#أبتعد_عني_أنا_لا_أحبك❤️الحلقة7#
#خلي نرجعو للأحداث في الماضي#_
قبل 3 سنوات# نغم تقرا أولى تنوي..
نغم طالعة ف التنوية ...
واقفة قدام الباب تستنى في الباص روحو نص
المدرسة ف شوية طالبات...
واقفة وتتشبح خايفة الساعة 1:30 ومزال الباص مجا وفي بعض البنات اللي يمشو معاها مشو مع صحباتهم ع مهم قعدة هيا وتلات بنات يمشو معاها نفس الباص بس..
لبنات داخل قالولها يجي الباص قوليلنا وهي متوترة ...وتتشبح لي كل سيارة تفوت برا ...
شبحت سيارة كيا سودة مضلمة ومولع فيها أغنية بصوت عالي راب! والباين شاب فيها ولما وصل قدام المدرسة بدا يبطئ في السرعة!!
بس الموسيقى واصلتهم...
نغم تشوف بس خافت خشت داخل .. شوي مش هلبة
بس تفاجأت لما السيارة هدي درست قدام المدرسة!!!
نغم مشت طول للبنات الثلاتة قعدة معاهم خايفة وهكي ومكنش ف عشية المدرسة كلها صبح ف حارس للمدرسة .. عنده حجرة يقعد فيها عند البوابة كل مرة يطلع ويشوف روحو ومن قعد وهكي ويرجع لين تفضى المدرسة يمشي .. زعميته حارس ..
نغم تشبح للبنات ومتبيش تبين انها خايفة بس اطمنت لما جت معاهم!!
بسرعة !! الشخص اللي ف السيارة هدي نزل من السيارة وكان شخصية فريد من نوعه باين عليه غني ولابس حدايد منظره يخوف !!!
وجهه ونقشه حلو بس يخوف ..
يجي لحجرة الحارس ويكلمه ويطلع يعرفه!! بسرعة يكلمهم الحارس لبنات هادوم ويقوللهم انه الباص مش جاي وهدا ولد جابه راجل الباص عشان يوصلكم راجل الحافلة سيارته عاطلة !!! ولبنات هما بعاد وكل وحدة حوشهم بعيد ع مدرستهم ...
لبنات استغربو بس مع هدا عاجبهم اجو انهم يركبو مع شخص زي هدا حلو وشخصية ...!! بس مافكرو شن ممكن يدير فيهم او مش معروف.
ركبو لبنات التلاتة ونادو نغم؟
نغم: مبتش تركب وقالت لا لين قريب بكت وقعدت ساعة تقنع الحارس انه اهلها مايرضوش تركب مع شخص متعرفاش حتى راجل الباص اللي يرفع فيهم كبير ف العمر ويعرفوه المدرسة ويعرفوه كلهم ..،
لبنات يقنعو ف نغم انهم ح يوصلهم الولد كويس مش ح يديرلهم شي!! ...
نغم تشبح لي مالك .... بعد مانزل نظراته وتلاقو عيونهم بس يخوف شكله قلبها ينبض بسرعة مش اعجاب لا!!! بس خوف ..!!!
ونه نظرته الشخص هدا مش كويسة او زي هكي!!!
نغم لالا منقدرش ... بس اخر شي ركبو لبنات قالولها ان شاء الله عمرك ماتركبي خليك ف المدرسة بروحك!!!
بس مالك يتكلم بجدية ويقول اني مش طالع لين كلكم تركبو انتم امانة اماليكم وراجل الباص قالي كلكم نوصلكم شن نخلي وحدة بروحها ولا شنو؟
نغم: واخيرا اقتنعت شوية بس متقعدش بروحها فالمدرسة مع الحارس ...
علقل تمشي مع بنات... وركبت!!!!
طول الطريق ساكتين والبنات تلاتتهم مع بعض التالي والقدام مفيش حد ....
فاتتت نص ساعة ووصلو البنت الأولى وكانت هيا الأقرب شوي للمدرسة وفاتت ساعة وصلو البنت التانية واخر شي قعدت نغم!
البنت كل وحدة تعرف نعتة حوشهم ألا نغم! كانت تخرط ويطلع خطأ ... لين اخر شي قاللها يتصل ب راجل الباص يقوله النعتة وفعلا اتصل بيه وقاله وين تسكن وهكي..
نغم قاعدة تالي الكرسي وهيا خايفة وتقرا قرآن خايفة راكبة مع شخص ماتعرفه! والمشكلة كل مرة يشبحلها من مرايا نظرته تخوف وهوا مسرع السرعة ماشين ولع أغنية ... حب كل الكلمات تقول لي نغم !
نغم متوترة لين واخيرا تريحت وقت وصلو ل شارعهم وهيا تعرفه هكي اطمنت ... واتريحت ..
قتله نغم نزلني بعيد شوي توا نمشي برجليا قالتله هكي عشان مايحسبوش حاجة غلط
مالك كل مرة يشبح لي نغم ... كان متمتع بلحضات نظراته ليه ف السيارة!!!
نزلهاا وخلاها تمشي ع راحتها وتبعها لين عرف وين حوشهم ... بدون علمها
خلينا توا نرجعو لي قصة مالك ونغم ف الماضي ... توا نرجعو ل روايتنا وكل مرة نقوللكم حدث منها ...
.
.
في الحاضـر"
مالك: وهوا يفكر ف نغم ... وعيونه حمر يقعد يجري قدام شاطئ البحر ويهرول يحاول يشتت تفكيره ومايفكرش لين يعرق رغم انه صقع ... بس عرقان ووجه احمر ...
وهوا كل تفكيره انه ح يمتلك نغم ... بأي طريقة ... ح يخلي نغم ليه قبل لا تحب ميلود...
.
.
نغم: فتحت عيونها .. ببطئ وهيا تشوف لي سقف الغرفة ... تحاول تستوعب ؟ هي وين وشن خيرها ؟ بسرعة تلفتت... لي جهتها ل يمين شافت ميلود قاعد ع كرسي ومتكي راقد جنبها ...بطريقة عفوية باين عليه راقد عشوائي...
! تحاول تفكر شن صارلها .. بسرعة الأحداث اللي صارو جو ف تفكيرها زي السيناريو لي فلم ... سريعة ...
تنفست بقوة بعد مادكرت وقعمزت مخلوعة بعد مادارت صوت..
ميلود كيف غلبه النوم كان يستنى في نغم تفتح عيونها...
حس انه ف حركة وهوا اصلا رقد وهوا يفكر فيها فا فتح عيونه طول ... ووقف بردة فعل .. ! بدون ميعلم
نغم!! والأبتسامة ع وجهه تبين غمازته الرجولية!!
نغم: تشوفله وتشوف لي حالته عيونه اللي باين عليه مارقد .. وشكل وجهه تعبان هلبا !
نغم مركزة ف تفاصيل وجهه المتقونه والذايبة.. وخدوده الحمر ومنظره الخيالي .. وذايبه ف منظره...
وميلود من الفرحة يبتسم وخاطره يحضنهاا ..
نغم أبتسمت شكرا لكل شي
ميلود قرب منها وهوا مش مصدق انه هدي نغم العنيدة هكي تقوله وهيا حية مش ميتهة
....
نغم: ترمش عيونها بسرعة متوترة حركتها المعروفة لما يشبحلها ..
الدكتورة خشت عليهم .
الدكتورة: الحمد الله قدرتي تنوضي وحتى واقفة
نغم: أستاقضت لي روحها ولقت روحها واقفة!!
وقفت وهيا ماتندري وشكلهم هيا وميلود واقفين قدام بعض ثنائي رائع؛💗!
الدكتورة تشبحلهم الزوز وهيا تبتسم وتتكلم
" راجلك من أول أمس مرقدش ومتوتر وكل مرة يجي عندك ويستناك امتى تنوضي ... وحالته مش مستقرة بس فرحت لما نضتي بجد شكله تحبو بعض هلباا
نغم : تشبح لي ميلود بنظره ..
وميلود: يشبح لي نغم ويبتسم يبين غمازته بضحكته المستفزة ويغمزلها ...
الدكتورة: عادي لو نخليكم توا نرجع تتريحو وتطمنو ع بعض
وطلعت... ونغم جاية تكلمها
ميلود يضحك
ميلود: أحلى مراة ف العالم ..مرتي
نغم: تشبحله ... ع فكرة اني مش مرتك ومستحيل نكون مرتك مش كان متزوجين معناته متزوجين هدا مجرد .. كدبة ...
وتقلب ف عيونها
ميلود: يقرب منها .. توخر للحيط وهيا يدها مزلت فيها التغذية!!
ميلود: قرب منها هلبة غير تحولي التغذية ساهل وغمزلها .
نغم تنفست بقوة وحولت التغذية بسرعة اصلا هيا... حلمها تكون دكتورة وواخدة دورات طبية قبل
ميلود: يشبحلها باهي عندي مراة متعلمة ..
نغم فتحت اول شي تلفونها لقت مكالمات قريب 50 مكالمة!!!! فائتة من مرت بوها ومن مودة ..!! أستغربت ؟ خيرهم هدوم اول مرة يتصلو بيا ؟ زعما سمعو بالقصة اللي صارت!!
ميلود: قاعد خلفها ويسمع فيها
ميلود: رد عليها" أكيد سمعو بالقصة واكيد ح يقولو من مالك هدا وتصير قصة !!
نغم: مردتش عليه ... وحطت النقال ومبتش تعاود عليهم ... حمد الله تفكت منهم ..
فات الوقت...
نغم وميلود خدو ورقة خروج من المستشفى ..
نغم : ف السيارة .. وين بنمشو؟
ميلود: ماشي ... وكاعادته مسرع السرعة ..
ميلود: توا تعرفي
نغم: قصدك بنرجعو نفس العمارة ؟
ميلود: اول شي قبل متسألي وقبل منمشو حد اني بنحاسبك ونسألك ونتي تجاوبي بالحرف الواحد...
نغم: شن قصدك بي نحاسبك ؟ وتجاوبي بالحرف الواحد وهيا تشبحله وهوا سايق ..
ميلود: يوقف السيارة ع جهة الرصيف جنب ف حديقة..
ميلود: يشبحلها ... بدون مقدمات من هوا الك** مالك...؟؟ وملامح الغضب والجدية ف كلامه ووجهه بدت تبان عليه
نغم: ف داخلها وين وجهه البرئ اللي خايف عليا قبل شوية!! وهي تقول ف أفكارها وف روحها ومنزله شواربها بتعجب ! وتأسف!
ميلود: مراقب كل حركة وكل كلمة تقولها ومركز ف ملامحها ... ف روحههه شن تبيني ندير فيها البنت هدي منبيش ندير حاجة غلط بس حركاتها الطفولية والعفوية! مش ح تخلي فيا عقل؛؛؛!!!
نغم: ايه أولا مالك مدخلكش فيه وملكش بيه علاقة
ميلود: نعم؟ عاودي قصدك انتي تقوليها هكي قدام وجهي؟
نغم: زي شنو نقولك الحق اني؟
ميلود: هكي تواجهي فيا وتقولي مدخلكش بعد مصارت مشكلة وني اللي ساعدتك ونتي كنتي تقوليلي نعرفه مالك ويقتلني وو؟؟ شن معنه كلامك غادي وهني ولا شن تبي تخبي عليا؟
نغم: تتوتر وتحاول تفكر شن تقول
ميلود: منبيش تكدبي لأنه نظبطك ونعرفك من حركاتك ...
نغم: مالك هدا منححباش
ميلود: شن تقطريلي كلمة كلمة زي المطر اني قتلك تحبيه ولا متحبيشي اني قتلك من هوااا شن يبي فيك شن قصتك معاك مهددك حاجة ؟ وأعصابه ع نار
نغم: خلاااااص بصوت عالي خلاااااص معاش نبي نقول شي تعباانه رااه كيف طلعت من المستشفى مش فاضية تحقيقات وهلبة ضغط عليا ومش ملزوم نبررلك قصتي مع مالك ولا نحكيهالك... من أنت أصلا بنسبة ليا عشان نحكيلك حكايتي وقصتي اصلا مفيش حد عنده شفقة ف العالم وهي تقول ف الكلام هدا وهيا تزيد كلمات وهيا تدكر ف حقد مرت بوها وبنت مرت بوها وع ظلم اللي دارولها ف تزيد لكلام وووجها أحمر واخر شي نهارت بكي ومعاش تبي تشوف ل وجهه ميلود حرقاته بكلامها اللي اصلا مش لي ميلود ... قصدها بشي تاني .....
ميلود: يسمع ف كلامها هوا صح عارف اهه غصبوها عشانه بس مش عارف شن قصتها اللي عاشتها وشن ماضيها...
قاعد يسمع ف كل كلمة تقولها ويحس بيها
ميلود: ف روحه علاش بس تقولي لكلام الجارح هدا 💔
فقد الأمل نهائي أنه تحبه وطلع هوا اللي يحاول تخليه تحبه...
نغم: ف داخلها ياربي شن درت أنا علاش نجرح ف الولد خيره ساعدني وهوا اصلا مايعرف شي ..واهلي السبب علاش ضلمته .. بسرعه شبحتله وهيا دموعها ينزلو وخدودها حمر شكلها ذايب ... عيونها الكبار يبانو صغار
ونفس شكل ميلود اللي داخله محروق ... 💔ويحاول يستوعب كلامها ... ويفكر أنه.هدي البنت شكله مستحيل تحبه ...
نغم: تحاول تخلي الوسط كويس..
نغم: أسف .. قالتها وهي تشوف لي عيون ميلود الحزينات...
ميلود: يشبحلها وقاعد مش مستوعب؟ هدي نغم ف داخله وهوا يشبحلها ويحاول يفكر!
نغم: أي أسف ع لكلام كله اللي قلته مكنش قصدي
ميلود: ويشبح فيها ومركز ف حركاتها وكيف قتله أسف وفعلا حاس أنها قالتها من گل قلبها عكس كلمة أسف العادية!
ميلود يشبحلها بعد ماقلبه طمن شوية وعطاه أمل لحبه والأبتسامة ع وجهه بدت تطلع ووجهه المتنكد بدا يتنور ..
نغم: تكمل كلامها...
نغم: الكلام اللي قلته كله كان داخل قلبي ومن كل قلبي كنت نبي نطلع كان خاطري نقعد نحكي ونتعصب ع شخص كان خاطري نطلع اللي داخلي ... نبي نهدرز وننتت ع حد مايعدل عليا خاطري لكلام اللي ف قلبي والغصة اللي نابتة فيه نطلعها مالقيت غيرك " وهيا تشبحله ودموعها ينزلو مع كل حرف تقوله "
ميلود: مركز عليها وع شخصيتها فعلا هدي بنت لاقية حزن وغم في حياتها البنت اللي نشوف فيها مدمرة نهائي ..
نغم: تحكيله وهوا يتفرج ع تفاصيل وجهها اللي عجبوه .. مركز ع كل حركة أديرها بختصار يبي يحفظها يبيها ليه تكون ليه خصيصاً....
نغم: تحكي وتحكي اللي صارلها ف حياتها وتلوم ف مرت بوها بس ميلود مش عارف ع من بس كل مرة تقول دارولي وماخلوني نعيش حياتي وتبكي ...وتحكي
وميلود: يتفرج فيها وعاطيها كمية وجه حب وكمية .. خلوق تحمل ... مستعد يسمعها ويقعدو ف السيارة ومايتحركوش الوقت كله مستعد ع خاطرها كل شي ❤️
________________________#
روووايااات هدوووووش 22²²🔥
.
.
مودة: اتصلت بي ...** قالي تمام وهي تضحك بفرح .. وجهها مايبشرش للخير !!
فاطمة: ميه ميه بهي عرفتي وين هوا بظبط
مودة: قتلك اي بعتلي *** رقمه ومكانه وين يسكن وكل شي
فاطمة " مرت بو نغم متوترة رغم أنه بنتها معاها ومتوحدات ف الخطة بس حاسة بذنب وروحها خانقتها ..!!!
فاطمة تتكلم ف روحها وتعاتب في أفكارها!!
ياربي نتخايل ... كان صار اللي نبوه!! وقتها نغم تدمر نهائي وبعدين لو عرف بوها أنه حني السببب اها لاكن مش ح يعرف اي صح مش ح يعرف اها لاكن مالك مرات يحب نغم لو طلع يحبها شن يصير بيرفعها ...؟ لا مش هكي نبو نبو يقتلها بس تنتهي نغم او لالا نبو نطلعو شرف مغم بنت مش كويسة وااك بعدها شن يصير تقعد عيلتنا وسلالة عيلتنا معاش ياخدو منهم وعيلة مش كويسة وبنتي مودة مش ح تتجوز؟ اها لا مالا شنوو اه ياربي شن الأفكار هدي خلاص اللي صار صار بعد مادرنا الخطة؟ الله نغم تستااهل تستاهل اكتر واكتر علقل نتفكو منها يقعد سالم يحب بنته مودة عاد معنداش غيره ! وبعدين معاش تفكر وضحكت ضحكتها الشيطانية وحولت أفكار متاعت مديريشي وتبعت الشر وأفكارها الجهنمية!!
.
.
نغم تبكي وتحكي لين فرغت اللي فقلبها حست براحة ... وبدت تمسح عيونها
ميلود: خلينا نطلعو برا تتنفسي السيارة خلاص انتي مدمرة فعلا
نغم: أبتسمتله بهدوء ونزلت .. لي برا جو مصقع والسريع بس جيهتهم جيهة الحديقة .. ومفيش حد يجيها وقتها صقع ودنيا مغربة قريب الليل.
نزلت نغم وقعدت تستنشق ف الهواء وميلود خلفها ميبيش يزعجها بعيد شوي عليها هوا كان متكي ع السيارة ويشبحلها وهي كانت عاطياته ضهرها ..
نغم تفكر .. ف داخلها وحاسة براحة لأول مرة تحس أنه ف شخص مهتم بيها انه ف شخص عاطيها كلمة في شخص يحس بيها يحس باللي فيها اول مرة حست أنها مش بروحها اول مرة خدت أمل في الحياة كانت تكره دنيتها ...تتمني ديما ربي يقبض روحها ... حاسبة مفيش حاجة حلوة مدمت امها مش حية وبوها مش معدل عليها ومعندهاش خوات وزادتها لما تزوجت حسبت روحها ممكن مع راجلها تخنق روحها ..
بس تبدلت الأحوال وشافت أنه ربي يحبها وربي اللي يسرلها ميلود يكون سند ليها وتتفكى من ضلم أهلها ليها ربي جابلها ميلود عشان تلقى كيف تضحك تلقى من يسمعها من يهتم بيها من يحسسها بوجودها ❤️
ميلود : جا تاليها وهي تفكر الأفكار هادوم ومغمضة عيونها وتبتسم ..
ميلود: أبتسمتي ؟
نغم: لفتت وجها جيهتة وهي تضحك وتشبحله بكل حب وكل شغف ...
نغم: من كل قلبي .. ❤️
ميلود: جا دوره بدا قلبه ينبض هههه ويشبحلها وهوا بدا يرمش ف عيونه ويبتسم؟ كملي
#يتبع...
❤️
زعما شن يصير ف نغم وميلود؟❤️
وشن يصير في مرت بو نغم ومودة وشن يخططو لي نغم احداث نار واكشن وتشويق مزال جاية هدي مجرد بداية الحلقة 🔥
الكاتبة: #هدووووش تفاعلو الحلقة نبيها توصل300 تصوييت !
نحبكممم متابعيني كل اللي تابعوني واللي متابعوش يتابعو كاتبتهم الحلوة 😂❤️
أنت تقرأ
أبتعد عني أنا لا أحبك | Libya|2022"
Lãng mạnروايـة تحكي على بنت في عمر 19 سنـة يجبرها بوها ومرت بـوها تتزوج شـخص أكبر منها " "كلـه ع خاطـر لفــلوس بـوها وافق " ومرت بوها قنعت بوها" ... "تنهار البنت وتوقف قرايتها" "رفـضت تشـوف الشـخص اللي بتتجـوزه! "وتستنى اليوم اللي ح يكون عرسها 💔. "وشن ي...
