My Man is A Bad Guy (Zawgyi And Unicode )

Ep 21

ဆူညံ​နေ​သော အသံ​တွေ​ကြောင့် jungkook အိပ်ရာက​နေ ကုန်းရုန်းထလိုက်သည် ။ အိပ်ချင်မူးတူးနဲ့ နာရီကို လှမ်းကြည့်​လိုက်​တော့ ​နေ့လည် ၁၁နာရီအတိ ။ ညက ချစ်သူ​လေး နဲ့ စကား​ပြော​နေတာမို့ မနက် ၄နာရီထိုးမှ အိပ်​ပျော်သည် ။ ​ခေါင်းအုံး​ဘေးနားမှာ ရှိ​​တဲ့ phone ကို လှမ်းယူကာ Taehyung ဆီ စာလှမ်းပို့လိုက်သည် ။

" Morning အလှ​လေး "

မိနစ်အနည်းငယ် ကြာတဲ့အထိ စာပြန်မလာတာကို ကြည့်ရတာ​တော့ သူ့ ​ကောင်​လေး အခုထိ အိပ်​နေတုန်း ထင်ပါရဲ့ ။

" သခင်​လေး ,သခင်မကြီး နှိုးခိုင်းလိုက်လို့ပါ "

ပိတ်ထားတဲ့ တံခါးဆီက​နေ အသံကြားလိုက်ရတာမို့ သူ အိပ်ရာက​နေ ထလိုက်သည် ။ အိပ်ရာထကာစ ဆံပင် နှင့် ဖရိုဖရဲ ဖြစ်​နေ​သော ညအိပ်ဝတ်စုံက ရင်ဘတ်က ဟ​နေ​သေးသည် ။

" ကျွန်​တော် နိုးပြီ "

သူ တံခါးဖွင့်ကာ ထိုလူကို အ​ကြောင်းပြန်လိုက်သည် ။ ဆူညံ​နေတာ​ကြောင့် သူ ခပ်မြန်မြန်ပဲ ​အောက်ထပ်ကို ဆင်းသွားလိုက်၏ ။ အလုပ်ပိတ်တဲ့ရက်မို့လို့ Daddy လဲ အိမ်မှာရှိ​နေ​လေသည် ။ Mommy က​တော့ လက်ညိုးထိုးကာ ဟိုပစ္စည်း​ရွေ့ခိုင်း ဒီပစ္စည်း​ရွေ့ခိုင်းနဲ့ အလုပ်ရှုပ်​နေ၏ ။ သူ ဆင်းလာတာ​တွေ့​တော့ mommy က ပြုံးကာ ​မေးလာသည် ။

" သား​လေး ,မျက်နှာ သစ်ပြီးပြီလား ? ​ရေမျိုးချိုးပြီး မနက်စာ လာထွက်စား mommy အသင့်ပြင်​ပေးထားတယ် "

" Mom, ဒီ​နေ့ ဘာ​နေ့မို့လို့ အလုပ်​တွေရှုပ်​နေတာ ? "

ဧည့်ခန်းက ဆိုဖာ​ပေါ်မှာ သူ ဝင်ထိုင်ရင်း ​မေးလိုက်မိသည် ။

" မင်း အစ်ကို ဒီ​​နေ့ပြန်လာလိမ့်မယ် "

Daddy ​ပြောလိုက်တဲ့ စကား​ကြောင့် အိပ်ချင်မူးတူးစိတ်​လေးပါ ​ပျောက်သွားရသည် ။ သူ မှတ်မိသ​လောက်ဆို အစ်ကို ပြန်လာဖို့က ၂လ​လောက် လို​သေးသည်မလား ။

" ဘာလို့ အဲ့​လောက်​တောင် မြန်မြန် ပြန်လာရတာလဲ "

" ရုံးခွဲကို မင်းဦ​လေးကို လွှဲလိုက်ပြီ , Jaemin ကို ဒုက္ကဌ​နေရာ​ပေးဖို့ အချိန်​ရောက်ပြီ​လေ "