My Man is A Bad Guy (Zawgyi And Unicode )

Ep ... 22 🚨

အလုပ်ရှုပ်​နေခဲ့တာ​ကြောင့် သူ  jungkook  နဲ့မ​တွေ့ရတာ တစ်ပတ်ပင် ပြည့်​တော့မည် ။ တက္ကသိုလ်​ကျောင်းသားဘဝက ​ပျော်ရမယ်ဆို​ပေမဲ့ သူ့လို အနုပညာ​လောကထဲ ​ခြေချမဲ့လူက​တော့ အားလပ်မ​နေ ။ မိဘ​တွေရဲ့ ခွင့်ပြုချက်ကိုလဲ ရထားပြီမို့  Taehyung ဒီ​လောကထဲကို ​ခြေစုံပစ်ဝင်နိုင်​လေပြီ ။

Jungkookလဲတက္ကသိုလ်တက်ရင်း သူ့အ​ဖေရဲ့ ကုမ္ပဏီကိစ္စ​တွေကို  ​လေ့လာ​နေရသည် ။ အလုပ် နဲ့ ​ကျောင်းနဲ့ လုံး​နေတာ​ကြောင့် သူ့ဆီ phone ​တောင်မဆက်နိုင် ။ သူလဲ​တော်​တော် မအားတာမို့  ဖုန်းမဆက်နိုင်နဲ့ ၂​ယောက်သား တစ်ပတ်​လောက်​ဝေး​နေကြသည်ပင် ။

​ခြေလှမ်းမှန်​သော​ကြောင့် တ​ဖြေး​ဖြေးနာမည်ရလာ​သော  Taehyung က ထုတ်လုပ်သူ​တွေအတွက် သိပ်ကို သ​ဘောကျစရာ​ကောင်းလာတဲ့ သရုပ်​​ဆောင်သစ်​လေးဖြစ်လာသည် ။ သူ ဘယ်ကုမ္ပဏီနဲ့မှ စာချုပ်မချုပ်ရ​သေး​ပေ , jungkook နည်းတူ မိဘကုမ္ပဏီလက်​ပြောင်းယူရမဲ့ Shin လဲ စီးပွား​ရေး​လောကထဲ ​​ခြေချစ ပြု​နေပြီဖြစ်၏ ။ အလားအလာ​ကောင်းလှ​သော သူ့လို တက်သစ်စသရုပ်​​ဆောင်ကို  Shin က လက်မလွတ်ချင် , လူသစ်ရှာ​ဖွေ​ရေးဒါရိုက်တာ​နေရာကို ယာယီယူထား​သော Shin က သူ့ကို မက်လုံးများစွာ​ပေးလာကာ စာချုပ်ချုပ်ဖို့ ကြိုးစားလာ​တော့သည် ။

Shin တို့ ကုမ္ပဏီသည် သရုပ်​ဆောင်​တွေအလုပ်တွဲလုပ်ချင်လှတဲ့ နာမည်ကြီးဖြစ်သည် ။ Shin အ​မေဖြစ်သူ Ms.Kim သည် ထက်မြက်လှသူဖြစ်ကာ စီးပွား​ရေးနယ်ပယ်တွင် ပါးနပ်ကျွမ်းကျင်သည် ။ အ​မေ​ခြေရာနင်း​သော Kim Shin သည်လည်း ခြွင်းချက်မရှိ , သူမ အ​မေဖြစ်သူ ဘယ်​လောက်​တောင် သမီးဖြစ်သူအ​ပေါ်  တင်းကျပ်ထားမှန်း Taehyung ကြည့်တာနဲ့တင် သ​ဘော​ပေါက်သွားသည် ။

" Taehyung , နင့်အတွက်  အကျိုးအမြတ်များ​စေရမယ်လို့ ငါ အာမခံတယ် ၊ နင်လဲသိတဲ့အတိုင်း ငါတို့ကုမ္ပဏီက ဘယ်သရုပ်​ဆောင်ကို မျက်နှာလွှဲခဲပစ် လုပ်ဖူးလို့လဲ ? "

Taehyung သူ့​ရှေ့က ​ကောင်မ​လေးကို ကြည့်လိုက်မိသည် ။ အသက် ၁၉ ၂၀ သူနဲ့အသက်တူတူ​လောက်ပဲရှိသည့် Shin သည် လူငယ်ဆန်သ​လောက် တစ်ချိန်တည်းမှာပဲ လိမ္မာပါးနပ်တဲ့ စီးပွား​ရေးသမားနဲ့ တူ​နေပြန်တယ် ။ ခန္ဓာကိုယ် ​ကောက်​ကြောင်းကို ​ပေါ်လွင်​စေ​သော ကိုယ်ကြပ်ဂါဝန်တိုနဲ့  နီရဲ​နေ​သော နှုတ်ခမ်းနီ , ပြီး​တော့ ​ကျော​ပေါ်ဖြန့်ချထားတဲ့ အနက်​ရောင် ဆံပင်လိပ်​တွေ ။ သူ အထက်တန်းပထမနှစ်တုန်း စ​တွေ့ခဲ့ပြီး သူ့ချစ်သူနဲ့အတူ ကျောင်းကို ​ပြောင်းပြန်​မှောက်တတ်တဲ့  ထိုမိန်းက​လေးသည် ဒီလိုလှပကာ ထက်မြက်​သော မိန်းမပျို​လေးအဖြစ် ​ပြောင်းလဲလာခဲ့၏ ။