههه طبعا بصح ليوم راكي حطة بزيادة هاذي فيها حاجة
رانيا : اييه خلي بنتي صباح ربي قاعد ديرونجيلي فيهاا
داليا : خلاص خلاص انا ني رايحا بسياسا نهدرو
بعتتلهم بوسة بيديها
داليا : باي ..
ضحك عليها كمال
كمال : ياخي مهبولة
رانيا : اييه سي كمال سمعت بلخبر لي صرا لبارح
شرب سليم قهوة
كمال : واش صرا ؟
رانيا : هذاك عبدو ولد حسين ...
كمال : واش بيه
رانيا : لقا منتوجاته تاع مخدرات عند مليك سارقهمله
هو غير سمع اسم مليك شاف فيها بصدمة
كمال : كيفاااه !!!!
رانيا : واش بيك نخلعت
كمال : ياخي مادارله والو
ضحكت باستهزاء
رانيا : هههه و هذا سؤال طبعا قتله
نخلع بهدرتها مستحيل تكون هدرتها صحيحة
كمااال : لااا متمسخرييش علاش تجيبي لهدرة من راسك
رانيا : كيفاه نجيب لهدرة من راسي ياخي راك عارف بلي ام عبدو صحبتي تحكيلي كلشي حتى انها مكانتش مقتانعة بواش داره ولدها
وقف كمال من بلاصته متوتر
كمال : ياخي كانت عنده طفله خته وين راحت ؟
رانيا : اييه حقا و قاتلي طفلة خته داها عبدو قال راح يحتاجها فخدمته
ضرب كمال طابلة بيده
كمال : و علاه انا ماعنديش علم بهاذ لموضوع راح نهدر مع حسين
ناضت رانيا من كرسيها
رانيا : واش بيك تقلقت كامل هاك ، ياخي نتا خدمتك مع حسين مشي مع عبدو
كمال : انا المدير لازم اي خبر يوصلني انا الاول
جا خارج
رانيا : وين ماشي ثاني ؟
خرج بلا مايرد عليها ركب طونوبيلته و قعد يهدر مع روحه
كمال : لازم نخرجها مهاذ لحصلة مستحيل نخليها بين يديهم
حل عينيه على صوت منبه طفاه و ناض مسح وجهه بيديه باش يصحصح ، صبح راسه يوجع مشراب تاع لبارح ناض من بلاصته و دخل لدوش .. دوش مبعد خرج لبس سروال دجين كحل مقطع مع تريكو بيض و فيستا نواغ و رش على روحه بارفان قعد شوية هاك تفكر الين
عبدو : اففف بليت روحي بموصيبة
قاعدة فسريرها مغطية روحها حتى شافته دخل طلعت راسها و كملت سرحتها فسقف اما هو شاف لماكلة تاع لبارح كملتها تبسم على جنب
عبدو : الخوف عنده مايدير كملتيه لبلا
قعدت ساكتة و تشوف فسقف عيانة مش متحملا بسالته على صباح ربي
قعد قدامها فسرير بعدت لورا بسرعة ظهرها لسق مع لحيط
عبدو : مالكي مراحش ناكلك
قعد يتامل فيها فبشرتها بيضاا كي ثلج و عينيها نوازات اي ولد يشوفهم يطيح فيهم و شعرها رطب حرير و طويل حتى لظهرها جاي شاتان صفر و عندها جسد يهبل لاطاي تاعها تكتل
فاق من سرحته فيها
عبدو : اييه شانديرو ؟
الين : ...
شاف فيها ملفوق للتحت ثيابها كامل تمرمدة
عبدو : برايي نخرجو نتسوقو تشري ثياب ليك و تحوسي شوية .. ياخي شفتيني كي حنين و قلبي طيب رغم انك عيتيني لبارح و غادي نخرجك تحوسي
قعد يستفز فيها و يتمسخر بيها
قاعدة تشوف فسقف مش مقيماته ڨاع و لا كانه راه قدامها برودها ستفزه كثر
عبدو : ششت اي ني نهدر معاك
الين : ....
عبدو : الييين ..
الين : ....
عدا يديه على بشرتها يتحسس فيها
بعدت وجهها بسرعة
الين : بععد متلمسنيش
ناض عبدو من بلاصته
عبدو : هياا نوضي
الين : خليني مش حابة
عبدو : نوضي احسن ما نوضك بطريقتي
خزرت فيه نظراتها معمرين كره و حقد
ناضت من بلاصتها
الين : حاسب بطريقتك هاذي راح تملك دنيا
قرب لعندها
عبدو : دنيا خلاص ملكتها يمكن جا دورك نتي
تبسمت على جنب و شافت فيه ملفوق للتحت
الين : صدقني حالتك هاذي بزاااف تشفني
حكمها من ذراعها
عبدو : هياا نروحو
نحات يديها منه
الين : نعرف نمشي وحدي بعد
نفخ عبدو و قغدت تمشى قبله و هو موراها حتى وصلو برا لطونوبيل فتحله لباب و شاف فيها
عبدو : طلعي
طلعت فلوطو بلع لباب هي تبسمت
هدرت مع روحها : هذا اكيد غبي مخرجني داير فيا ثيقة... مراحش نضيع هاذ لفرصة
ركب هو تاني شاف فيها تبسم على جنب و قلع يجري .....
# iline
# abdou
أنت تقرأ
..." الين iline "... {اللهجة الجزائرية}
Ngẫu nhiênتتحدث عن وقوع فتاة بحب مختطفها الذي دمر حياتها في يوم واحد ... تابعو لتفهمو # بقلمي ممنوع سرقة افكاري 🚫 قراءة ممتعة ❤️
