යක්ෂ වයිෆි06
💜𝒜 𝒟ℯ𝓋𝒾𝓁𝒾𝓈𝒽 𝒲𝒾𝒻ℯ
එදා හෂ් රෑ වෙනකන්ම ගෙදර ආවෙ නෑ. නෙහදි හිටියෙ පුපුර පුපුර.
"තමුසෙ කොයිවෙලේ හරි ගෙදර එන්නම එපෑයැ හෂ්"
"තමුසෙගෙ නියපොතු ටික අද ගලවල අතට දුන්නැත්තම් මම නෙහදි නෙමේ"
නෙහදි නියපොතු ටික දකින දකින පාරට හෂ්ට බනින එක කරේ..ඔන්න රෑ එකොලහ විතර වෙනකොට හෂ්ගෙ කාර් එක එනවා ඇහුණා කෙල්ලට.. නෙහදිගෙ මූණෙ ඇඳුනෙ කුරිරු ටයිප් හිනාවක්. මොකද ඒ වෙනකොටත් කෙල්ල පලිගන්න ක්‍රමයක් සූදානම් කරල තිබ්බෙ.
වාහනේ ගරාජ් එකට දාලා හෂ් බැලුවෙ කාමරේ දිහා. කාමරේ ලයිට් එක ඕෆ් කරලා. හැබැයි මෙච්චර කලින් කෙල්ල නිදියන්න විදියක් කොහෙත්ම ඇත්තෙ නෑ.
"මම නොදන්නවැයි මේකි ගැන. පළිගැනීමේ පිකාසෝගෙ බාප්පගෙ දුව මේකි"
ඉණටත් අතක් තියාන යටිතොලත් හපාන කල්පනා කරේ උඩට යනවද නැද්ද කියලා.
"මේකි ලෑන්ඩ් මයින් එකක්වත් අටවලද කියන්ඩත් බෑ..ඒකට බැරි බඩුව"
"අඩේ කසාදයක් බැන්දහම ඉන්ඩ හිටින්ඩ තියන තැනත් නැතිවෙනවා..මේක මහ කුජීතයි. සිරාවටම කුජීතයි"
"හෂ් කොල්ලෝ මග හිටියත් තෝ නසී ගෙදර ගියත් තෝ නසී වගේ වැඩක් වෙලා තියෙන්නේ..කොහොමත් තෝ නසින එකේ පුරුස සත්තිය අරන් දකුණු කකුල පෙරට තියල යමං.. උඹට තර්ටි කෝටි ගොඩ් පිහිටයි පුතා"
විකාර දොඩව දොඩව හෂ් හොරෙක් වගේ ගෙට ආවේ කොල්ල ගාව තිබ්බ අමතර යතුරෙන් සද්දයක් ඇහෙන්නෙ නැති වෙන්න දොර ඇරලා.
ඊළඟට හීන් සීරුවෙ ශූස් දෙක ගලවල පැත්තකට විසිකරපු කොල්ල පඩිපෙලත් නැග්ග හොරෙක් වගේම. සුපුරුදු විදියට කොල්ල රූම් එකට නොයා ශේප් එකේ ගියේ අල්ලපු කාමරේට.
අල්ලපු කාමරෙන් බැල්කනි එකට ගිය හෂ් එතනින් එහාපැත්තෙ එයාගෙ රූම් එකේ බැල්කනි එකට පැන්නා. එහෙමම ජයග්‍රාහී හිනාවක් දාපු හෂ් ඇතුලට එන්න බැල්කනි එකෙන් රූම් එකට තිබ්බ දොර අරිනකොටම සිද්ධ වුණ දෙයින් කොල්ලට කෑ ගැස්සවුණා.
"අම්බෝ...හ් හ්ස්ස්ස්..."
කළුවරේ දොර ඇරපු හෂ්ගෙ හිසේ සිට පාදාන්තය දක්වාම නෑවිලා ගියේ අයිස් කැට පුරවපු කූල් වතුර බකට් එකකින්. මහ රෑ ඔලුවෙ ඉඳන් අයිස් වතුර වැක්කෙරෙද්දි කොල්ලට දැනුණෙ මුළු සර්වාංගෙම ගල් වෙලා යනව වගේ හැඟීමක්. ඒත් එක්කම අඳුරු වෙලා තිබ්බ කාමරේ විදුලිපහන දැල්වුණා. පපුව හරහට අත් දෙක බැඳන් කට කොණකින් මහ කුරිරු ගණයේ හිනාවක් දාන් නෙහදි බලන් හිටියෙ තෙමිච්ච කුකුලෙක් වගේ වෙවුලන හෂ්ධ දිහා.
STAI LEGGENDO
A Devilish Wife | යක්ෂ වයිෆි✔️
Storie d'amore"හෂ්..." "මොකද?" හෂ් අහන්නේ පුප්පන්. "මේ කටු ගලවනෝකෝ..." "උඹට ඕන්නම් ගලෝගනින්." හෂ්ධ කීවෙ කෙල්ලව සත පහකට ගණන් නොගෙන. "මට ගෙදර යන්නෝනෙ..." අඬන්න වගේ මූණ හදන් නෙහදි කියද්දි හෂ්ධ බැලුවේ රවලා. "මෙහෙට වරෙන්.. උඹනම් මාවම කන්න ආපු යක්ෂණියක්." කොල්ල බිම එරම...
